logo

ҳуқуқ

КИТОБЧАИ ҶАЙБӢ

Нақши он дар баланд бардоштани сатҳи дониш ва ҷаҳонбинии хонандагон

Дар доираи татбиқи Қарори Ҳукумати Ҷумҳурии Тоҷикистон, аз 3 июни соли 2014, таҳти № 372 «Дар бораи Барномаи беҳдошти таъмини бехатарии ҳаракат дар роҳҳои автомобилгарди Ҷумҳурии Тоҷикистон барои солҳои 2014 - 2016» зери назари Маҳмадсаид Саидзода, сардори раёсати Бозрасии давлатии автомобилии Вазорати корҳои дохилии Ҷумҳурии Тоҷикистон, генерал - майори милитсия, «Китобчаи ҷайбии қоидаҳои ҳаракат дар роҳ» аз чоп баромад.  Ин дастури раҳнамо барои хонандагони муассисаҳои таҳсилоти миёнаи умумӣ ва донишҷӯёни мактабҳои олӣ пешбинӣ шуда, дар баланд бардоштани сатҳи дониш ва ҷаҳонбинии онҳо нақши муассир дорад.
Китобча аз ҷониби Абдухолиқ Абдуллоев ва Муҳаммадносир Абдуллоев дар мувофиқа бо раёсати Бозрасии давлатии автомобилии Вазорати корҳои дохилии Ҷумҳурии Тоҷикистон, Маркази ҷумҳуриявии таълимию методии назди Вазорати маориф ва илм, Академияи таҳсилоти Тоҷикистон, олимони соҳа ва коршиносон таҳия гардида, дар он масъалаҳои мубраме, ки барои пешгирии ҳодисаҳои нохуш дар роҳ хеле заруранд, инъикос ёфтаанд. Ба назари коршиносон, яке аз омилҳои асосии рух додани ҳодисаҳои нохуш дар роҳ ва ба садама дучор шудани кӯдакону наврасон огоҳ набудани онҳо аз қоидаҳои асосии ҳаракат дар роҳ мебошад. Зеро оид ба ин мавзӯъ пас аз соҳибистиқлол гардидани Ҷумҳурии Тоҷикистон дастур ё маводи вижаи чопӣ нашр нашудааст. Маҳз бо такя ба ҳамин омил муаллифони китобчаи ҷайбӣ масъалаҳои асосии вобаста ба қоидаҳои ҳаракат дар роҳро мавриди таҳлил ва таҳқиқ қарор дода, онро дар шакли як дастур ба хонандагони сершумор пешниҳод намудаанд.
Китобчаи ҷайбӣ дар баробари  хонандагону донишҷӯён, инчунин барои ҳамаи шаҳрвандон ҷиҳати донистану риоя кардани қоидаҳои ҳаракат дар роҳ мусоидат менамояд. Хонанда метавонад онро ҳамроҳи худ гирифта, дар лаҳзаҳои фориғ аз дарс мутолиа намояд, ба рафиқон ва наздикони худ оид ба мавзӯъҳои дар он дарҷгардида маълумот диҳад. Махсусан варақаи суратдори худчасп ва нақшаи роҳи бехатари аз хона то мактаб ва аз мактаб то хона бо нақшу аломатҳои роҳ ба кӯдак таъсири ҷиддии ҷисмиву рӯҳӣ мерасонанд.
Дар китобча баргаи қоидавайронкунӣ ҷой дода шудааст, ки кӯдакро барои риояи ҳатмии қоидаҳои ҳаракат дар роҳ муваззаф месозад. Вай эҳсос менамояд, ки дар сурати вайрон кардани қоидаҳои ҳаракат дар роҳ нозири наврас ё нозири роҳ метавонад дар баргаи қоидавайронкунӣ маълумоти зарурӣ сабт намояд, ки ин ҳолат чӣ дар мактаб ва чӣ дар хона боиси сарзанишу маломат қарор гирифтани хонанда мегардад. Дар саҳифаи баъдӣ баргаи амалҳои нек ҷой гирифтааст, ки дар ҳавасманд намудани кӯдак нақши хеле муҳим мебозад. Ин барга имкон медиҳад, ки хонанда бештар амалҳои нек анҷом диҳад, то мавриди ситоиш ва таҳсини нозири роҳ қарор гирад.
Дар қисмати охири китобча хонанда метавонад дар бораи бадрафторӣ, бадгуфторӣ, қоидавайронкунӣ ва ҳаракатҳои дигаре, ки ин ё он ронанда содир намудааст, маълумот дарҷ намояд, рақами давлатии автомобили ӯро сабт ва ба нозири минтақавӣ пешниҳод кунад.
Д. РӮЗИЕВ, 
«Ҷумҳурият»


Баёни ақида (0)    Санаи нашр: 14.05.2015    №: 100    Мутолиа карданд: 1489

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад


Дар сомонаҳои дигари Тоҷикистон хонед