logo

ҳуқуқ

БАХТ ТАВАССУТИ ОИЛА БА ДАСТ МЕОЯД

Президенти Ҷумҳурии Тоҷикистон, муҳтарам Эмомалӣ Раҳмон дар Паёми навбатии худ ба Маҷлиси Олӣ, аз 23 январи соли 2015, ба масъалаҳои маърифати оиладорӣ, баланд бардоштани масъулияти падару модарон дар таълиму тарбияи фарзанд, омода кардани фарзандон ба ҳаёти мустақилона ва пойдории оила таваҷҷуҳи хос зоҳир намуда, аз ҷумла гуфт: «Бо дарназардошти аҳамияти масъала, мувофиқи мақсад аст, ки дар синфҳои болоии мактабҳои таҳсилоти умумӣ курсҳои махсуси таълими маърифат ва одоби оиладорӣ ба роҳ монда шавад».

Ҳар чи зудтар ба роҳ мондани курсҳои махсуси таълими маърифат ва одоби оиладорӣ дар муассисаҳои таълимӣ ба манфиати аҳли ҷомеа хоҳад буд. Зеро мо - судяҳо ҳангоми баррасии парвандаҳои оилавӣ дар бораи бекор кардани ақди никоҳ мебинем, ки яке аз сабабҳои асосии ҷудошавии оилаҳои ҷавон ниҳоят паст будани сатҳи маърифати оиладорӣ мебошад. Сабаби дигари пош хӯрдани оилаҳо дар он аст, ки бисёре аз падару модарон фарзандонро бе муоинаи пешакии тиббӣ хонадор карда, вазъи саломатии онҳоро ба эътибор намегиранд. Дар миёни ҷавонон ҳолати никоҳи хешовандони наздик зиёд шуда, боиси таваллуди кӯдакони маъюб гардида истодааст. Соли сипаришуда маҳз бо сабабҳои зикршуда, бо қарори суди шаҳри Ваҳдат 151 ақди никоҳ бекор шудааст.
Судяҳо ва кормандони суди шаҳри Ваҳдат аз тамоми имкониятҳо истифода бурда, кӯшиш ба харҷ медиҳанд, ки ақди никоҳи ҷавонон бекор нагашта, оилаҳо барҳам нахӯранд. Маҳз дар натиҷаи чораҳои бо қонун пешбинишуда дар соли 2014 - ум 309 оила вайрон нашуда, ҷавонон ҳаёти хушбахтонаи оилавиро аз сар гирифтанд.
Мо - кормандони мақомоти судӣ, ҳангоми баррасии парвандаҳои оилавӣ дар бораи бекор кардани ақди никоҳ ҷавононро дар рӯҳияи барпо намудани оилаи солим ва соҳиби фарзанди солим шудан тарбия намуда, ба онҳо мефаҳмонем, ки бекоршавии ақди никоҳ ба кӯдакон таъсири манфӣ мерасонад. Ёдрас менамоем, ки ниёгонамон бо мақсади гарду ғубор нагирифтани боғи оиладорӣ онро чун гавҳараки чашм тозаву озода нигоҳ медоштанд. Ҷавононро бо паҳлуҳои нозуки оиладорӣ шинос карда, пастию баландиҳои зиндагиро мефаҳмонем.
Пас аз таъкиди Сарвари давлат дар бораи муоинаи ҳатмии пешакии тиббии издивоҷкунандагон ва пешгирӣ намудани никоҳи байни хешовандони наздик шубҳае нест, ки ақди никоҳ пас аз муоинаи ҳатмии тиббӣ баста шуда, солимии ҷомеа таъмин мегардад. Ҳамаи инро ба назар гирифта, роҳбарияти суди шаҳри Ваҳдат баъди дар матбуот нашр шудани Паёми Президент нақшаи чорабиниҳоро доир ба тарбияи оилаи солим, пешгирии бекоршавии ақди никоҳ ва никоҳи хешовандони наздик таҳия ва тасдиқ карда, судяҳо ва кормандони масъули дастгоҳро вазифадор намуд, ки дар ин замина корҳои ташвиқотиву тарғиботиро хубтар ба роҳ монанд.
Аз ин хотир, мо - судяҳо ба мардум бо дарки масъулият мефаҳмонем, ки дар асл одоби оиладорӣ муаммои нав набуда, барои тамоми давру замон мавзӯи муҳим ба шумор меравад. Адибону файласуфон ва олимон аҳамияти онро хуб дарк намуда, дар бораи нозукиҳои оиладорӣ осори зиёде ба мерос гузоштаанд. Яке аз мутафаккирони маъруфи ҷаҳони ислом имом Муҳаммади Ғаззолӣ ҳанӯз дар асри ХI дар бораи никоҳ, оиладорӣ ва тарбияи фарзанди солим андешаҳои худро баён карда, таъкид намуда буд, ки бахт тавассути оила, хулқу атвори нек ва тарбияти хуб ба даст меояд.
Бо чунин барнома имрӯз судяҳи суди шаҳри Ваҳдат дар ҷамоатҳои деҳот, корхона ва ташкилоту муассисаҳои таълимӣ суҳбату вохӯриҳо доир намуда, дар як вақт аз таҷрибаи судии бекоршавии оилаҳои ҷавон мисолҳо оварда, ҷавононро дар рӯҳияи неку муқаддас нигоҳ доштани оила тарбия менамоянд. Итминони комил дорам, ки мо - кормандони ҳифзи ҳуқуқ якҷо бо халқи шарифи Тоҷикистон дастуру ҳидоятҳои Президенти мамлакат, муҳтарам Эмомалӣ Раҳмонро, ки аз Паёмашон ба Маҷлиси Олӣ бармеоянд, бо ҳисси баланди масъулият иҷро намуда, дар бунёди оилаи солим саҳми арзанда мегузорем.

Бахтиёр ХОЛИҚОВ,
муовини якуми раиси суди шаҳри Ваҳдат


Баёни ақида (0)    Санаи нашр: 7.04.2015    №: 71    Мутолиа карданд: 836

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед