logo

ҳуқуқ

БАРРАСИИ ТАЪМИНИ АМНИЯТ ДАР МИНТАҚА

Дар Кохи «Ваҳдат» Муколамаи сатҳи баланд дар масоили амниятӣ миёни Иттиҳоди Аврупо ва кишварҳои Осиёи Марказӣ баргузор гардид. Дар он Ҳелга Шмид, муовини котиби генералии Хадамоти аврупоии фаъолияти хориҷӣ, ҳамчунин муовинони вазирони корҳои хориҷии кишварҳои Осиёи Марказӣ ва Афғонистон ширкат доштанд.

Мавзӯи асосии ҳамоиш дар атрофи масоили таҳкими амният ва субот дар минтақаи Осиёи Марказӣ сурат гирифт. Иштирокдорони муколама масъалаҳои мубориза бо терроризм, қочоқи маводи мухаддир, вазъи Афғонистон, ҳамчунин мусоидат ба идораи сарҳадот ва муҳоҷиратро мавриди муҳокима қарор доданд.
Низомиддин Зоҳидов, муовини вазири корҳои хориҷии Тоҷикистон, иброз дошт, ки Тоҷикистон дар ҳамаи барномаҳо, аз ҷумла дар масъалаи таҳкими сулҳу субот дар Афғонистон аз ибтидои истиқлолияташ нақши хеле муҳим мебозад. Имрӯз ҳам Тоҷикистон дар бисёр барномаҳо, аз ҷумла мубориза бар зидди маводи мухаддир барномаи «БОМКА», ки онро Иттиҳоди Аврупо роҳандозӣ мекунад ва масъалаи мусоидат ба идораи сарҳадотро дар назар дорад, фаъолона ширкат меварзад. Ин ширкат аз тариқи муколама, ҳамкорӣ бо сохторҳои дахлдори кишварҳои минтақа, аз ҷумла Афғонистон сурат мегирад.
Бояд зикр кард, ки муколамаи қаблӣ миёни Иттиҳоди Аврупо ва кишварҳои Осиёи Марказӣ моҳи июни соли 2013 дар Брюссел баргузор шуда буд, ки дар он масоили амнияти минтақа баъди баровардани неруҳои байналмилалӣ аз Афғонистон дар меҳвари таваҷҷуҳ қарор дошт. Ҷаласаи навбатии Муколамаи Иттиҳодияи Аврупо - Осиёи Марказӣ оид ба амният дар шаҳри Душанбе бо пешниҳоди ҷониби Тоҷикистон сурат гирифт.
Ҳелга Шмид иброз дошт, ки баргузории Муколамаи сатҳи баланд дар масоили амниятӣ бо кишварҳои Осиёи Марказӣ, барои таъмини суботу амният дар минтақа, аз ҷумла Тоҷикистон мусоидат хоҳад кард.
Мунаввари САФАР,
«Ҷумҳурият»


Баёни ақида (0)    Санаи нашр: 13.03.2015    №: 52    Мутолиа карданд: 704

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед