logo

ҳуқуқ

СУҒД: МУБОРИЗА БО ТЕРРОРИЗМ ВА ЭКСТРЕМИЗМ ПУРЗӮР МЕГАРДАД

Инсониятро имрӯз дар баробари фалокатҳои гуногуни табиӣ терроризм ва экстремизм таҳдид дорад, ки бо оқибатҳои ҳузнангези худ аз ҷиддитарин таҳдидҳои ҷаҳони муосир маҳсуб ёфта, сулҳу субот ва истиқлолияти давлатии кишварҳоро зери хатар мегузорад.

Президенти кишвар, муҳтарам Эмомалӣ Раҳмон дар Паёми худ аз 23 январи соли равон ба Маҷлиси Олии Ҷумҳурии Тоҷикистон зикр карданд, ки “терроризм ва ифротгароӣ беш аз ҳарвақта авҷ гирифта, бо оқибатҳои даҳшатбору бераҳмонаи худ ба проблемаи ҷиддитарини инсоният дар асри бистуяк табдил ёфтааст”. Аз ин рӯ, роҳбарияти мақомоти ҳифзи ҳуқуқ ва сохторҳои низомии мамлакатро вазифадор карданд, ки дар самти мубориза бар зидди терроризм, ифротгароӣ, таъмини амнияти давлат ва ҷомеа тадбирҳои муассир андешанд.
Дар сафи пеши ин гурӯҳҳои ифротгароӣ, қабл аз ҳама, иттиҳоди ҷиноии экстремистию террористии “Ансоруллоҳ”, “Ҳаракати исломии Туркистон”, “Ҷабҳат-ун-нусра”, “Давлат-ул-ислом”, “Ҷамоати таблиғ”, “Ҳизб-ут-таҳрир”, равияи “Салафия” қарор доранд, ки ҳадафи асосии фаъолият ва ғояи онҳо ноором кардани вазъи сиёсиву иҷтимоии давлат ва ҷомеа, дигаргун намудани сохти конститутсионии кишвар, маҳв кардани арзишҳои умумибашарӣ ва урфу одатҳои миллӣ буда, баҳри расидан ба мақсадҳои ниҳоӣ дар зери ниқоби дини мубини Ислом ба ҷиноятҳои вазнин ва махсусан вазнин даст мезананд.
Ҳол он ки дини мубини Ислом ҳаргиз мусулмононро ба содир кардани ҷиноят нисбат ба инсон ҳидоят накардааст. Ислом покизагӣ, росткорӣ ва ростгӯиро талаб менамояд.
Солҳои охир ба созмонҳои террористию экстремистӣ пайвастан ва ё гаравидани сокинони кишвар, бавижа, ҷавонон ба мушоҳида расида, рафтани онҳо ҷиҳати иштирок дар муноқишаҳои мусаллаҳона ба ҷумҳуриҳои Исломии Покистон, Афғонистон, кишварҳои Сурия ва Ироқ ба қайд гирифта мешаванд, ки ташвиши аҳли ҷомеаро ба бор оварда, воқеан, ба амнияти миллӣ ва ояндасозии кишвар таҳдид мекунад.
Мақомоти прокуратураи вилояти Суғд дар ҳамкорӣ бо дигар мақомоти ҳифзи ҳуқуқ ба хотири ба эътидол овардани вазъи ҷамъиятию сиёсӣ, пешгирӣ ва мубориза бар зидди экстремизм ва терроризм, шомилшавии шаҳрвандон ба иттиҳодияҳои ифротгаро ва таъмини амнияти давлат, ҳимояи ҳуқуқу озодиҳои инсон ва шаҳрванд дар шаҳру ноҳияҳо 891 вохӯриву суҳбат доир намуд. Мутаассифона, сарфи назар аз фаъолияти мақомоти ҳифзи ҳуқуқ ҳамоно ҷиноятҳои террористӣ ва экстремистӣ тамоили афзуншавӣ пайдо карда, боиси нигаронии роҳбарияти кишвар ва аҳли ҷомеа мешавад.
Таҳлил нишон дод, ки дар давоми соли 2014 ва нимаи аввали соли равон аз ҷониби мақомоти ҳифзи ҳуқуқи вилоят нисбат ба 288 нафар барои иштирок дар фаъолияти иттиҳодияҳои ҷиноятӣ 122 парвандаи ҷиноятӣ оғоз ва тафтиш карда шуда, аз он 47 адад парванда нисбат ба 169 нафар ба суд фиристода шуд. Онҳо сокинони шаҳру ноҳияҳои Исфара, Бобоҷон Ғафуров, Конибодом, Истаравшан, Хуҷанд, Спитамен, Панҷакент, Ашт, Чкалов, Мастчоҳ, Ҷаббор Расулов, Ғончӣ, Зафаробод, инчунин, ноҳияи Шаҳринав ва вилояти Хатлон мебошанд. Аксарияти шаҳрвандони ба ҳизбу ҳаракатҳои ифротгаро шомилшуда дорои маълумоти миёна ё миёнаи нопурра буда, саводи зарурии замонавӣ низ надоранд. Онҳо аз таълимоти динӣ бархӯрдор нестанд ва аксарияташон ҷавонони аз 18 то 30 - сола мебошанд.
Боиси таассуф аст, ки ташкилотҳои экстремистию террористӣ на танҳо ҷавонон, балки занону духтаронро низ ба доми фиреб кашидаанд. Чунончи, Ш. З. Мамадшехова, сокини ноҳияи Спитамен, шаҳраки Нов, аввалҳои соли 2014 ба муҳоҷирати меҳнатӣ ба Федератсияи Русия сафар карда, ба иттиҳоди ҷиноятии “Ансоруллоҳ” шомил гардид ва ҳамроҳи 2 нафар фарзандаш ба Ҷумҳурии Исломии Афғонистон, барои иштирок дар задухӯрдҳои мусаллаҳона рафтааст.
Ҳолатҳое ошкор гардиданд, ки бархе аз волидон ба ҷои таълиму тарбия додан фарзандони худро ба муноқишаҳои мусаллаҳонаи давлатҳои хориҷӣ равон намудаанд. Аз ҷумла, Т. А. Саидов, сокини деҳаи Камартоши шаҳри Панҷакент, ба “Ҳизб-ут-таҳрир” шомил гардида, фарзанди хеш М. Т. Саидовро барои иштирок дар задухӯрдҳои мусаллаҳонаи Сурия ҷалб намудааст. Номбурда аз ҷониби мақомоти ҳифзи ҳуқуқ дастгир шуда, нисбаташ парвандаи ҷиноятӣ оғоз гардиду бо ҳукми Суди шаҳри Панҷакент аз 11 феврали соли 2015 ба муҳлати 12 солу 6 моҳ аз озодӣ маҳрум гашт.
Бояд таъкид кард, ки дар натиҷаи аз ҷониби мақомоти ҳифзи ҳуқуқи вилоят андешидани чораҳои дахлдор, дар давоми соли 2014 ва 6 моҳи соли равон 10 нафар шаҳрванди ба ҳизбу ҳаракатҳои ифротгаро шомилбуда ихтиёран ба мақомоти ҳифзи ҳуқуқ ҳозир шуда, дар ин бора иттилоъ доданд ва нисбат ба онҳо парвандаҳои ҷиноятӣ қатъ гардиданд. Маврид ба зикр аст, ки қонунгузор шахсро дар ҳолати ихтиёран ба Ватан баргаштану бо мақомоти ҳифзи ҳуқуқ ҳамкорӣ кардан ва дар сурати ҷинояти дигар содир накардан аз ҷавобгарии ҷиноӣ озод менамояд.
Яке аз омилҳои пешгирии гаравидани шаҳрвандон ба ҳизбу ҳаракатҳои экстремистӣ роҳ надодан ба таҳсили ғайрирасмии ҷавонон дар муассисаҳои динии хориҷи кишвар ва баланд бардоштани масъулияти падару модарон дар таълиму тарбияи фарзанд ба ҳисоб меравад. Чунки яке аз сабабҳои шомил шудани ҷавонон ба иттиҳодияи ҷиноятӣ дар муҳити носолим тарбия ёфтан, аз ҷониби падару модарон ва шахсони онҳоро ивазкунанда фароҳам наовардани шароитҳои зарурии моддӣ, молиявӣ, маънавӣ ва рӯҳӣ, заифии таълиму тарбия дар муассисаҳои таълимии алоҳида мебошад.
Дар радифи сабабҳои дохилӣ, инчунин, омилҳои беруна низ бетаъсир нестанд, ки инҳо намоиши филмҳои дорои хусусияти террористӣ ва экстремистидошта, паҳнкунии ғояҳои ифротгароӣ тавассути шабакаи ҷаҳонии интернет мебошанд. Таҳлили сабабу шароитҳои ба ин ҳолатҳо мусоидаткунанда нишон дод, ки паст будани савияи дониши ҷавонон, аз нигоҳи мафкуравӣ, ҳуқуқӣ, фарҳангӣ ва динӣ тайёр набудани онҳо ба муҳоҷирати меҳнатӣ, майлу хоҳиши ба даст овардани маблағи муфт, ки онро пайравони гурӯҳҳои тундрав ваъда мекунанд, боиси фирефта шудани онҳо аз тарафи намояндагони ҳизбу ҳаракатҳои ифротгаро ва шомил гардиданашон ба ин ҳизбу ҳаракатҳо гардидааст. Аз ин рӯ, бояд тадбирҳои судманд андешем, ки дар қатори кормандони мақомоти ҳифзи ҳуқуқ тамоми қувваҳои солими ҷомеа ва ҳар як фарди ватандӯсту соҳибмаърифат ба муқобили ин зуҳуроти хатарнок мубориза барад.
Баҳри ошкор, пешгирӣ ва пурзӯр намудани мубориза бо зуҳуроти экстремистиву террористӣ 28 июли соли равон ҷаласаи Шӯрои ҳамоҳангсозии мақомоти ҳифзи ҳуқуқи вилояти Суғд баргузор гардид. Дар асоси таклифу пешниҳоди аъзои он ва бо назардошти таклифҳои аҳли ҷамоатчигии вилояти Суғд Барномаи муқовимат бо зуҳуроти экстремизми динӣ ва терроризм дар вилояти Суғд барои солҳои 2015-2019 қабул гардид, ки бар асоси он пешгирии шомилшавии ҷавонон ба ҳизбу ҳаракатҳои экстремистӣ яке аз вазифаҳои асосӣ маҳсуб меёбад.
Умуман, вазъияти баамаломада талаб мекунад, ки зиракии сиёсиро аз даст надода, дар ҳамкорӣ баҳри пешгирӣ намудани шомилшавии шаҳрвандон ба иттиҳодияҳои ифротгаро, иштироки онҳо дар задухӯрдҳои мусаллаҳонаи дигар давлатҳо фаъолиятро боз ҳам ҷоннок намуда, баҳри таъмини сулҳу субот ва истиқлолияти Ватани азизамон, оромиву ободии кишвар ва рӯзгори босаодати шаҳрвандон тамоми имкониятҳоро ба харҷ диҳем.

Ҳабибулло ВОҲИДОВ,
прокурори вилояти Суғд,
мушовири давлатии адлияи дараҷаи 3


Баёни ақида (0)    Санаи нашр: 14.08.2015    №: 165    Мутолиа карданд: 879

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед