logo

ҳуқуқ

ОИЛАҲО ПОШ МЕХӮРАНД. ЧАРО?

Эълон гардидани Соли оила тақозо мекунад, ки ҳар як фарди худогоҳ иқдоми шоистаро амалӣ карда, дар тарғиби арзишҳои муқаддаси оиладорӣ ва баланд бардоштани фарҳанги хонаводагӣ саҳми муносиб гузорад ва ба ин восита мақоми зан-модарро, ки нуру зиёи ҳаёт ва асоси бахту нишоти зиндагӣ мебошад, боз ҳам баланд бардорад.

Ба андешаи мо, имрӯз вақти он расидааст, ҳар як оилаи тоҷик, бахусус, оилаҳои ҷавон, бояд муқаррароти асосии Кодекси оилаи Ҷумҳурии Тоҷикистонро донанд. Аз муоинаи тиббӣ гузаштан ва ба расмият даровардани аҳдномаи никоҳ дар мавриди молу амволи тарафҳо бояд тибқи талаботи қонунгузории ҷорӣ амалӣ гардад.
 Баррасии парвандаҳои оилавӣ оид ба баҳси молу амволи байни зану шавҳар, муроҷиати бевоситаи занон ба мақомоти судӣ бозгӯи он аст, ки ҳангоми бастани ақди никоҳ тарафҳо ба ин масъала аҳамияти ҷиддӣ намедиҳанд. Аҳдномаи ақди никоҳро, ки созишномаи зану шавҳар ба ҳисоб рафта, ҳуқуқи амволӣ ва ӯҳдадориҳои онҳоро дар давраи заношӯӣ ва ё дар ҳолатҳои бекор кардани он муайян менамояд, дар шакли хаттӣ ба расмиёт намедароранд. Ҳол он ки Аҳдномаи ақди никоҳ бояд дар нотариуси давлатӣ тасдиқ шавад. Риоя нагаштани ҳамин талабот боиси ба миён омадани баҳс дар мақомоти судӣ мегардад. Баъзе оилаҳо маҳз бо ҳамин сабаб пош мехӯранд.
 Сабаби дигари пош хӯрдани оилаҳо дар он аст, ки бисёре аз падару модарон фарзандонро бе муоинаи пешакии тиббӣ хонадор карда, вазъи саломатии онҳоро ба эътибор намегиранд. Бинобар паст будани сатҳи маърифати ҳуқуқиашон дар бораи оқибатҳои вазнини он фикр намекунанд. Намеандешанд, ки мубталои бемориҳои ирсӣ гардидани фарзандон на танҳо ба худи онҳо, балки ба ҷомеа низ таъсири манфӣ расонда, ба генофонди миллат хатар эҷод мекунад.
 Президенти ҷумҳурӣ зимни суханронӣ дар мулоқот бо ҷавонони донишҷӯ, 23 майи соли 2013, иброз дошт, ки: “Яке аз омилҳои муҳими ташкили ҷомеаи демократӣ бунёди оилаи солим мебошад. Ин раванд дар ҷомеаи мо бо низоми суннатӣ инкишоф меёбад. Вале дар баробари ин, нишонаҳои ба оиладорӣ тайёр набудани як қисми ҷавонон торафт бештар ба назар мерасанд, ки онҳо боиси афзудани вайроншавии оилаҳои ҷавон мегарданд”. Бармаҳал оиладор кардани ҷавонон, омода набудани онҳо ба ҳаёти мустақилона, вобастагии молиявиашон аз падару модар, муҳоҷирати корӣ, дахолати хешовандони наздик ва хушунати оилавӣ низ дар ниҳояти кор ба пошхӯрии оилаҳо оварда мерасонанд. Дар натиҷаи вайроншавии оилаҳо теъдоди зиёди кӯдакон бе назорат монда, даст ба амалҳои номатлуб мезананд.
 Агар дар соли 2011 дар миқёси кишвар 94 ҳазору 600 ақди никоҳ баста шуда бошад, пас ин рақам дар соли 2012-ум ба 97 ҳазору 800 нафар расидааст. Боиси нигаронист, ки соли 2011-ум 6800 ва соли 2012-ум 7600 ақди никоҳ бекор шудааст. Мусаллам аст, ки дар аксар мавридҳо зимни вайроншавии оилаҳо аз ҳама бештар занону духтарон ва кӯдакони хурдсол зарари моддиву маънавӣ мебинанд. Ин рақамҳо аз он далолат медиҳанд, ки то ҳол бархе аз ҷавонон ба ҳаёти мустақилона тайёр набуда, таваккалӣ хонадор мешаванд. Мақомоти судӣ ҳадалимкон кӯшиш ба харҷ медиҳанд, ки дар таҳкими минбаъдаи оила саҳми муносиб гузоранд.
 Қобили зикр аст, ки зимни баррасии парвандаҳои оилавӣ судяҳоро бештар ноогоҳии тарафҳои баҳс аз Кодекси оила, бесаробон мондани фарзандон, вайроншавии оилаҳо нигарон намудааст. Ба андешаи мо, яке аз вазифаҳои аввалиндараҷа ҷиҳати баланд бардоштани сатҳи маърифати ҳуқуқии шаҳрвандон дар самти оила ва оиладорӣ, ин пеш аз ҳама, мусаллаҳ намудани ҷавонон бо донишҳои ҳуқуқӣ, дарки маънӣ ва моҳияти қонуну кодексҳо доир ба низоми оиладорӣ мебошад. Зеро аксари оилаҳои ҷавон имрӯз ҳалли мушкилоти оилавиашонро дар бекор намудани ақди никоҳ мебинанд, ки ин тамоман нодуруст аст.
 Барои ба роҳи дурусти зиндагӣ ҳидоят кардани оилаҳое, ки ба чунин мушкилот дучор шудаанд, дар баробари мақомоти дахлдор бояд падару модарон низ тадбирҳои муассир андешанд. Зеро ҳар қадар сатҳи маърифати оиладорӣ ва ҳуқуқии ҷавонон баланд бошад, давлат ва миллат низ ба ҳамон андоза неруманд мегардад.

Мавҷиддин ҚОДИРОВ,
ёрдамчии раиси Суди
шаҳри Душанбе


Баёни ақида (0)    Санаи нашр: 16.07.2015    №: 144    Мутолиа карданд: 820

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед