logo

сиёсат

НАҲЗАТ АЗ ТЕРРОРИСТОН ПУШТИБОНӢ ДОРАД?

Табиист, ки агар шакку шубҳа дар фаъолияти ин ё он ҳизбу ҳаракат, шахс ва гурӯҳи алоҳида вобаста  бо маҷмӯи қонуну қавоиди муайяннамудаи давлат пайдо гардад, ҳатман мақомоти салоҳиятдору муваззаф ба он таваҷҷуҳ зоҳир мекунанд ва тадбири пешгиркунанда аз оқибатҳои ногувор меандешанд. Чунин шакли муносибат танҳо хоси Ҷумҳурии Тоҷикистон набуда, дар тамоми кишварҳои олам риоя ва истифода мегардад. Муносибати қонунии мақомот ба масъала, албатта аз ҷониби баъзе неруҳои сиёсӣ, хусусан аз тарафи наҳзатиҳо  бо ғашу нозу эътирози зиёде қабул мегардад ва ҳар куҷо аз бобати «таъқиб» - у «фишор» жожхойӣ мекунанд.
Вале ҳақиқат ҳамеша ҷойи худро мегирад. Пешвоёни наҳзати имрӯза барои фиреби назарҳо ҷелаки бобоиро бо галстуку костюм иваз намуданд ва ҳамеша аз озодию демократия, ҷомеаи шаҳрвандӣ ва дигар арзишҳои мутааллиқи сохти дунявӣ ҳарф мезананд. Алалхусус дар назди насли ҷавон. Он ҷое, ки шуурҳо ҳанӯз пухта нарасидаанд ва осон метавонанд зери таъсири як шахси чарбзабон қарор гирифта, шефтаи суханпардозиҳои ӯ гарданд ва фардо таҳти ҳидоятҳои ин «пирони тариқату тадбир» ҳар куҷо, ки фармон шуд, раҳсипор гарданд. Зеро ин ҷавонон то ҳол дарк намекунанд, ки сухани зебо низ аксар вақт, хусусан дар шароити имрӯза ҷаҳонсӯз аст. Мисолаш василаҳои ҷалб ба ДИИШ - у баромадҳои шабакаҳое  чун «Висоли ҳақ».
Роҳбарони ҲНИТ низ дар навишту гуфтори хеш, алалхусус дар  маводи интишориашон дар «Наҷот», вохӯриҳояшон бо ҷавонон, ки онҳоро метавон ба истилоҳ «мавъизаҳои ҷумъанамозоии раиси ҲНИТ» номид (вохӯриҳо ҳамеша баъди намози ҷумъа дар дафтари  ҲНИТ баргузор мегарданд), аз улгую нақшаҳои фардои ҳизб ҳарф мезаданду мезананд. Дар ин росто, пуштибонӣ аз «Ихвонулмуслимин» ҳамеша ёдрас мешавад. Ҷавонони зери бори ҷаҳолатмонда, намедонанд, ки ҲНИТ худ як бахши ҳамин ҳаракат аст. Худи раиси ҲНИТ ҳама вақт тасдиқ мекунад, ки «ман аз ихвониҳо пуштибонӣ мекунам ва он чи мегузарад нисбат ба онҳо зулм аст. Имкон надорад, ки бештар аз нисфи мисриҳо террористонро ҷонибдор бошанд. Ба терроризм муттаҳам кардани ихвониҳо таҳқири як миллат аст».
Наҳзатчиён ҷавонони бефаҳмро маҷбур созанд, ки дилашон бар ҳоли ҳамон «ихвониҳои бечора», ки террористашон хондаанд, бисӯзад. То замоне, ки Мурсӣ сари ҳокимият буд, наҳзатиҳо сохтори судии Мисрро беҳтарину одилтарин дар дунё гӯён таъриф мекарданд. Акнун, ки ин сохтор амалҳои террористиро дар ҳаракатҳои «Ихвонулмуслимин» ошкор ва собит кард, шурӯъ аз Мурсӣ, инчунин аксари сарварони ҳаракатро ҳукм ба эъдом намуд, якбора  ба рӯйхати «золимин» ворид карда шуд. Агар фардо Мурсӣ доҳии тамоми наҳзатиҳои тоҷик эълон гардад, банда ҳайрон нахоҳам шуд, зеро ҳафтаномаи «Наҷот» аллакай чунин андешаро дар мағзу шуури пайравону алоқамандони ҳизб ҷой кардан дорад.
Чаро наҳзатиҳо ин ҳаракатро сафед карданӣ мешаванд ва аз терроризм дур нишон доданианд? Зеро пайравони ҲНИТ низ мисли ихвониҳо  чандин бор даст доштанашон дар амалиёти террористӣ ошкор шуда буд. Ширкати наҳзатиҳоро дар амалҳои террористии давраи осоишта дар Ғарм, Хоруғ, Хуҷанд ва Исфара ҳама дар хотир дорад. Дар бораи иштироки наҳзатиҳои тоҷик дар низоъҳои ваҳшиёнаи мазҳабӣ дар Сурия ва Ироқ аз тарафи ДИИШ чандин далелҳо ошкор шуданд. Комил Шукуров, сокини ноҳияи Спитамени вилояти Суғд, соли гузашта баъди бозгашташ аз Сурия аз тариқи шабакаҳои телевизионии кишвар эълон кард, ки узви ҲНИТ мебошад. Ӯ дар бораи дигар узви ҲНИТ Сайфиддин Файзуллоев низ сухан гуфта,  изҳор дошта буд, ки мисли ӯ ҷавонони фиребхӯрдаи тоҷик дар Сурияю Ироқ кам нестанд ва аксарашон бо ҲНИТ робита доранд. Муовини раиси ҲНИТ Сайидумар Ҳусайнӣ низ ҳар дафъа ҳукуматро ҳушдор медиҳад, ки дар сурати баста шудани наҳзат, аъзояш метавонанд бо ДИИШ  бипайванданд.
Бубинед, вохӯриҳои роҳбарони ҲНИТ бо ҷавонон онҳоро то куҷо мебаранд. Ҳамин ҳодисаҳо басандаанд, ки сабаби ба ҳизб додани унвони исломиро пай барем. Ин унвон танҳо ба як хотир аст. Гӯл задани мардум, хусусан ҷавонон ва ба худ ҷалб кардани онҳо. То ҷойе наҳзат тавонистааст, ки дар ин самт комёб ҳам гардад. Дар сафҳои он имрӯз аслан ҷавонҳои дар макотибу муассисаҳои олии касбӣ дарс нахонда ва занону духтарони хонашин гирд оварда шудаанд. Занону духтарон барои нишон додани теъдоди ҳизб заруранду ҷавонон барои истифода дар чунин амалҳое, ки аз гурӯҳҳои ихвонию диишӣ ва монанди онҳо сарчашмаи илҳом мегиранд. Ва тавре дар боло зикр гардид, ҳамаи ин бори аввал нест. 
Алишери ЗИЁРАТУЛЛО


Баёни ақида (0)    Санаи нашр: 29.05.2015    №: 111    Мутолиа карданд: 2091
25.11.2022


ТАҒЙИРОТ БА ҚОНУН. 6 МАЙ - РӮЗИ КОРМАНДОНИ СОҲАИ ҲИФЗИ СИРРИ ДАВЛАТӢ ТАҶЛИЛ МЕШАВАД

ВМКБ. ҶАЛАСАИ СИТОД ОИД БА ЗИМИСТОНГУЗАРОНӢ

СУҒД. ҶАМЪОВАРИИ ПАХТА ВУСЪАТИ ТОЗА МЕГИРАД

24.11.2022


ПАРЧАМИ ДАВЛАТӢ - САРЧАШМАИ ПИРӮЗИҲО

23.11.2022


Интихобот дар Қазоқистон рақобатпазир ва шаффоф буд

ҶОМИ ҶАҲОН

22.11.2022


Рӯзҳои фарҳанги Тоҷикистон дар Туркманистон

ТОҶИКИСТОН ВА РОССИЯ. ФОРУМИ ҶАВОНОН БАРОИ ТАБОДУЛИ ТАҶРИБА ВА РУШДИ КАСБИЯТ РАВЗАНАИ НАВ БОЗ КАРД

«ЗОДРӮЗИ ТОҶИКИСТОН»

МУАРРИФИИ ОШИ ПАЛАВ ДАР ҶОПОН

САМАРҚАНД. ЯК ҲАМОИШИ МУҲИМ

21.11.2022


Мулоқоти вазирони корҳои хориҷии Тоҷикистон ва Ӯзбекистон

ИТТИФОҚИ НАВИСАНДАГОН. ГИРОМИДОШТИ ХОТИРАИ ҶОНИБЕК АКОБИР

ЧЕМПИОНАТИ CAFA – 2022

16.11.2022


Ҷоизаи раиси шаҳри Душанбе барои муҳаққиқони ҷавон

Чин бар зидди ихроҷи Россия аз G20 баромад кард

СУҒД. ТАШРИФИ СОҲИБКОРОНИ ТУРК БА ВИЛОЯТ

ТОҶИКИСТОН ВА АРАБИСТОНИ САУДӢ. АЗ БАРҚАРОРИИ МУНОСИБАТҲОИ ДИПЛОМАТИИ ДУ КИШВАРИ ДӮСТ СӢ СОЛ ГУЗАШТ

«ОРМОНИ МИЛЛАТ: «РОҒУН» БУЗУРГТАРИН САРБАНДИ АСРИ НАВ»

15.11.2022


Ҷаласаи ҳайатҳои ҳукуматии Тоҷикистон ва Қирғизистон

ҶАҲОН ДАР ЯК САТР

Президенти Индонезия дар Бали нишасти G20-ро ифтитоҳ кард

ЯК ҲАМОИШИ МУҲИМ

ДАНҒАРА. ИСТЕҲСОЛИ ҒАЛЛА БА 100 ҲАЗОР ТОННА МЕРАСАД

ПРЕСС-ТУРИ НАВБАТИИ РӮЗНОМАНИГОРОН БА НБО «НОРАК»

Қадрдонии варзишгари тоҷик аз ҷониби Рустами Эмомалӣ

11.11.2022


Ҳукумати Тоҷикистон ба мардуми Эрон изҳори таслият кард

ТОҶИКИСТОН ВА ӮЗБЕКИСТОН. АЗ РУШДИ ҲАМКОРИҲОИ ИЛМӢ-АДАБӢ ТО САЙРИ ФАРОМАРЗИИ «ГАНҶИ СУХАН»

10.11.2022


ВОЛОИЯТИ ҚОНУН. ФОРУМИ ҲАШТУМИ МИЛЛӢ БАРГУЗОР ГАШТ

6 НОЯБР. САНАДИ БУНЁДИИ ТОҶИКИСТОНИ СОҲИБИСТИҚЛОЛ 28-СОЛА ШУД

04.11.2022


САМАРҚАНД. ИМКОНИЯТҲОИ САЙЁҲИИ ТОҶИКИСТОН МУАРРИФӢ ГАРДИД

ПОЙТАХТ. ТАНТАНАИ ФЕСТИВАЛИ ДЎСТӢ

СИЁСАТИ ГЕНДЕРӢ. ТОҶИКИСТОН ВА НАҚШИ ЗАНОН ДАР ИДОРАИ УМУРИ ДАВЛАТДОРӢ

03.11.2022


Лоиҳаи Буҷети давлатӣ барои соли 2023 ба Маҷлиси намояндагон пешниҳод шуд

ТОҶИКИСТОНУ ЭРОН. ТАНТАНАИ ДӮСТӢ ДАР НАМОИШИ ҲУНАРҲОИ МАРДУМӢ ВА МАҲФИЛИ ШОИРОН


Дар сомонаҳои дигари Тоҷикистон хонед