logo

порлумон

ДАР ХАТЛОН 24 ҲАЗОР ГЕКТАР ЗАМИН ОБЁРӢ МЕШАВАД

Дар ҷаласаи  Маҷлиси намояндагони Маҷлиси Олии ҷумҳурӣ лоиҳаи Қонуни Ҷумҳурии Тоҷикистон «Оид ба ворид намудани илова ба Қонуни Ҷумҳурии Тоҷикистон «Дар бораи буҷети давлатии Ҷумҳурии Тоҷикистон барои соли 2015» ба тасвиб расид.

Давлатзода Умед, муовини вазири рушди иқтисод ва савдои ҷумҳурӣ, зимни баррасии лоиҳаи мазкур гуфт, ки он ҷиҳати қонеъ гардондани зарурати барқарорсозӣ ва таъмири пойгоҳҳои обкашӣ барои обёрӣ намудани майдонҳои кишти хоҷагиҳои кишоварзӣ таҳия шудааст. Мақсади асосӣ, пеш аз ҳама, бо об таъмин намудани майдонҳои кишт ва дар ин замина зиёд гардондани истеҳсоли маҳсулоти кишоварзӣ ҷиҳати таъмини корхонаҳо бо ашёи хоми ватанӣ, инчунин амнияти озуқавории кишвар аст.
Назар ба гуфтаи мавсуф, аз тарафи ширкати «Ҷунтай Хатлон Синсилу» 15 ҳазор гектар ва Ҷамъияти дорои масъулияташ маҳдуди иттиҳоди аграрии «Водии заррин» 9 ҳазор гектар замин обёрӣ мешавад.
Ширкати «Ҷунтай Хатлон Синсилу» дар ноҳияи Данғара калонтарин корхонаи ресандагӣ бунёд менамояд, ки дар оянда барои коркарди нахи пахта то истеҳсоли маҳсулоти ниҳоӣ, ташкили ҷойҳои кор, ҳалли масъалаҳои иҷтимоӣ ва иқтидори содиротии мамлакат мусоидат менамояд.
Тибқи шартнома сармояи ширкати мазкур 200 миллион доллар буда, таъсиси 30 ҳазор ҷойи нави корро дар назар дорад, яъне ба ҳар гектар ду нафар рост меояд. Ширкат тасмим гирифтааст, ки таҷҳизоти муосири истеҳсоли Чинро бо маблағи 4878 ҳазор доллар ба ҷумҳурӣ ворид намояд. Имтиёзҳои андозӣ вобаста ба воридоти таҷҳизот 1121 ҳазор долларро ташкил медиҳад.
Ҳамзамон дар мавзеи Қарадум аз ҷониби ҶДММ «Водии заррин» ба гардиши кишоварзӣ ворид намудани 9 ҳазор гектар замин оғоз гардида, барои обёрӣ намудани он дастгоҳҳои обкашӣ ва қубурҳои пластикӣ зарур мебошанд. Ба истифода додани пойгоҳҳои обкашӣ имконияти истифодаи 4,5 ҳазор гектар барои кишти пахта, 2 ҳазор гектар шолӣ, 1 ҳазор гектар картошка ва 1,5 ҳазор гектар пиёзу сабзӣ ва дигар сабзавот фароҳам меорад, ки дар таъмини амнияти озуқавории кишвар саҳми муносиб хоҳад гузошт. Сармояи хориҷии ин ширкат 100 миллион сомониро ташкил дода, таъсиси 18 ҳазор ҷойи кор дар назар аст.
Дар ин раванд ҷамъияти мазкур тасмим гирифтааст, ки таҷҳизоти муосири чиниро ба маблағи 3250 ҳазор доллар ба Тоҷикистон ворид намояд.
Дар маҷмӯъ, маблағи имтиёзи ҳар ду ширкат ба 1900 ҳазор доллар мерасад.
Зикр гардид, ки 15 ҳазор гектар замини вобасташуда дар ноҳияҳои Ҷиликӯл, Қубодиён, Шаҳритуз ва Носири Хусрав воқеъ гардида, ба муҳлати 49 сол ба ширкати мазкур дода шудаанд.
Дар ҷаласа ҳамчунин Созишнома дар шакли мубодилаи ёддоштҳо байни Ҳукумати Ҷумҳурии Тоҷикистон ва Дафтари Созмони амният ва ҳамкории Аврупо дар Ҷумҳурии Тоҷикистон оид ба масъалаи пардохти андоз аз даромади шаҳрвандони Ҷумҳурии Тоҷикистон, ки фаъолияти меҳнатиро дар дафтари мазкур анҷом медиҳанд, ба тасвиб расид.
Парвиз Давлатзода, муовини вазири корҳои хориҷии кишвар, иброз дошт, ки мақсад аз бастани созишнома меъёрикунонии андоз нисбат ба кормандони маҳаллии ин дафтар дар Тоҷикистон ба ҳисоб меравад. Бинобар маълумоти мавҷуда дар дафтари ин созмон дар Тоҷикистон тақрибан 140 нафар корманди маҳаллӣ фаъолият дорад. Мавсуф зикр кард, ки дафтари созмон дар асоси созишномаи мазкур пардохти андозро аз даромади кормандони маҳаллӣ барои соли 2014 ва солҳои минбаъда тибқи қонунгузории андози Ҷумҳурии Тоҷикистон таъмин менамояд. Ба гуфтаи ӯ, шуъбаи молияи дафтари созмон дар Тоҷикистон бояд андозро аз даромади солона барои соли 2014 ба маблағи 140 ҳазор евро супорад.
Мунаввари САФАР,
«Ҷумҳурият»


Баёни ақида (0)    Санаи нашр: 13.06.2015    №: 122    Мутолиа карданд: 3119
15.04.2021


ВМКБ. ВОХӮРӢ БО НАМОЯНДАГОНИ МАРКАЗИ ИЛМӢ-ФАРҲАНГИИ РОССИЯ

ВАО: РАИСИ ҶМЧ БА ИШТИРОК ДАР САММИТ ОИД БА ИҚЛИМ МАЙЛ ДОРАД

ҶАҲОН ДАР ЯК САТР

НАВБАҲОР ГУЛ МЕКУНАД

НОҲИЯИ ФИРДАВСӢ. ҲАВАСМАНДГАРДОНИИ ХИЗМАТЧИЁНИ ҲАРБӢ ДАР МАДДИ АВВАЛ

“ПАРВИН”. БЕҲТАРИНҲО ҚАДР ШУДАНД

14.04.2021


ҶАМЪБАСТИ ОЗМУНИ ҶУМҲУРИЯВИИ "САЙРИ ГУЛИ ЛОЛА"

ҲИЛОЛИ АҲМАРИ ТОҶИКИСТОН. КУМАК БА ЗИЁДА АЗ 9300 НИЁЗМАНД БА МУНОСИБАТИ МОҲИ РАМАЗОН

Навидҳои фарҳанг

Табрикоти кайҳоннавардон ба муносибати 60-солагии парвози инсон ба кайҳон

Ҷаҳон дар як сатр

12.04.2021


КИТОБИ «ТОҶИКОН» ДАСТРАСИ СОКИНОНИ НОҲИЯИ САНГВОР ГАРДИД

НУРОБОД ДАР СӢ СОЛИ ИСТИҚЛОЛИЯТ

СУҒД. ФЕСТИВАЛИ ВИЛОЯТИИ «ҲУНАР БЕҲТАР АЗ ЗАР БУВАД» БАРГУЗОР МЕГАРДАД

СУҒД. 420 000 СОМОНӢ ГРАНТ БАРОИ ЗАНОНИ ҲУНАРМАНДУ ЭҶОДКОР

МЕРОСИ ТАЪРИХИЮ ФАРҲАНГӢ. ҲАМОИШИ МУҲИМИ КОРШИНОСОН

«КАДБОНУИ БЕҲТАРИН» МУАРРИФИИ ҒОЛИБОНИ ОЗМУН

ЛИГАИ ОЛӢ

09.04.2021


ТОҶИКИСТОН ВА АМА. ГУСТАРИШУ ТАҲКИМИ ҲАМКОРИҲО ТАЪКИД ШУД

ОЛМОН БО РОССИЯ ОИД БА ДАРЁФТИ «СПУТНИК V» МУЗОКИРОТ МЕГУЗАРОНАД

ҶАҲОН ДАР ЯК САТР

08.04.2021


ТОҶИКИСТОН – МАҶОРИСТОН. САҲИФАИ НАВИ ҲАМКОРӢ БОЗ ШУД

САРВАРИ ВКХ ПОКИСТОН РОССИЯРО ОМИЛИ УСТУВОРӢ ДАР МИНТАҚА ВА ҶАҲОН НОМИД

ҶАҲОН ДАР ЯК САТР

ТАСВИРИ ОБ ДАР АСАРҲОИ РАССОМОНИ ТОҶИКИСТОНӢ

«ХУҶАСТА БОД ИСТИҚЛОЛ!»

Мулоқоти Сироҷиддин Муҳриддин бо Армида Салсия Алишаҳбана

МАГНОЛИЯ. НИҲОЛИ НОДИР ДАР ХУҶАНДИ БОСТОН

07.04.2021


МИСГАРӢ — БОЗГӮИ РАМЗҲО ВА АНЪАНАҲОИ МАРДУМӢ

«ТЕРРОРИЗМ РЕЛИГИОЗНЫХ ЭКСТРЕМИСТОВ...»

Лавров: «СММ низоъҳоро дар дунё муваффақона ба низом меоварад»

ҶАҲОН ДАР ЯК САТР

ФУТБОЛ

06.04.2021


ВМКБ. НАҚШАИ ДАЪВАТ ДАР ЯК РӮЗ ИҶРО ШУД

ИШКОШИМ. ҒОЛИБОН БА НОҲИЯ БАРГАШТАНД


Дар сомонаҳои дигари Тоҷикистон хонед