logo

ҳуқуқ

САНАДҲОИ СУДӢ ҚОНУНИАНД

Мақолаи «Собиқадори ҶБВ - ро дар  Истаравшан аз замин маҳрум  карданианд», ки дар рӯзномаи «Ҷумҳурият» № 7 (22569) 10 январи соли 2015 ба табъ расидааст, бо омӯзиши маводҳои парвандаи гражданӣ аз рӯи даъвои Ҳайдаров Саид Сатторович нисбат ба Додоев Қаюм Камолович дар бораи бартараф кардани монеа, вайрон кардани иншооти худсарона сохташуда, баргардондани қитъаи замин, даъвои иловагии Ҳайдаров Саид нисбат ба Додоев Қаюм дар хусуси вайрон кардани пойдевори манзили истиқоматӣ,  даъвои иловагии мақомоти иҷроияи маҳаллии ҳокимияти давлатии шаҳри Истаравшан оид ба беэътибор донистани қарори раиси шаҳри Истаравшан аз 10 июли соли 2013 таҳти № 475 мавриди санҷиш қарор дода шуд.
Муайян гардид, ки С. Ҳайдаров бо даъвоҳои дар боло зикршуда ба суд муроҷиат намудааст. Ӯ асоснок  кардааст, ки дар асоси протоколи № 64 дар бораи натиҷаҳои музоядаи фурӯши саҳмияҳо аз  7 октябри соли 2011, ки дар бинои КВД бобати ташкили фурӯши амволи давлатӣ дар шаҳри Душанбе оид ба фурӯши дегхонаи «Гагарин» - и КДФ обтаъминкунӣ ва канализатсияи шаҳри Истаравшан, КВД «Хоҷагии манзилию коммуналӣ», воқеъ дар шаҳри Истаравшан, кӯчаи Гагарин барпошуда ғолиб омада, дар асоси шартномаи № 64 аз 10 октябри соли 2011 ин иншоотро ба маблағи 49613 сомонӣ харидааст.
Баъд аз ин, ӯ соҳибмулки иншоот гашта, сертификати ҳуқуқи истифодаи замин дараҷаи А № 0336327, аз 19 июли соли 2012, аз кумитаи  заминсозии  шаҳри Истаравшан ба майдони умумии 3035  метри мураббаъ гирифтааст.
Аммо ҷавобгар Додоев Қаюм худсарона 0,7 га қитъаи замини ба ӯ тааллуқдоштаро аз худ карда, дар масоҳати (7х4) метр манзил (хонача) бунёд кардааст. С. Ҳайдаров якчанд маротиба ба ҷавобгар Қ. Додоев муроҷиат намуда, хоҳиш кардааст, ки манзили худсохташро барои истифодаи замин вайрон карда, монеа эҷод накунад, аммо ҷавобгар ихтиёран хонаи худсарона сохтаашро вайрон накарда, замини ба ӯ тааллуқдоштаро барнамегардонад. Бинобар ин, аз суд хоҳиш намудааст, ки манзили худсарона сохтаи ҷавобгар Додоев Қаюм Камолович ба масоҳати (7х4) метр, ки дар ҳудуди қитъаи замини ӯ мебошад, вайрон карда, монеае, ки ҷавобгар ба иншооти харидаи ӯ эҷод карда истодааст, бартараф карда шуда, 7х4 метри мураббаъ замини ишғолгашта ба ӯ баргардонда шавад.
Инчунин, даъвогар С. Ҳайдаров ба суд бо даъвои иловагӣ оид ба вайрон кардани пойдевори манзили истиқоматӣ ва мақомоти иҷроияи маҳаллии ҳокимияти давлатии шаҳри Истаравшан аризаи даъвоӣ дар  бораи беэътибор  донистани қарори раиси шаҳр аз 10 июли соли 2013 таҳти № 475 пешниҳод намудааст.
Бо ҳалномаи суди ноҳияи Кӯҳистони Мастчоҳ,  аз  17  июли  соли  2013, даъвоҳои С. Ҳайдаров қонеъ карда шудаанд.
Бо қарори коллегияи судӣ оид ба парвандаҳои граждании суди вилояти Суғд, аз 22 октябри соли 2013, ҳалномаи мазкур бетағйир гузошта шудааст.
Ҳамзамон, суди марҳилаи якум баҳри муайян намудани ваҷҳи даъвогар С. Ҳайдаров дар бораи он ки Додоев Қаюм дар қитъаи замини ба ӯ тааллуқдошта сохтмони худсарона кардааст, экспертизаи сохтмонӣ  таъйин намудааст.
Дар асоси хулосаи ташхиси судӣ муайян шудааст, ки ҷои ҷойгиршавии қитъаи замини шаҳрванд С. Ҳайдаров тибқи харитаи топографии шаҳри Истаравшан аз соли 1989 дар маҳал бо сертификати ҳуқуқи истифодаи замин дараҷаи А № 0336327, аз 19 декабри соли 2012, ки ба С. Ҳайдаров дода шудааст, мутобиқат мекунад.
Қитъаи замине, ки дар он аз тарафи шаҳрванд Додоев Қаюм пойдевори хонаи истиқоматӣ қомат афрохтааст, масоҳати умумиаш 638 метри мураббаъро ташкил медиҳад, ки масоҳати 364 метри мураббааш дар ҳудуди қитъаи замини ба С. Ҳайдаров  вобастакардашуда дохил буда, боқимонда 274,0 метри мураббаъ аз ҳисоби роҳи мошингард ва заминҳои ёрирасони ба буғхона вобасташуда ишғол карда шудааст.
Аз ин лиҳоз, санадҳои судии судҳои марҳилаҳои гуногун вобаста ба парвандаи граждании зикргардида қонунӣ ва асоснок буда, асос барои бекор ва ё тағйир додани онҳо дида намешавад.

Бахши нашр ва маркази иттилоотии
Суди Олии Ҷумҳурии Тоҷикистон 


Баёни ақида (0)    Санаи нашр: 28.05.2015    №: 110    Мутолиа карданд: 709

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед