logo

ҳуқуқ

НАҚШИ МАҚОМОТИ СУДӢ ДАР МУНОСИБАТҲОИ ОИЛАВӢ

Маҳмадҷон РАҲМОНЗОДА,
муовини раиси суди шаҳри Ваҳдат

Ба тасвиб расидани фармони Сарвари давлат дар бораи эълон намудани Соли 2015 - Соли оила давоми силсилаи чорабиниҳои пешин буда, ҳадаф аз он баланд бардоштани маърифати ҳуқуқии аҳолӣ, таҳкими оила ва танзими муносибатҳои хонаводагӣ, бунёди оилаи солим, дар маҷмӯъ ҷомеаи солим мебошад.
Омори расмӣ шаҳодат аз он медиҳад, ки шумораи вайроншавии оилаҳо дар кишвар сол ба сол бештар мегардад. Ин раванд аз он ҷиҳат ташвишовар аст,  ки бештар оилаҳои ҷавон вайрон мешаванд. Сабабҳои ҷудошавии оилаҳо зиёд буда, бадтаринаш хиёнати зан ба шавҳар ё шавҳар ба зан аст. Ба андешаи мо, зан ё мард ҳамон вақт даст ба хиёнат мезананд, ки меҳру муҳаббат ва масъулияти оиладорӣ сарфи назар шудааст. Таҷрибаи судӣ нишон медиҳад, ки дар аксарияти ҳолатҳо ҷавонон ба ҳаёти оилавӣ тайёр нестанд. Дуруст фаҳмидани ҳамсари оянда ва эҳтиром кардани ӯ дар зиндагии якҷоя асоси хушбахтии оила ба ҳисоб меравад. Вале ҷавонони ба зиндагии мустақилона омоданабуда, бо пеш овардани сабабҳои ночиз дарҳол аз идома додани ҳаёти оилавӣ даст мекашанд.
Бояд тазаккур дод, ки Суди Олии Ҷумҳурии Тоҷикистон ҳамаи паҳлуҳои муносибатҳои оилавиро мавриди омӯзиш ва таҳлил қарор дода, бо мақсади пешгирии вайроншавии оила ва самаранок анҷомидани фаъолияти ҳокимияти судӣ дар бахши мустаҳкам намудани муносибатҳои оилавӣ ҳангоми баррасии парвандаҳои оилавӣ доир ба бекор кардани ақди никоҳ як қатор тадбирҳои мушаххас андешидааст. Аз ҷумла, ҳанӯз соли 2003 бо қарори Пленуми Суди Олӣ таҳти  № 10 «Дар бораи таҷрибаи судҳои Ҷумҳурии Тоҷикистон оид ба баррасии парвандаҳо дар бораи бекор кардани ақди никоҳ» ба судҳои ҷумҳурӣ тавзеҳоти ҳуқуқӣ дода, дар як вақт судяҳоро вазифадор намуда буд, ки ҳангоми баррасии ин категорияи парвандаҳо ба шитобкорӣ роҳ надиҳанд. Бо қарорҳои бармаҳал қабулкардаи худ ба вайроншавии оила мусоидат накунанд ва тамоми чораву тадбирҳои тибқи талаботи қонун пешбинишударо андешида, бесабаб бекор кардани ақди никоҳро пешгирӣ намоянд. Гузашта аз ин, бинобар сабаби иҷтимоӣ ва ҷамъиятӣ пайдо кардани баҳсҳои доир ба бекоршавии ақди никоҳ дар сохтори Суди Олии ҷумҳурӣ Коллегияи судӣ оид ба парвандаҳои оилавӣ таъсис дода шуда, ба он судяҳои ботаҷриба ва собиқадор ҷалб гардиданд.
Дар ҷамъбасти таҷрибаи судӣ оид ба бекор кардани ақди никоҳ (соли 2009) ба судҳои поёнӣ тавсияю дастур дода шуда буд, ки зимни баррасии парвандаҳои оилавӣ ба ҳолатҳои воқеии кор баҳои ҳуқуқӣ дода, аз тамоми воситаҳо истифода баранд, то ақди никоҳ бекор нагардад. Дар як вақт ба мақомоти дахлдори давлатӣ, ташкилоту муассиса ва шахсони мансабдор ҷиҳати бартарафсозии камбудиҳои ошкоршуда пешниҳодҳо ирсол гардиданд. Ҳамаи ин чораву тадбирҳои андешидашуда, албатта, самараи дилхоҳ дода истодаанд. Танҳо дар соли 2014 судҳои ҷумҳурӣ 2403 оиларо аз пошхӯрӣ нигоҳ доштанд.
Мо, судҳои ҷумҳурӣ, дарк менамоем, ки ҳоло дар ин самт корҳои зиёдеро анҷом доданамон лозим аст. Пеш аз ҳама, барои ҳифзи арзишҳои муқаддаси оилавӣ, поку беолоиш нигоҳ доштани генофонди миллӣ, пос доштани муносибатҳои таърихии оиладорӣ, мустаҳкам шудани оила, амалӣ намудани нуктаҳои Паёми Сарвари дилсӯзи миллат ва дигар дастуру ҳидоятҳои муҳтарам Эмомалӣ Раҳмон пайваста  талош хоҳем кард.

 


Баёни ақида (0)    Санаи нашр: 11.06.2015    №: 120    Мутолиа карданд: 823

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед