logo

мулоқотҳо

Емил Рапча: «Тоҷикистон шарики боэътимоди Руминия дар Осиёи Марказист»

21 апрел  Президенти Ҷумҳурии Тоҷикистон Эмомалӣ Раҳмон аз Сафири  фавқулодда ва мухтори Руминия дар Тоҷикистон Емил Рапча эътимоднома қабул намуд.
-Тоҷикистон ба барқарорсозӣ ва рушди минбаъдаи муносибатҳо бо кишварҳои Аврупои Шарқӣ, аз ҷумла Руминия, манфиатдор аст, - изҳор дошт Сардори давлат Эмомалӣ Раҳмон дар сӯҳбаташ бо сафири нави ин кишвар.
Емил Рапча дар навбати худ изҳор дошт, ки «Тоҷикистон дӯсти хуб ва шарики боэътимоди Руминия дар минтақаи Осиёи Марказӣ аст» ва афзуд, ки «Тоҷикистон дар Руминия чун пул ё пайвандгари Аврупо бо Осиёи Марказӣ ва Ҷанубӣ шинохта шудааст».
Ба гуфти Емил Рапча, роҳбарият ва мардуми Руминия аз талошҳои Президенти Тоҷикистон Эмомалӣ Раҳмон баҳри таҳкими амнияту субот ва эҷоди фазои хуби ҳамкорӣ дар минтақаи Осиёи Марказӣ хуб огоҳӣ доранд ва нақши Тоҷикистонро дар ин минтақа баланд арзёбӣ мекунанд.
Дар мулоқот оид ба имконоти рушди ҳамкории дуҷониба ва бисёрҷонибаи Тоҷикистону Руминия гуфтугӯ сурат гирифт.
Ба роҳ мондани ҳамкорӣ дар соҳаҳои гидроэнергетика, истеҳсоли мебел, кишоварзӣ, коркарди меваю сабзавот ва пашму пӯст, истихроҷ ва коркарди маъданҳои кӯҳӣ ва ғайра барои ҳар ду ҷониб судовар маънидод гардид.
Емил Рапча иттилоъ дод, ки ба наздикӣ вазири тиҷорати Руминия бо гурӯҳи калони соҳибкорони ин кишвар ба Тоҷикистон сафар хоҳад кард ва ҳадафи онҳо ташкил ва густариши ҳамкориҳои иқтисодӣ- тиҷоратӣ аст.
Дар робита ба ин таъкид гардид, ки вазифаи асосии сохторҳои дахлдори ду кишвар дар марҳилаи кунунӣ эҷоди заминаи ҳуқуқию қарордодии ҳамкорӣ мебошад.

Емил Рапча, Сафири фавқулодда ва мухтори Руминия дар Тоҷикистон, пас аз дидору гуфтугӯ бо Эмомалӣ Раҳмон, Президенти Ҷумҳурии Тоҷикистон, ба хабарнигорон иттилоъ дод, ки бо Ҷаноби Олӣ масоили вобаста ба ҳамкориҳои дуҷониба ва муносибати Иттиҳоди Аврупо бо кишварҳои Осиёи Марказиро матраҳ намудем.
Ман ба ҷаноби Президент гуфтам, ки дар Руминия саҳм ва талошҳои Ҷаноби Олӣ дар рушди минтақаи Осиёи Марказӣ, ҳамкориҳои минтақавӣ, ҳамчунин таъмини сулҳу субот ва рушди устувори минтақа ба хубӣ маълум аст. Зикр гардид, ки Тоҷикистон шарики боэътимоди Руминия дар Осиёи Марказӣ ба ҳисоб меравад ва мо ҳамкориро дар ин минтақа тавсеа мебахшем.
Дар вохӯрӣ масъалаи таъсиси корхонаҳои муштарак, коркарди маҳсулоти кишоварзӣ, истеҳсоли мебел, гидроэнергетика ва сафари мутақобилаи ҳайати вакилони бахши иқтисодиёти давлатҳо, ки моҳи июни соли равон дар назар аст, матраҳ шуд.
Мо дар Руминия ба талошҳо ва нақши Тоҷикистон дар ҷилавгирӣ аз таҳдидҳои глобалӣ, ба мисли терроризм  ва экстремизм баҳои баланд медиҳем. Руминия ба сифати давлати узви Иттиҳоди Аврупо ва НАТО дӯсти содиқи Тоҷикистон аст. Ман ба ҳайси сафири фавқулодда ва мухтори ин кишвар дар Тоҷикистон бо итминон мегӯям, ки мо барои рушди кишвари шумо ва таҳкими фаъолияти муштарак аз тамоми имкониятҳо истифода мебарем.

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 531

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед