logo

ҳуқуқ

ПУЛИ БЕДАРДИМИЁН МЕХОҲАНД

Мардуми диёрамон бо меҳнати софдилона ва арақи ҷабин нон ёфта, кӯшиш мекунанд ба коми фарзандонашон луқмаи ҳалол гузоранд. Яке омӯзгор, дигаре деҳқон, савумӣ фаррошӣ мекунаду зери кор монданро аз зери ор мондан авло медонад. Мутаассифона, дар ҷомеа шахсоне ҳам пайдо мешаванд, ки бо қаллобиву бевиҷдонӣ аз ҳисоби ранҷи дигарон ва буҷети давлат рӯз мегузаронанд. Худро бемор, корношоям ва ҳатто маъюб нишон дода, бо ҳуҷҷатҳои қалбакӣ мехоҳанд соҳиби пули бедардимиён гарданд.
Прокуратураи ноҳияи Фирдавсии шаҳри Душанбе баҳри иҷрои Қонуни Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон» чораҳои зарурӣ андешида, ҳангоми гузарондани санҷишҳо дар Раёсати Агентии давлатии суғуртаи иҷтимоӣ ва нафақа дар ноҳияи Фирдавсӣ 6 ҳолати ғайриқонунии таъйин ва пардохти нафақа ба шаҳрвандон ошкор ва парвандаҳои ҷиноятӣ боз карда шуданд.
Масалан, шаҳрванд Ойша Маҳмудова соли 2001 дар асоси маслиҳати пешакӣ бо мақсади ба даст овардани даромади муфт маълумотномаи Комиссияи экспертии тиббии меҳнатии ҷумҳуриявиро қалбакӣ сохта, онро ба шуъбаи ҳифзи иҷтимоии аҳолии ноҳияи Фирдавсӣ пешниҳод намудааст. Дар натиҷаи ин сохтакорӣ О. Маҳмудова аз соли 2002 то соли 2012 - ум 33 592 сомонӣ пули нафақаро ғайриқонунӣ гирифтааст.
Ё шаҳрванд Зулфия Мухамедҷанова соли 2007 ба Раёсати Агентии давлатии суғуртаи иҷтимоӣ ва нафақа дар ноҳияи Фирдавсӣ ариза доир ба таъйин намудани нафақа аз рӯи синну сол пешниҳод мекунад. Дар натиҷа ӯ аз соли 2007 то соли 2012 бо роҳи фиреб 10 200 сомонӣ пули нафақаи давлатиро ғайриқонунӣ азхуд намудааст.
Ташвишовар он аст, ки дар ҷомеаи мо фиребу қаллобии кормандони давлатӣ низ бисёр мушоҳида мешавад. Аз ҷумла, соли 2008 собиқ мутахассиси пешбари Раёсати Агентии давлатии суғуртаи иҷтимоӣ ва нафақа дар ноҳияи Фирдавсӣ Замира Салимова бар хилофи талаботи моддаи 88 Қонуни Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон» ба номи шаҳрванд Элза Куркевич дафтарчаи нафақавӣ тартиб дода, бо ба эътибор нагирифтани синну соли нафақагир аз соли 2008 ба ӯ 149 сомонӣ нафақапулӣ таъйин кардааст.
Замира Салимова бо фармони собиқ раиси ноҳияи Фирдавсӣ аз соли 2009 аз вазифа озод карда шуда буд. Аммо ӯ кирдорҳои ғайриқонунии худро идома дода, бо ҳаммаслакии корманди раёсат нафақапулии Э. Куркевичро аз соли 2009 ба маблағи 300 сомонӣ ва аз соли 2010 ба маблағи 400 сомонӣ бо роҳи сохтакорӣ зиёд намудааст. Бо сабаби ин қаллобӣ Э. Куркевич аз соли 2008 то соли 2013 - ум 17 408 сомониро азхуд намудааст.
Соли 2013 нисбат ба шаҳрванд Алиқул Утаганов бо аломатҳои моддаҳои 247, қисми 2, бандҳои «б, г» ва 340 қисми 2, банди «б» - и Кодекси ҷиноятии Ҷумҳурии Тоҷикистон парвандаи ҷиноятӣ оғоз гардид. Номбурда шурӯъ аз соли 2001 то соли 2013 ба воситаи ҳуҷҷатҳои қалбакӣ 67 940 сомонӣ пули нафақаро ғайриқонунӣ гирифтааст.
Боз ҳам ду шаҳрванди дигар, Усмонхон Яҳёев ва Олга Музаффарова ба чунин сохтакорӣ роҳ дода, аз ҷумла У. Яҳёев дар муддати дувоздаҳ сол (2001 - 2013) бо 38 231 сомониву 72 дирам маблағи нафақа ҷайби худро пур мекунад.
Дар қазияи Олга Музаффарова боз ҳам «қаҳрамон» - и пешинаи мо, собиқ мутахассиси пешбари Раёсати Агентии давлатии суғуртаи иҷтимоӣ ва нафақа дар ноҳияи Фирдавсӣ Замира Салимова «нақши асосӣ» мебозад. Маҳз ӯ маълумотномаи Комиссияи экспертии тиббии меҳнатии шаҳрванд О. Музаффароваро таҳти рақами 016603 аз соли 2000 – ум қалбакӣ сохта, ба шуъбаи ҳифзи иҷтимоии аҳолии ноҳияи Фирдавсӣ пешниҳод намудааст. Аз ин қонуншиканиҳои пай дар пайи З. Салимова пайдост, ки ӯ аз қаллобиҳои дар боло зикршуда манфиат мебинад. Вагарна ҳеҷ гоҳ ба чунин «корҳои хайр» даст намезад.
Албатта, ҷиноятпешагон мувофиқи қонунҳои амалкунанда ҷазоҳои худро гирифтанд. Аз ҷумла, парвандаи Ойша Маҳмудова ба суд ирсол гардид ва бо ҳукми суд гунаҳкор дониста шуд. Мувофиқи ҳукми суд ҷазои ниҳоӣ дар намуди маҳрум сохтан аз азодӣ ба муҳлати се сол ва адо кардани ҷазо дар коллонияи ислоҳии дорои низоми умумӣ, бидуни маҳрум сохтан аз ҳуқуқи ишғоли мансаб ва фаъолиятҳои муайян таъйин гардид. Ҳамзамон маблағи зарар ба андозаи 33 204 сомонию 48 дирам аз ҳисоби маҳкумгардида О. Маҳмудова ба фоидаи давлат рӯёнда шуд.
Парвандаи ҷиноятии Зулфия Мухамедҷанова мувофиқи қонун, бинобар тағйир ёфтани вазъият қатъ гардида, зарар ба миқдори 10 200 сомонӣ аз ҷониби ӯ барқарор гардид. Ҳамчунин аз маҳкумшудагон Алиқул Утаганов ҷарима ба андозаи 8000 сомонӣ ва маблағи зарар ба андозаи 67 940 сомонӣ, Усмонхон Яҳёев ҷарима ба андозаи 8000 сомонӣ, маблағи зарар 38 231 сомонӣ ба манфиати давлат ҷуброн шуд ва ҷамъи маблағҳои нафақаи ошкоршуда дар давоми солҳои 2012 – 2014 – ум 260 073 сомонию 19 дирамро ташкил дод.
Дар охир ёдовар бояд шуд, ки дар натиҷаи фаъолияти пурсамари мақомоти прокуратура ҷинояткорон дер ё зуд ҷазои худро гирифтанд. Ҳадафи навиштани матлаб ин буд, ки касони манфиатҷӯ ва қаллоб пардаи ҳирс аз чашмашон бардоранд ва бояд донанд, ки пули гирифтаи онҳо ризқу насибаи ятимон, пирони барҷомонда, собиқадорони ҷанг ва мардуми маъюбу эҳтиёҷманд аст.

М. РАСУЛЗОДА,
ёвари прокурори ноҳияи Фирдавсии
шаҳри Душанбе,
мушовири адлияи дараҷаи 3


Баёни ақида (0)    Санаи нашр: 14.05.2015    №: 100    Мутолиа карданд: 713

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед