logo

суханрониҳо

Суханронии Эмомалӣ Раҳмон, Президенти Ҷумҳурии Тоҷикистон, дар маросими гузоштани санги асос ба бунёди хати барқии 500 - киловолтаи Душанбе – ноҳияҳои тобеи ҷумҳурӣ ва панҷ муассисаи таҳсилоти миёнаи умумӣ, ноҳияи Варзоб, 20 апрели соли 2015

Узви Бюрои сиёсии Кумитаи Марказии Ҳизби Коммунисти Чин муҳтарам Чжан Чунсян!
Меҳмонони гиромӣ!
Дӯстони азиз!
Нахуст мехостам дар ин маросими бошукӯҳ ҳайати дӯстонамонро аз Ҷумҳурии Халқии Чин бо сарварии Котиби ҳизбии Ноҳияи Мухтори Синзяну Уйғур, дӯсти олиқадри мо Чжан Чунсян хайра мақдам гӯям.
Равобити созанда ва пурсамари мо бо ҳамсояи бузургамон – Ҷумҳурии Халқии Чин, ки солҳои охир хусусияти шарикии стратегӣ касб кардааст, рӯ ба тараққист. Мардуми Тоҷикистон набзи ин дӯстиро дар мисоли иншооти сершуморе, ки бо мусоидати хайрхоҳонаи дӯстонамон аз ин ҳамсоякишвари мо амалӣ мегарданд, баръало эҳсос менамоянд ва қадр мекунанд.
Ҳамкории муассири ду кишвари узви Созмони ҳамкориҳои Шанхай – Тоҷикистону Чин тақрибан дар тамоми бахшҳои зиндагии ҳаррӯзаи мо инъикос ёфта, аз саноату кишоварзӣ то фарҳангу маорифро дар бар мегирад ва ҳар солу ҳар моҳ самараи нек мебахшад.
Имрӯз низ мо дар ин ҷо ба муносибати боз як рӯйдоди хурсандиовар – гузоштани санги асос барои оғози бунёди хатти интиқоли барқи 500 - киловолта ба ноҳияҳои тобеи ҷумҳурӣ ва шурӯъ гардидани сохтмони панҷ мактаби нав дар минтақаҳои гуногуни кишвар, ки натиҷаи пурсамари ҳамкориҳои мо хоҳанд буд, гирди ҳам омадаем.
Аз ҷониби роҳбарияти Ҷумҳурии Халқии Чин бо камоли ҷиддият ва самимият қабул шудани ҳамаи ҳадафҳои стратегии рушди минбаъдаи Тоҷикистон – ноил шудан ба истиқлолияти энергетикӣ, аз бунбасти коммуникатсионӣ баровардани кишвар ва ҳифзи амнияти озуқаворӣ эътимоду итминони моро ба амалӣ шудани ин ҳадафҳо дар муддатҳои кӯтоҳтарин зиёдтар мегардонад.
Хати интиқоли баландшиддати барқе, ки мову шумо имрӯз ба бунёди он ҳусни оғоз мебахшем, дар барномаҳои созандагиву ободкорӣ мақоми хоса дошта, ҷиҳати бо барқ таъмин намудани аҳолии манотиқи мухталифи кишвар ва корхонаҳои ҷадиди саноатӣ, инчунин рушди бахшҳои гуногуни иқтисоди миллӣ нақши басо арзишманд хоҳад бозид. Дарозии ин хат 196 километрро ташкил дода, бо васлу насби 466 симпоя ва ба маблағи қариб 500 миллион сомонӣ сохта хоҳад шуд ва дар роҳи татбиқи яке аз ҳадафҳои стратегии кишвар, интиқоли боэътимоди неруи барқ ба шимоли мамлакат ва ноҳияҳои тобеи марказ саҳми муҳиме хоҳад дошт.
Ҳамзамон бо ин, баробари татбиқи як силсила лоиҳаҳо аз қабили сохтмони зеристгоҳи «Шаҳринав - 220 кв», «Ҳисор - 110 кв» ва навбати дуюми Маркази дуюми барқу гармидиҳии Душанбе бо тавоноии 300 мегаватт, бунёди ин хати барқ низ амалӣ гардидани орзуву ормонҳои мардуми моро, ки қаблан зикр кардам, боз ҳам наздиктар хоҳад сохт.
Лаҳзаи басо хотирмон аст, ки якҷоя бо оғози бунёди хати интиқоли барқ мо рамзан ба сар кардани сохтмони панҷ муассисаи таҳсилоти миёнаи умумии дигар дар шаҳри Душанбе ва ноҳияҳои кишвар санги асос мегузорем. Ин амр, аз як ҷониб, бо муассисаҳои навбунёди илму маърифат таъмин намудани аҳолии кишвар бошад, аз ҷониби дигар нишонаи таваҷҷуҳи ҳамарӯзаи Ҳукумати кишвар ба тарбияи наслҳои давраи истиқлолият аст, ки дар роҳи татбиқи барномаҳои ояндаи мо нақши калидӣ хоҳанд дошт.
Шоистаи зикр аст, ки ин панҷ муассиса дар маҷмӯъ 7700 ҷои нишаст дар ду баст дошта, ба маблағи наздик ба 80 миллион сомонӣ сохта мешавад.
Итминони комил дорам, ки бунёди хати интиқоли барқи баландшиддати 500 - киловолта дар шаҳру ноҳияҳои тобеи ҷумҳурӣ ва муассисаҳои зикршуда, ки аз ҷониби Корпоратсияи соҳибноми чинии «Ти Би Эй» роҳандозӣ карда мешавад, дар муҳлатҳои муқарраршуда ва бо сифати баланд ба иҷро расида, боз як намунаи сатҳи баланди ҳамкории бунёдкорона ва рӯ ба густариши Тоҷикистону Чин хоҳад шуд.
Аз ин рӯ, дар фарҷом мехостам ба ин муносибат ба шарики боэътимоди стратегиамон – Ҷумҳурии Халқии Чин арзи сипос намуда, ба муҳандисону бинокорон, барқчиён ва ҳамаи онҳое, ки дар раванди сохтмону баҳрабардории ин иншооти муҳим саҳм мегузоранд, саломативу сарбаландӣ ва барори кор орзу намоям.

 


Баёни ақида (0)    Санаи нашр: 22.04.2015    №: 82    Мутолиа карданд: 543

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад


Дар сомонаҳои дигари Тоҷикистон хонед