logo

ҳуқуқ

«МЕХОҲАМ МОЛИКИ ХОНАИ МЕРОСИИ МОДАРАМ БОШАМ»

Ба идораи рӯзнома мӯйсафеди нуроние, ки рангу рӯяш хеле коҳида буд, ворид шуд ва худро Шарофуддин Шарифов муаррифӣ кард. Ба гуфтаи ӯ, вай соли 1941 дар ноҳияи Ғарм таваллуд ёфта, баъди заминҷунбии соли 1949 бо модараш Сайлӣ Қиёмова ба деҳаи Қадиҷӯйбори Ҷамоати деҳоти Сабо, ноҳияи Шаҳринав, ҳамчун муҳоҷир омадаанд.

Шарофуддин ҳанӯз кӯдак буд, ки аз падар маҳрум шуд. Ба ӯ ва модараш 0,15 га замини наздиҳавлӣ доданд. Онҳо бо дастгирии амакаш Абдураҳим Каримов, ки ҳоло синнаш ба 86 расидааст, соли 1953 хона сохтанд. Модараш соли 1957 бемор шуд ва додараш Борон Юсуфовро даъват кард. Вай дар паҳлуи хонаи онҳо соли 1959 барои худ хона сохт. Амакаш Абдураҳим ба ин кор муқобил буд. Ба Борон гуфт, ки ба колхоз даромада кор кунад, ба ӯ замин медиҳанд. Ва таъкид кард, ки мабодо ҷияни ятимамро аз хонааш маҳрум накунӣ?
- Гуфтаи амакам шуд, - маҳзунона иброз дошт Шарофуддин. - Соли 1961 модарам аз дунё гузашт. Пас аз вафоташ ба омӯзишгоҳи № 11-и Чиптураи ноҳияи Шаҳринав дохил шуда, онро соли 1964 хатм кардам. Бо роҳхати омӯзишгоҳ ду сол кор карда, ба деҳа баргаштам. Вале тағоям маро ба хона роҳ надод. 23 феврали соли 1966 ба суди ноҳияи Ҳисор муроҷиат кардам. Намояндагони Ҷамоати деҳоти Шаҳринав хонаро байни ману тағоям - Борон Юсуфов ду тақсим карданд. Тайи ду сол дар ин ҷо мушкилоти сангинеро аз сар гузарондам. Дар ҳар куҷое, ки рост меомад, шабамро рӯз мекардам. Касеро парвои ман набуд. Бинобар ин, боз ба Душанбе баргашта, то синни нафақа, яъне, соли 2010 кору фаъолият доштам. Азбаски дар як хона (26 метри мураббаъ) ману ҳамсарам ва се писарам истиқомат мекунем, зиндагӣ рӯз ба рӯз бароям мушкил гардид. Аз ин рӯ, хостам хонаи меросии модарамро, ки вориси ягонааш мебошам, ба даст орам. Бо маслиҳати амакам ба мақомоти иҷроияи маҳаллии ҳокимияти давлатии ноҳия муроҷиат кардам, ки бароям қитъаи замини наздиҳавлӣ диҳанд.
Собиқ раиси ноҳия аризаамро барои қонеъ кардан ба Ҷамоати деҳоти Сабо фиристод. Соли 2003 Қурбоналӣ Гулов, иҷрокунандаи вазифаи раиси Ҷамоати деҳоти Сабо, гуфт, ки ба шумо замин дода наметавонем, зеро хонаи меросӣ доред. Айни замон хешовандони наздикатон дар он ҳавлӣ зиндагӣ доранд. Мо бояд ба онҳо бо иштироки шоҳидон фаҳмонда диҳем, ки ба шумо хона харида диҳанд ё дар як гӯшаи замин бароятон хона созанд.
Ӯ, бародарон Ғафур ва Додарбек Юсуфовҳоро ба идорааш даъват карда, як ҳафта муҳлат дод, то ба хулосае оянд. Баъди як ҳафта раиси ҷамоат Қ. Гулов сертификати ҳуқуқи истифодаи заминро ба ман нишон дода, гуфт, ки ин масъаларо фақат суд ҳал мекунад.
Ман аз оғози соли 2011 се маротиба бо роҳи созиш ва мусолаҳа бо миёнравии Музаффар Додобоев - роҳбари дастгоҳи раиси ноҳия, марҳум Ҷумъа Пирумов ва Хуҷамурод Аминов, сархатиби масҷиди ҷомеи ноҳия, бо бародарон Юсуфовҳо масъалаи даъвои мероси манзили модарамро муҳокима карда будем. Бори охир 27 июли соли 2011 Додарбек Юсуфов маро таҳқир карда, иброз дошт, ки ба ин ҳавлӣ ҳақ надорӣ. Кас ҳайрон мешавад, ки чӣ тавр раиси ноҳия ба онҳо дар байни баҳс сертификати № 11457, аз 3 марти соли 2012, дар бораи истифодаи замини наздиҳавлигиро додааст?
Назар ба гуфти ӯ, судяи суди ноҳияи Шаҳринав Р. Таваралиев 14 майи соли 2014 парвандаи гражданиро бо даъвои Шарофуддин Шарифов нисбат ба Ғафур Юсуфов ва Додарбек Юсуфов оид ба эътирофи ҳуқуқи моликии марҳум Сайлӣ Қиёмова баррасӣ кард. Ҳарчанд даъвогар гувоҳномаро аз филиали Бойгонии марказии Ҷумҳурии Тоҷикистон дар шаҳраки Ҳисор, № 6331, аз 13 сентябри соли 2011, оид ба он ки дар китоби хоҷагидории суратҳисоби № 215, 392, 1378 деҳаи Қадиҷӯйбор, совети қишлоқи Шаҳринав, ноҳияи Ҳисор Қиёмова Сайлӣ солҳои 1955-1957 сардори оила гузаштааст, гирифта ба суд пешниҳод намуд, судя онро ба эътибор нагирифт ва даъвояшро рад кард. Баъд ба Суди Олӣ шикояти кассатсионӣ навишт. Дар Суди Олӣ Л. Хоҷаева, С. Тошов ва М. Ҷӯраева, 2 июли соли 2014, дар 10 - 12 дақиқа шикояташро баррасӣ карда, ҳатто ба ӯ имкони сухан гуфтан надоданд ва ҳалномаи суди ноҳияи Шаҳринавро бетағйир мононданд.
- Бояд зикр кард, ки суди ноҳияи Шаҳринав ҳалномаро ба талаботи моддаҳои 221, 256, 258 Кодекси граждании Ҷумҳурии Тоҷикистон мутобиқ намуда, менависад, ки муҳлати даъво гузаштааст. Ҳол он ки мувофиқи моддаи 232 банди 5 ҳамин кодекс мерос муҳлат надорад. «Мехоҳам адолати судӣ барқарор гардаду молики хонаи меросии модарам бошам», - мегӯяд Шарофуддин Шарифов.

Мунаввари САФАР,
 «Ҷумҳурият»


Баёни ақида (0)    Санаи нашр: 18.08.2015    №: 167    Мутолиа карданд: 712

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед