logo

туризм

МАСЪАЛАЕ, КИ КАМ ЁД МЕШАВАД

Давлатшоҳ Гулмаҳмадзода, раиси вилояти Хатлон, шеваи номуассири таҳияи туҳфаҳои рамзиро барои меҳмонони хориҷие, ки дар ҷашни “Кӯлоб - пойтахти фарҳангии ИДМ” ширкат доштанд, мавриди интиқод қарор дод.

Ба қавли раиси вилоят, ба чунин мақом мушарраф гардидани Кӯлоби бостонӣ боиси ифтихори кулли мардуми Тоҷикистон аст. «Аммо мо ҳатто китоби махсуси суратҳо (фотоалбом) пешниҳод накардем, ки бозгӯи фарҳангу тамаддун буда, аз иншооти таърихӣ ва мавзеъҳои тамошобоби Кӯлоб ҳикоят намояд. Дар дохили туҳфае, ки муовини мири шаҳри Воронеж ба ман дод, китоб, қалам, кулоҳ, пероҳан ва паймонае бо навиштаи “Пойтахти фарҳангии ИДМ” мавҷуд буд. Аз ҷониби мо бошад, ҷузвдонҳои пур аз лимӯ ва мағзу мавиз тақдим гардид. Бароямон одат шудааст, ки фақат баъд аз омадани меҳмон ба бозор давем ва фикр кунем, ки барояш чӣ туҳфа бихарем. Ҳол он ки ба ин гуна маъракаҳо қаблан омодагӣ мебинанд ва туҳфаҳоро барои муаррифии фарҳангу тамаддун истифода мебаранд», гуфт Д. Гулмаҳмадзода ҳангоми ҷаласаи вижа.
Раиси вилоят, зимнан, масъулони шаҳру ноҳияҳо, раёсати ҷавонон, варзиш ва сайёҳии вилоятро муваззаф намуд, ки муаррифиномаи мусаввари ҳар як шаҳру ноҳияро бо чанд забон таҳия намоянд. Диққати соҳибкорону ҳунармандони маҳаллиро ба истеҳсоли туҳфаҳои рамзӣ, дар мисоли тоқию рӯймолҳои нақшин, китобу дафтару хомаҳои дорои навиштаҷоти махсус ва ҳоказо ҷалб карда, дастур дод, ки барои фурӯшашон дуконҳои махсус боз карда шаванд.
Дар ин росто, Беҳрӯз Бобоев, масъули риштаи сайёҳии Раёсати ҷавонон, варзиш ва сайёҳии вилояти Хатлон, зимни суҳбат эродҳои раиси вилоятро саривақтӣ дониста, изҳор дошт, ки истеҳсоли туҳфаҳои рамзӣ дар вилоят дар сатҳи ниҳоят паст қарор дорад. “Соҳибкорон то ҳол ба ин навъи тиҷорат ба таври бояду шояд аҳамият надодаанд. Аммо мо кӯшиш мекунем, ки ин камбудӣ ислоҳ гардад. Як сабаби заифии бахши сайёҳии вилоят маблағгузории нокифояи мақомоти иҷроияи маҳаллии ҳокимияти давлатии шаҳру ноҳияҳо ба барномаи амали ин ҷода мебошад. Алъон, дар пайи татбиқи дастури раиси вилоят таҳияи наворҳои видеоӣ доир ба ҷойҳои тамошобоби шаҳру ноҳияҳо ва омодасозии туҳфаҳои хотирмон оғоз гардидаанд”, - мегӯяд Б. Бобоев.
Давлатшоҳ Гулмаҳмадзода, ҳамзамон гуфт, ки: “симои меъмории шаҳру ноҳияву деҳаҳо ҳамон гунае, ки солҳои 70 - уми асри гузашта буданд, бетағйир мондаанд. Меҳмонхонаҳо ба талаботи рӯз ҷавобгӯ нестанд. Моҳе баъд мо бояд дар шаҳри Кӯлоб ҳудуди 800 меҳмон қабул кунем. Онҳоро дар куҷо ҷой кунем, дар куҷо маҷлис гузаронем? Ин масъалаи ҷиддӣ буда, ҳалли худро тақозо дорад”.
Бори аввал аст, ки раиси вилоят ба масъалаи омодасозии туҳфаҳои рамзӣ барои меҳмонони хориҷӣ ва таъмини фароғати онҳо дар вилояти Хатлон дахл мекунад. Ба андешаи соҳибназарон ин фоли нек буда, барои рушди минбаъдаи иқтисодиёту сайёҳӣ заминаи мусоид хоҳад гузошт. То ин вақт агар меҳмони олиқадре ташриф меовард, дар аксар маврид роҳбарон барои ӯ ва ҳамроҳонаш як “сару пой”-и иборат аз ҷома ва тоқию миёнбанд тақдим мекарданд, ки дар маҷмӯъ арзишашон дар бозори дохилӣ чанд ҳазор сомонист. Аммо агар меҳмон бисёр бошад, чӣ? Биноан, ин пешниҳоду дастури Давлатшоҳ Гулмаҳмадзода, метавонад сарфи маблағҳоро дар вилоят мақсаднок намуда, ба сатҳи зарурӣ расонад. Яъне, ҳам меҳмон розӣ гардад ва ҳам тавассути туҳфаҳои начандон гарон мавзеъҳои таърихӣ, истироҳатӣ, ҳунарҳои миллии дастӣ ва захираҳои табиии диёр тарғиб шаванд.

Зокир ҲАСАН,
“Ҷумҳурият”


Баёни ақида (0)    Санаи нашр: 1.05.2015    №: 89    Мутолиа карданд: 11084

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед