logo

мулоқотҳо

ТОҶИКИСТОН ВА БОШҚИРДИСТОН: ҲАМКОРИҲО УМЕДБАХШАНД

9 июл дар шаҳри Уфа Президенти Ҷумҳурии Тоҷикистон Эмомалӣ Раҳмон бо Сарвари Ҷумҳурии Бошқирдистони Федератсияи Русия Рустам Хамитов мулоқот намуд.

Рустам Хамитов Сарвари давлати Тоҷикистон Эмомалӣ Раҳмонро ба шаҳри Уфа хайра мақдам гуфта, ба густариши робитаҳои мустақим бо Тоҷикистон ва минтақаҳои он изҳори ҳавасмандӣ намуд.
Эмомалӣ Раҳмон ба Сарвари Бошқирдистон барои дастгирии пайваста аз фаъолияти Консулгарии генералии Тоҷикистон дар шаҳри Уфа ва ҳам таваҷҷуҳи хосаш ба мушкилоти шаҳрвандони кишвари мо дар ин ҷумҳурии Русия арзи сипос кард.
Бошқирдистон яке аз аввалин субъектҳои Федератсияи Русия аст, ки бо Тоҷикистон ҳанӯз солҳои 90-уми асри гузашта робитаҳои мустақими ҳамкорӣ ба роҳ монда буд.
 Боздиди порсолаи Сарвари Бошқирдистон аз Тоҷикистон ва созмон ёфтани гурӯҳи корӣ аз ҳар ду ҷониб ба густариши робитаҳо заминаи воқеӣ гузоштааст. Ташкил ва вусъат додани ҳамкорӣ дар соҳаҳои энергетика, саноати кӯҳӣ, сабук ва хӯрокворӣ, кишоварзӣ ва коркарди ашёи хоми он дорои дурнамои умедбахш номида шуд.
Сарвари давлати Тоҷикистон ба омодагии Бошқирдистон ба баргузорсозии ҳамоишҳои сарони давлатҳои Созмони ҳамкории Шанхай (СҲШ) ва БРИКС (Бразилия, Русия, Ҳиндустон, Чин ва Ҷумҳурии Африқои Ҷанубӣ) баҳои баланд дода, таъкид дошт, ки ин чорабиниҳои байналмилалӣ ба ободонии бештар ва муаррифии васеи шаҳри Уфа мусоидати фаъол хоҳанд кард.
Президенти Ҷумҳурии Тоҷикистон Эмомалӣ Раҳмон ва Сарвари Ҷумҳурии Бошқирдистони Федератсияи Русия Рустам Хамитов, ҳамчунин, намоишгоҳи мусаввараҳои рассомону наққошони маъруфи Тоҷикистонро ифтитоҳ намуда, зимни тамошо аз он ва зери таассуроти амиқ аз маҳсули ин ҳунарҳои воло доир ба ташкил ва густариши ҳамкории мутақобилан судманди фарҳангӣ ҳам гуфтугӯйи судманд анҷом доданд.
Сарвари Ҷумҳурии Бошқирдистони Федератсияи Русия Рустам Хамитов зимни тамошои намоишгоҳ иброз дошт, ки: “Тоҷикистон ягона кишварест, ки дар ҳамоишҳои сарони СҲШ ва БРИКС бо дастовардҳои пурарзиши фарҳангӣ ташриф овардааст”.
Дар намоишгоҳ мусаввараҳои гирдовардаи коллексионери рус Юлия Вербитская аз эҷодиёти рассомони маъруфти тоҷик, аз қабили Зуҳур Ҳабибуллоев, Муриват Бекназаров, Акмал Миршакар, Сабзалӣ Шарифов ва дигарон намоиш дода шуд.
Намоишгоҳ дар доираи ҳамоишҳои БРИКС ва СҲШ аз ҷониби Сафорати Тоҷикистон дар Русия дар ҳамдастӣ бо раиси суди Третейи созмонҳои сохтмонӣ, коллексионери рус Юлия Вербитская зери унвони «Шедевры живописи горного края. Таджикистан. Пространство ШОС» таҳия гардидааст.
Президенти Ҷумҳурии Тоҷикистон Эмомалӣ Раҳмон ба ин дӯстдори санъати тоҷик, коллексионери рус Юлия Вербитская барои таваҷҷуҳи хосааш арзи сипос намуда, ба ӯ мусаввараи “Манзараи кӯҳистон”-и Олим Рабиевро ҳадя намуд.

 


Баёни ақида (0)    Санаи нашр: 11.07.2015    №: 141    Мутолиа карданд: 563

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед