logo

ҳуқуқ

НАБОЯД БЕТАРАФ БОШЕМ

Бо ташаббуси навбатии Сарвари давлат муҳтарам Эмомалӣ Раҳмон соли 2015 «Соли оила» эълон гардид ва ин иқдомро аҳли ҷомеаи судяҳои ҷумҳурӣ самимона истиқбол намуданд.

Аз таҷрибаи судӣ бармеояд, ки бо вайрон шудани оила, яъне бекор шудани ақди никоҳи зану шавҳар кӯдакон бепарастор монда, ба ҷойи дар лабҳошон шукуфтани ханда дар чашмонашон ашк ҳалқа мезанаду дар чеҳраҳояшон ғаму андуҳ ҳувайдо мегардад. Ва маҳз мо, кормандони судҳои кишвар, аввалин шуда ин лаҳзаи ғамангезу дарднокро эҳсос менамоем.
Иқдоми Сарвари давлатамон дар бобати солим гардондани оила, ки дар рушди давлату давлатдорӣ, худшиносии миллӣ, тарбияи насли наврас дар рӯҳияи эҳтиром ба волидон, садоқат ба Ватан ва эҳтиром ба расму оинҳои миллӣ такони ҷиддӣ мебахшад, аз ҷониби мардуми шарифи Тоҷикистон ҳамаҷониба дастгирӣ ёфт. Кормандони суди шаҳри Ваҳдат Паёми Президенти мамлакатро ба Маҷлиси Олии Ҷумҳурии Тоҷикистон мавриди омӯзиши ҳаматарафа қарор доданд. Сипас, бо супориши роҳбарияти суд тасмим гирифта шуд, ки тартиби корамонро дар иртибот ба қабул ва баррасии парвандаҳои оилавӣ, ба вижа бекор кардани ақди никоҳ, ба талаботи рӯз мувофиқ гардонем.
Нахуст, бо дастури роҳбарияти суди шаҳри Ваҳдат қабул ва баррасии ин гуна парвандаҳо ба судяҳои ботаҷриба вобаста карда шуд. Ҳоло мо ба шаҳрвандоне, ки бо аризаи даъвоӣ бобати бекор кардани ақди никоҳ ба суд муроҷиат мекунанд, суҳбату вохӯриҳо гузаронда, оқибатҳои номатлуби вайроншавии оилаҳоро ба онҳо мефаҳмонем. Парвандаҳои бекор кардани ақди никоҳи зану шавҳари ҷавонро бошад, дар ҳузури машваратчиёни кору рӯзгордида ва волидони тарафҳо мавриди баррасӣ қарор медиҳем. Ҳамзамон, роҳбарият мо - судяҳоро вазифадор намуд, ки ин категорияи парвандаҳоро бевосита дар маҷлисҳои сайёри судӣ, дар маҳалҳои истиқоматӣ, ҷамоатҳои деҳот, ташкилоту муассисаву корхонаҳо ва ҷойи кори даъвогару ҷавобгар гузаронем. Судяҳо уҳдадор шуданд, ки вобаста ба ҳар як камбудию норасоии аз тарафи мақомоти дахлдор, волидон, шахсони мансабдор, ки ба бекор шудани ақди никоҳ роҳ додаанд, ҷиҳати пешгирии қонуншиканиҳо таъйиноти хусусӣ бароранд.
Судяҳои суди шаҳри Ваҳдат аз тамоми василаҳо, махсусан воситаҳои ахбори омма васеъ истифода мебаранд, то робитаи тарафайнро бо аҳолӣ барқарор намуда, бо маърӯзаҳои ҳуқуқӣ масъалаи муқаддас донистани оила ва оиладориро ба мардум фаҳмонанд. Ин ва дигар тадбирҳои саривақтии андешидашуда аллакай самараи дилхох дода истодаанд. Барои мисол, дар чор моҳи аввали соли 2015 теъдоди муроҷиатҳои шаҳрвандон дар мавриди бекор кардани ақди никоҳ назар ба ҳамин давраи соли гузашта хеле кам шудааст. Агар соли гузашта дар ҳамин давра 128 шаҳрванд бо аризаи даъвоӣ ба суд муроҷиат карда бошад, пас ин нишондиҳанда дар чор моҳи соли равон 64 ададро ташкил додааст.
Ба ҳамагон маълум аст, ки оилаи солим ҷомеаи солимро ташкил медиҳад. Адиби машҳури Фаронса Оноре де Балзак гуфта буд: «Оила ҳамеша асоси ҷомеа буд, ҳаст ва мемонад». Аз ин лиҳоз, ҳар як шаҳрванди солимфикри кишвар бояд ин иқдоми нек ва саривақтии роҳбарияти олии кишварро ҳамаҷониба дастгирӣ намояд ва ба ҳеҷ ваҷҳ бетарафӣ ихтиёр накунад. Зеро, вақте мебинем, ки оилаи ҳамсоя, ҳамкор, хеш, дӯст ва ё шиносамон дар ҳоли пошхӯрӣ қарор дорад, бояд бо маслиҳату машварат онро ҳифз намоем. Ҳама бояд дарк кунад, ки ғамхории навбатии Сарвари давлат Эмомалӣ Раҳмон фақат ба хотири пойдории оила, солимии ҷомеа, сарҷамъии мардум ва ояндаи дурахшони фарзандонамон мебошад ва ҳар кадоми мо муваззаф ҳастем, ки ин вазифаи муҳим ва пурифтихорро бо сари баланд ба ҷо орем.
Зафар ҚОДИРЗОДА,
 судяи суди шаҳри Ваҳдат


Баёни ақида (0)    Санаи нашр: 27.05.2015    №: 109    Мутолиа карданд: 741

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед