logo

қарорҳои ҳукумат

Қарори Ҳукумати Ҷумҳурии Тоҷикистон аз 31 декабри соли 2014, № 815, ш. Душанбе Оид ба тадбирҳои вусъат додани ҳисоббаробаркунии ғайринақдӣ тавассути кортҳои пардохтии бонкӣ

Мутобиқи моддаи 15 Қонуни конститутсионии Ҷумҳурии Тоҷикистон «Дар бораи Ҳукумати Ҷумҳурии Тоҷикистон», бо мақсади рушди минбаъдаи низоми ҳисоббаробаркунии ғайринақдӣ ва вусъат додани истифодаи кортҳои пардохтии бонкӣ дар савдои чакана ва қабули онҳо мавриди пардохти хариди молу хизматрасониҳо ҷиҳати коҳиш додани ҳаҷми пули нақд дар муомилот тибқи Нақшаи чорабиниҳо ҷиҳати васеъ намудани ҳиссаи ҳисоббаробаркуниҳои ғайринақдӣ, танзим ва коҳиш додани муомилоти пули нақд дар амалиётҳои тиҷоратӣ, хариду фурӯши молу хизматрасонӣ дар Ҷумҳурии Тоҷикистон, Ҳукумати Ҷумҳурии Тоҷикистон қарор мекунад:
1. Номгӯи шахсони ҳуқуқӣ, сохторҳои алоҳидаи шахсони ҳуқуқӣ, соҳибкорони инфиродии тибқи шаҳодатнома фаъолияткунанда (минбаъд - сохтор), ки бояд бо терминалҳои электронӣ барои қабули кортҳои пардохтии бонкӣ муҷаҳҳаз гардонида шаванд, тасдиқ карда шавад (замима мегардад).
2. Воҳидҳои мазкур ба қабули ҳатмии кортҳои пардохтии бонкӣ барои ҳисоббаробаркунии молҳои фурӯхташуда, корҳои иҷрошуда ва ё хизматҳои расонидашуда дар мӯҳлатҳои зерин гузаранд:
- дар шаҳрҳои Душанбе, Хуҷанд ва Қӯрғонтеппа – то 1 сентябри соли 2015;
- дар шаҳрҳои Кӯлоб, Хоруғ ва шаҳру марказҳои ноҳияҳои дигари Ҷумҳурии Тоҷикистон – то 1 январи соли 2017.
3. Ҳамаи ташкилотҳои қарзие, ки ба барориш ва хизматрасонии кортҳои пардохтии бонкӣ машғуланд, қабул ва хизматрасонии ҳатмии кортҳои Низоми пардохти миллӣ «Корти миллӣ» - ро то 1 марти соли 2015 таъмин намоянд.
4. Вазорату идораҳо ва ташкилотҳои дигари буҷетӣ ба кортҳои пардохтии бонкии кормандон гузаронидани музди меҳнат ва дигар намудҳои пардохтҳои ба он баробаркардашударо таъмин намоянд.
5. Кумитаи телевизион ва радиои назди Ҳукумати Ҷумҳурии Тоҷикистон, Ассотсиатсияи бонкҳои Тоҷикистон, Ассотсиатсияи ташкилотҳои маблағгузории  хурди Тоҷикистон ва ташкилотҳои қарзӣ бо мақсади татбиқи қарори мазкур, оид ба истифодаи технологияҳои муосири пардохтӣ тавассути воситаҳои ахбори омма корҳои фаҳмондадиҳӣ ва чорабиниҳои таблиғотӣ гузаронанд.
6. Бонки миллии Тоҷикистон барои сари вақт бо таҷҳизоти дахлдор таъмин намудани ташкилотҳои қарзии хизматрасон ҷиҳати иҷрои банди 1 қарори мазкур чораҳои зарурӣ андешад.
7. Ташкилотҳои қарзӣ насб кардани терминалҳои электрониро дар нуқтаҳои савдою хизматрасонӣ таъмин намоянд.
8. Ташкилотҳои қарзӣ ҳар моҳ оид ба амалиётҳои ба воситаи терминалҳои электронӣ дар нуқтаҳои савдо ва хизматрасонӣ гузаронидашуда то санаи 5 моҳи минбаъда ба Кумитаи андози назди Ҳукумати Ҷумҳурии Тоҷикистон ҳисобот пешниҳод намоянд.
9. Кумитаи андози назди Ҳукумати Ҷумҳурии Тоҷикистон ба  ташкилотҳои қарзӣ шакли ҳисобот-диҳиро ба амалиётҳои ба воситаи терминалҳои электронӣ гузаронидашуда пешниҳод намояд.
10. Бонки миллии Тоҷикистон дар якҷоягӣ бо Вазорати адлияи Ҷумҳурии Тоҷикистон, Вазорати молияи Ҷумҳурии Тоҷикистон ва Кумитаи андози назди Ҳукумати Ҷумҳурии Тоҷикистон   мувофиқи тартиби муқарраргардида оид ба ворид намудани тағйиру иловаҳо ба санадҳои меъёрии ҳуқуқии дахлдор вобаста ба муқаррар намудани муҷозот нисбат ба муассисаҳои савдою хизматрасонӣ барои саркашӣ намудан аз насби терминалҳои электронӣ ва рад кардани истифодабарии кортҳои пардохтии бонкӣ дар ҳисоббаробаркуниҳо таклифҳои мушаххас пешниҳод намояд.
11. Назорати иҷрои қарори мазкур ба зиммаи Сарвазири Ҷумҳурии Тоҷикистон вогузор карда шавад.

Раиси Ҳукумати
Ҷумҳурии Тоҷикистон     Эмомалӣ РАҲМОН


Замима ба Қарори
Ҳукумати Ҷумҳурии Тоҷикистон  
аз 31 декабри соли 2014, № 815

Номгӯи сохторҳое, ки бояд бо терминалҳои электронӣ барои қабули кортҳои пардохтии бонкӣ муҷаҳҳаз гардонида шаванд

1. Нуқтаҳои фурӯши билетҳои нақлиёти ҳавоӣ, роҳи оҳан ва автомобилӣ.
2. Нуқтаҳои қабули маблағҳо аз аҳолӣ, барои пардохти хизматрасонии манзилию коммуналӣ, қувваи барқ ва алоқаи телефонӣ.
3. Марказҳои хизматрасонии бонкии пардохти андоз ва дигар пардохтҳои ҳатмии ба он баробаркардашуда.
4. Терминалҳои гумрукӣ ва дидбонгоҳҳои гумрукӣ барои қабули пардохтҳои гумрукӣ ва дигар пардохтҳои ҳатмӣ.
5. Марказҳои савдои чакана ва яклухт, ки толори фурӯши онҳо зиёда аз 40 метри мураббаъ мебошад.
6. Нуқтаҳои фурӯши сӯзишворӣ.
7. Тарабхонаҳо.
8. Беморхонаҳои хусусӣ.
9. Дорухонаҳо.
10. Муассисаҳои фарҳангию дилхушкунанда (кинотеатрҳо, театрҳо, осорхонаҳо ва ғ.).
11. Истироҳатгоҳҳо ва осоишгоҳҳо.
12. Меҳмонхонаҳо.
13. Нуқтаҳои хизматрасонии ташхиси техникии воситаҳои нақлиёт.
14. Автодромҳо барои супоридани имтиҳон ҳангоми гирифтани шаҳодатномаи ронандагӣ.
15. Ташкилотҳои суғурта.


Баёни ақида (0)    Санаи нашр: 8.04.2015    №: 72    Мутолиа карданд: 812

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй


Дар сомонаҳои дигари Тоҷикистон хонед