logo

мулоқотҳо

ИВАНОВО ҲАМКОРИҲОЯШРО БО ХАТЛОН ТАВСЕА МЕБАХШАД

Эмомалӣ Раҳмон, Президенти Ҷумҳурии Тоҷикистон, 22 май Павел Конков, губернатори вилояти Ивановои Федератсияи Русияро ба ҳузур пазируфт.

Дар мулоқот масоили ҳамкории Тоҷикистону Русия, бахусус робитаҳои байниминтақаии ду кишвар баррасӣ шуд. Бино ба иттилои Хадамоти матбуоти Президенти Ҷумҳурии Тоҷикистон зимни вохӯрӣ Сарвари давлат Эмомалӣ Раҳмон аз муҳтавои муносиботи Тоҷикистону Русия изҳори қаноат карда, аз ҷумла зикр намудааст, ки «Федератсияи Русия шарики асосии сармоягузори Тоҷикистон буду ҳаст, зеро айни ҳол наздики 50 дарсади сармоягузории мустақими хориҷӣ ба иқтисоди кишвар ба ин шарики стратегии мо рост меояд».
Ҷонибҳо ба дурнамои ҳамкориҳои вилоятҳои Суғду Хатлони Ҷумҳурии Тоҷикистон ва вилояти Ивановои Русия изҳори хушбинӣ намуда, тавсеаи равобит дар бахшҳои гуногунро ба манфиати тарафҳо донистанд. Дар ҳамин ҳол, ба рушди ҳамкорӣ дар соҳаҳои энергетика, саноат, нақлиёт, сохтмон, технологияҳои муосир, коркарди маҳсулоти кишоварзӣ, назири пахта, меваю сабзавот таваҷҷуҳ зоҳир гардида, перомуни муташаккилона ба роҳ мондани фаъолияти муҳоҷирони кории тоҷик дар Русия ва ҳифзи ҳуқуқу манфиатҳои онҳо низ гуфтугӯи судманд сурат гирифтааст.
Павел Конков, губернатори вилояти Иваново, баъд аз мулоқот бо Президенти мамлакат бо тасдиқи ин нуктаҳо дар ҷамъи хабарнигорон изҳор дошт, ки феълан мо рӯи барномаҳое тафаққуф дорем, ки заминаҳои нави ҳамкориро фароҳам хоҳанд кард. Ӯ гуфт, ки вилояти Ивановои Федератсияи Русия ҳамчун минтақаи саноатӣ, бахусус истеҳсолгари маҳсулоти нассоҷӣ бо минтақаҳои Тоҷикистон собиқаи тӯлонии ҳамкорӣ дорад ва тавсеаи равобит дар ҳама бахшҳо ба манфиати кор хоҳад буд.
- Вилояти Иваново 70 дарсади эҳтиёҷоти Русияро бо молҳои нассоҷӣ бароварда месозад, ки дар ин замина мо аз пахтаи  Тоҷикистону Қирғизистон истифода мекунем. Мо ҳавасманди густариши ҳамкориҳои минтақаӣ ҳастем. Ба ин манзур созишномаи вижаи ҳамкорӣ бо вилояти Хатлон ба тасвиб расонда, қарор аст, бо вилояти Суғд низ чунин як созишнома ба имзо расад, - гуфт Павел Конков.
Губернатори вилояти Иваново дар мулоқот бо Сарвари давлати Тоҷикистон, ҳамчунин хостори вусъати ҳамкориҳои бештар дар бахши илму фарҳанг шудааст. Тавре ӯ иттилоъ дод, дар вилояти Иваново 6 муассисаи таҳсилоти олӣ амал карда, беш аз 400 донишҷӯи тоҷик низ дар онҳо таҳсил мекунанд ва имкон дорад, ки ин шумора дар оянда афзунтар гардад.
Густариши равобит бо вилояти Иваново дар ҳолест, ки то кунун миёни минтақаҳои Тоҷикистон ва Федератсияи Русия беш аз 70 созишномаи ҳамкорӣ ба имзо расидааст.
Фирӯзи РАҲМОНИЁН,
«Ҷумҳурият»


Баёни ақида (0)    Санаи нашр: 26.05.2015    №: 108    Мутолиа карданд: 615

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед