logo

мулоқотҳо

СААШ - ШАРИКИ БОЭЪТИМОДИ ТОҶИКИСТОН

Тоҷикистон бо Созмони Аҳдномаи Атлантикаи Шимолӣ дар соҳаҳои гуногун, аз ҷумла омодасозии кадрҳои низомӣ, омӯзиши забонҳо, мубориза бар зидди терроризми байналмилалӣ, ифротгароӣ, поксозии гуманитарии минаҳо, нобудсозии муҳиммоти ҳарбӣ, амнияти сарҳадот, мубориза бар зидди гардиши ғайриқонунии маводи мухаддир, пешгӯии офатҳои табиӣ ва рафъи оқибатҳои онҳо ҳамкории босамар дорад.
Ин нукта дар мулоқоти Эмомалӣ Раҳмон, Президенти Ҷумҳурии Тоҷикистон, бо вакилони Ассамблеяи порлумонии Созмони Аҳдномаи Атлантикаи Шимолӣ (СААШ), ки рӯзи 23 июн дар шаҳри Душанбе иттифоқ афтод, таъкид шуд. Гуфта мешавад, ки чунин ҳамкорӣ бештар дар доираи «Барномаи шарикӣ барои сулҳ» ва «Барномаи инфиродии шарикӣ ва ҳамкорӣ миёни Ҷумҳурии Тоҷикистон ва Созмони Аҳдномаи Атлантикаи Шимолӣ» сурат мегирад.
Зимнан, Хадамоти матбуоти Президенти Ҷумҳурии Тоҷикистон иттилоъ медиҳад, ки «Дар мулоқот масоили ҳамкорӣ бо СААШ оид ба амнияти минтақаӣ ва дастгирии техникии сохторҳои марбутаи Тоҷикистон баррасӣ шуд. Таваҷҷуҳи зиёд ба масоили ҳамкорӣ доир ба мусоидат ба таҳкими сулҳу эътидол дар Афғонистон ва ҳифзи сарҳади Тоҷикистон бо ин ҳамсоякишвар зоҳир гардид».
Виталин Кенеш, узви порлумони Португалия, раиси Кумитаи ҷанбаи шаҳрвандии амниятии Ассамблеяи порлумонии Созмони Аҳдномаи Атлантикаи Шимолӣ, ба ин бовар аст, ки муносиботи Тоҷикистон ва СААШ минбаъд низ таҳким хоҳад ёфт. Ба таъкиди ӯ, Тоҷикистон ба ҳайси як кишвари дорои нақши калидӣ дар минтақа ва ҷонибдори сулҳу субот шарики боэътимоди СААШ боқӣ хоҳад монд.
Виталин Кенеш, ки баъд аз мулоқот бо Президенти Ҷумҳурии Тоҷикистон дар ҳузури хабарнигорон суҳбат мекард, натиҷаҳои дидору суҳбати вакилони Ассамблеяи порлумонии Созмони Аҳдномаи Атлантикаи Шимолӣ бо Сарвари давлатро муҳиму созанда ва таҳкимбахши равобити минбаъда арзёбӣ кард. «Тоҷикистон дар ҳалли масоили минтақаӣ нақши бисёр муҳим дорад. Мо дар ҷараёни сафар ба кишвари шумо мутаваҷҷеҳи вазъи сарҳад бо Афғонистон ва хатарҳои афзоянда аз ин кишвар низ будем. Чун ҳайати мо ба намояндагӣ аз давлатҳои гуногун аст, нигарониҳои мавҷударо  ба ҳукуматҳои худ расонда, дар порлумонҳо низ баҳс хоҳем кард».
Ба гуфтаи Виталин Кенеш, дар мулоқот ҳамчунин вазъи кишварҳои Шарқи Наздик, масоили пурзӯр намудани мубориза бо терроризму ифротгароӣ низ баррасӣ шудааст.
Вакилони Ассамблеяи порлумонии Созмони Аҳдномаи Атлантикаи Шимолӣ бо сафари дурӯза вориди Тоҷикистон шуда, ҳамчунин бо роҳбарияти дигар мақомоти давлатӣ низ вохӯриҳо анҷом доданд.

Фирӯзи РАҲМОНИЁН,
«Ҷумҳурият»
 


Баёни ақида (0)    Санаи нашр: 25.06.2015    №: 130    Мутолиа карданд: 681

29.01.2020


Вазорати кишоварзӣ. Истеҳсоли моҳӣ 83 дарсад афзуд

273 корманди муҳандисию техникӣ аз санҷиш нагузашт

28.01.2020


Иқтидори энергетикии кишвар рӯ ба афзоиш дорад

Азнавбақайдгирӣ. Ҷараёни иҷро нигаронкунанда боқӣ мемонад

Тоҷикистону Эрон. Ҳамкориҳои гумрукӣ таҳким меёбанд

Ноҳияи Рӯдакӣ. Саноатикунонӣ дар мадди аввал

СММ ИМА ва Россияро ба тамдиди созишномаи ССҲ-3 даъват намуд

Аксарияти нафароне, ки мубталои коронавирус шуданд, аз 60 - сола боло мебошанд

Дар Қазоқистон бо офияти занҳое машғул мешаванд, ки аз Сурия баргаштанд

Ҳамлаи малах ба Африқои Ҷанубӣ боиси нигаронии сахти СММ шуд

Ҷаҳон дар як сатр

27.01.2020


«ҶОМИ РУШД - 2020». Наврасони тоҷик соҳиби медалҳои нуқра гаштанд

Заминларзаи сахт дар Туркия ва ҳалокати 38 нафар

Зеленский аҳамияти музокироти бевосита бо Путинро таъкид дошт

Гуфтушуниди Лукашенко дар бораи хариди нафт бо ИМА, АМА ва Арабистони Саудӣ

Дар ИМА музокироти тиҷоратӣ бо Британияро дар як сол анҷом доданианд

Ҷаҳон дар як сатр

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона


Дар сомонаҳои дигари Тоҷикистон хонед