logo

ҳуқуқ

НИГАРОНИИ Р. НАЗАРЗОДА АЗ ҶАРАЁНИ ТАТБИҚИ СТРАТЕГИЯ

Рустам Назарзода, директори Агентии назорати маводи нашъаовари назди Президенти Ҷумҳурии Тоҷикистон, дар ҷаласаи Шӯрои ҳамоҳангсозӣ оид ба пешгирии суиистифодаи маводи нашъаовар аз ҷараёни татбиқи «Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013 - 2020» изҳори нигаронӣ кард.
Генерал - лейтенанти милитсия Рустам Назарзода баъд аз гузориши Шерғозӣ Содатқадамов, муовини сардори Ситоди агентӣ вобаста ба натиҷаҳои санҷиши фаъолияти вазорату идораҳои дахлдор аз камтаваҷҷуҳии субъектҳои Стратегияи миллии мубориза бар зидди гардиши ғайриқонунии маводи мухаддир изҳори нороҳатӣ намуда, аз фаъолияти гурӯҳи кории агентӣ оид ба санҷиши фаъолияти сохторҳои марбутаи давлатӣ низ интиқод кард.
7 июл дар  бинои Агентии назорати маводи нашъаовари назди Президенти Ҷумҳурии Тоҷикистон бо ҳузури намояндагони Дастгоҳи иҷроияи Президенти мамлакат, роҳбарияти вазорату идораҳо ва мақомоти иҷроияи ҳокимияти давлатӣ дар шаҳри Душанбе ҷаласаи Шӯрои ҳамоҳангсозӣ оид ба пешгирии суиистифодаи маводи нашъаовар баргузор гардид.
Зикр шуд, ки Агентии назорати маводи нашъаовар ба ҳайси мақоми пешбари сиёсати давлатӣ дар амри мубориза бо гардиши ғайриқонунии маводи мухаддир муваззаф аст, ки ҳамоҳангии вазорату идора ва дигар ниҳодҳои давлатиро дар роҳи татбиқи «Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013 - 2020» таъмин созад. Ба ин манзур, зери назари Шӯрои ҳамоҳангсозӣ дар агентӣ гурӯҳи вижаи корӣ ҷиҳати анҷом додани санҷиши фаъолияти вазорату идораҳо таъсис шудааст.
Тавре дар гузориши Шерғозӣ Содатқадамов зикр шуд, натиҷаи санҷишҳо дар баробари дастоварду пешрафтҳо, як қатор камбудиву норасоиҳоро низ ошкор кардааст. Чунончи, дар бархе вазорату идораҳо, ки субъектҳои стратегия ба ҳисоб мераванд, то кунун нақшаи чорабиниҳо оид ба татбиқи ин ҳуҷҷат таҳияву мавриди амал қарор нагирифтаанд. Дар ин робита, аз Вазорати тандурустӣ ва ҳифзи иҷтимоии аҳолӣ ном бурда шуд, ки то кунун дар он нақша - чорабинии вижае оид ба татбиқи стратегия рӯи даст гирифта нашудааст.
Р. Назарзода дар иртибот ба мавҷудияти камбудиҳо гурӯҳи кории агентиро айбдор кард, ки  мушкилоти ҷойдошта ва камбудиҳои ошкоршударо бо роҳбарияти аввали сохторҳои давлатӣ дар миён намегузоранд. Ё билфосила баъд аз ҷамъбасти санҷишҳо оид ба камбудиҳои ҷодошта санадҳои зарурӣ тартиб намедиҳанд, ки дар натиҷа боиси камтаваҷҷуҳии  масъулони вазорату идораҳо ҷиҳати ислоҳи камбудиҳо гардидааст. Ӯ дар хитоб ба кормандони агентӣ гуфт: «Мо натавонистем  назоратро ҷиҳати татбиқи стратегия дуруст ба роҳ монем. Аз ин рӯ, бо гузашти ду сол аз оғози иҷрои стратегияи миллӣ то кунун натиҷаҳои хубе ба даст наомадаанд».
Рустам Назарзода бо ишора ба бетаваҷҷуҳии бархе роҳбарони вазорату идораҳо дар самти татбиқи  стратегияи миллӣ ҳушдор дод, ки ин ҳуҷҷат бо Фармони Президенти мамлакат тасдиқ шуда, иҷрои бечунучарои он амри ногузир аст.
Ҳадафи асосии «Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013 - 2020» коҳиши паҳншавӣ ва муомилоти ғайриқонунӣ, истифодаи ғайритабии маводи нашъаовар, ҳифзи солимии аҳолӣ, ҷомеа ва давлат, инчунин таҳкими ҳамкориҳои байналмилалӣ дар самти мубориза бо ин падидаи номатлуб аст. Бинобар ин, ҳар нафари масъул бояд дар ин самт рисолату уҳдадориҳои худро дуруст иҷро намояд.

Фирӯзи РАҲМОНИЁН,
«Ҷумҳурият»


Баёни ақида (0)    Санаи нашр: 9.07.2015    №: 139    Мутолиа карданд: 1007

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед