logo

мулоқотҳо

Сардори давлат эътимодномаи сафири Швейтсарияро қабул кард

21 апрел Президенти Ҷумҳурии Тоҷикистон Эмомалӣ Раҳмон аз Сафири нави фавқулодда ва мухтори Швейтсария дар Тоҷикистон Стефан Ниллен эътимоднома қабул намуд.

Дар сӯҳбати Сардори давлат Эмомалӣ Раҳмон бо Стефан Ниллен, ки баъди маросими эътимодномасупорӣ баргузор гашт, масъалаи ҳамкории Тоҷикистону Швейтсария баррасӣ шуд.
Сардори давлат Эмомалӣ Раҳмон «аз сатҳи баланди муносибатҳои ду кишвар» изҳори қаноатмандӣ карда, дар ин кор ба саҳми Агентии Швейтсария оид ба ҳамкорӣ ва рушд баҳои баланд дод.
 Стефан Ниллен изҳор дошт, ки «Швейтсария бо Тоҷикистон аз соли 1992 ин ҷониб муносибатҳои хуби стратегӣ дорад ва мо ба таҳкиму тавсеаи чунин муносибатҳо манфиатдорем».
Кӯмакҳои Ҳукумати Швейтсария дар татбиқи барномаю лоиҳаҳои соҳаҳои маориф, тандурустӣ, илму техника, фарҳанг ва дар гузарондани чорабиниҳои муҳими минтақавию байналмилалӣ намоён арзёбӣ гардид.
Ғайр аз ин аз фаъолияти созмони ғайриҳукуматии КАРИТАС ва Хазинаи Швейтсария оид ба безараргардонии минаҳо қаноатмандӣ зоҳир гардид.
Сардори давлат Эмомалӣ Раҳмон Швейтсарияро ҳамчунин «яке аз шарикони намоёни тиҷоратии Тоҷикистон дар Аврупо» номида, таъкид дошт, ки «имкону захираҳо барои боз ҳам баланд бардоштани ҳаҷми муомилоти молу маҳсулот хеле зиёд аст».
Стефан Ниллен аз омодашавии созишномаи дуҷониба дар бораи ҳифзи сармоягузорӣ ва канорагирӣ аз андозбандии дукарата ёдовар шуда, иттилоъ дод, ки Швейтсария  омода аст ҳамкориро бо сохторҳои тиҷоратӣ ва соҳибкории Тоҷикистон дар соҳаҳои бунёдии иқтисодиёт, аз ҷумла баҳри истеҳсоли муштараки маҳсулоти саноатӣ, густариш диҳад.
Иштироки доираҳои тиҷоратию соҳибкории Швейтсария ҳамчунин дар татбиқи лоиҳаҳои инвеститсионии Тоҷикистон дар соҳаҳои энергетика, нақлиёту коммуникатсия, азхуднамоии захираҳои табиӣ, коркарди маҳсулоти кишоварзӣ ва туризм аз самтҳои судбахши ҳамкории иқтисодӣ миёни ду кишвар маънидод карда шуд.

х  х  х
Сафири фавқулодда ва мухтори Швейтсария дар Тоҷикистон Стефан Ниллен пас аз супурдани эътимоднома ба Президенти Ҷумҳурии Тоҷикистон Эмомалӣ Раҳмон андешаҳояшро ба хабарнигорон чунин иброз дошт:
-Дар мулоқот Ҷаноби Олӣ таъкид карданд, ки муносибатҳои байни Тоҷикистону Швейтсария дар сатҳи олӣ қарор доранд. Воқеан муносибатҳои ҳар ду кишвар хеле хубанд. Мо ба муносибатҳои стратегиамон ҳанӯз соли 1992, вақте ки Тоҷикистон ба узвияти гурӯҳи Швейтсариягӣ шомил гашту манфиатҳои онро гурӯҳи мазкур дар Бонки ҷаҳонӣ ва Хазинаи байналмилалии асъор муаррифӣ мекард, таҳкурсӣ гузошта будем.
Ман бо Ҷаноби Олӣ, Президенти Ҷумҳурии Тоҷикистон, пешниҳод кардам, ки ҳамкориро минбаъд дар самти сектори хусусӣ рушд ва тавсеа мебахшем. Ҳамчунин барои густариши ҳамкориҳо мо соли  равон имзои ду санади муҳим- Созишнома оид ба ҳифзи сармоягузорӣ ва Созишномаи канораҷӯӣ аз андозбандии дукаратаро ба нақша гирифтаем. Онҳо барои ҷалби сармояи Швейтсария ба Тоҷикистон заминаи воқеӣ мегузоранд.

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 665

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед