logo

ҳуқуқ

АЗ ТАШАББУС ТО ТАҲАММУЛ

Таърихи бисёрҳазорсолаи халқамон бозгӯи он аст, ки тоҷикон ҳамчун миллати қадим ва соҳибтамаддун на як бору ду бор дар давраҳои гуногуни рушду инкишофи сиёсию маънавии хеш соҳиби давлати миллӣ гаштаанд. Озодию истиқлолият бошад, дар тӯли таърих одатан ба миллатҳое насиб гаштааст, ки ба тақдири имрӯзу ояндаи хеш бетафовут набуданд ва дар ҳассостарин лаҳзаҳо дилпурона гомҳои устувор монда, давра ба давра ба саодату  рифоҳ ва якдиливу ягонагӣ расидаанд.

Ҳаводиси пурталотуми солҳои навадуми  қарни  гузашта, ки мардуми тоҷикро ба ду сангар кашид, боз як бори дигар  ин миллатро  ҳушдор дод, ки  танҳо дар сарҷамъию ягонагӣ  ва ваҳдату  якдигарфаҳмӣ  орзуву омоли  бисёрасраи  аҷдодони худро  пиёда намуда, ба Истиқлолияти комил  метавон расид. Аз ин хотир, вақте ки мо аз омилҳои дастёбӣ ба Истиқлолияти давлатӣ ҳарф мезанем, пеш аз ҳама, бояд роҳи пурмашаққати  расидан  ба ваҳдати миллиро  пайгирӣ  намуда, ба он баҳои воқеӣ диҳем. Зеро бо оғози  солҳои навадум  тоҷикон аз тарафкашиҳои сиёсӣ  бехабар монданд ва ин парокандагиҳо  хавфи ҷиддии  аз байн  рафтани  давлати тоҷиконро ба вуҷуд  оварда  буданд. Маҳз  қадамҳои ҷиддӣ ва устуворонаи ҷавонмардони миллат таҳти сарварии сиёсатмадори  ҷавон Эмомалӣ Раҳмон пеши роҳи ин тарафкашиҳоро гирифта,  мардуми  минтақаҳои гуногунро боз ба ҳам овард. Расидан ба ин роҳи созандагию бунёдкорӣ кори осон набуд.
5 - уми апрели соли 1994, вақте дар шаҳри Маскав бо миёнравии Созмони Милали Муттаҳид нахустин вохӯрии ҳайати ҳукуматӣ бо намояндагони мухолифин барпо гашт, маҳз аз ҷониби Сарвари давлат  Эмомалӣ Раҳмон бо мақсади барқарорсозии сулҳ дар кишвар ба қатъи амалиётҳои ҳарбӣ дар сарҳади Тоҷикистону Афғонистон ва ҳалли мушкилоти гурезагон хишти аввал гузошта шуд. Пеш аз парвоз ба пойтахти Русия Эмомалӣ Раҳмон  ба ҳайати ҳукуматӣ гуфта буд:   «Мо бояд аз ёд набарорем, ки дар ин мулоқот тақдири Ватан, миллат ва кулли тоҷикистониҳо ҳал мегардад ва мо барои имрӯзу ояндаи миллат ҷавобгарем, аз ин рӯ бояд сулҳу осоишро ҳатман ба даст оварем!».
Танҳо ба шарофати сабру таҳаммул ва талошу кӯшишҳои пайвастаи Президенти Ҷумҳурии Тоҷикистон Эмомалӣ Раҳмон муяссар шуд, ки 27 июни соли 1997 дар Маскав Созишномаи умумии истиқрори сулҳ ва ризоияти миллӣ ба тасвиб расад. Дар амал татбиқ гардидани созишнома ба зиддияту нобоварӣ нуқтаи охирин гузошта, роҳи минбаъдаи пешрафти Ватани соҳибистиқлоламонро  муайян намуд.
Ҳаждаҳ соли сипаригаштаи Ваҳдати миллӣ шояд дар назди таърих лаҳзае беш набошад, вале барои мо муҳимаш он аст, ки ваҳдат чӣ неруеро тавлид кардааст. Бо итминони комил метавон гуфт, ки ба шарофати ваҳдат тӯли ин солҳо дар замири халқи мо бунёдкорӣ, созандагӣ ва офарандагӣ маъво гирифт.
Ваҳдати миллӣ дар баробари озодию истиқлолият ва сулҳ чун ғояи умумимиллӣ азизу муътабар буда,  дар тафаккури миллии мардуми мо нақши қутбнамо ва омили муҳими мувозинатбахши сиёсати давлатиро ба иҷро мерасонад. Ваҳдату ҳамзистӣ, таҳаммулгароӣ  барои миллат ғояҳои нав нестанд. Ин андешаҳо дар таърихи тамаддуни мо ҳамеша  вуҷуд доштанд, аммо амалӣ карданашон ба ягон шоҳеву амире муяссар нашуда буд. Танҳо имрӯз, ба шарофати Истиқлолияти давлатӣ ваҳдати миллӣ  аз андешаву орзу ба амалияи рӯзмарра мубаддал гардид. Яъне, ҳамдигарфаҳмию таҳаммулпазирӣ  дар давлатдории миллӣ муҳимтар аз ҳама чизи дигар аст.
Мавлоно Ҷалолиддини Балхӣ, кашшофи назарияи ваҳдати умумиинсонӣ, худро «на тарсову яҳуд, на габру мусулмон, на шарқиву ғарбӣ, на улвиву сифлӣ», балки инсони ҳамагонӣ ҳисобида буд. Ин назария метавонад моро дар рӯҳияи таҳаммулгароӣ  ва фарҳангофарӣ тарбия намояд.
Яъне, эҳсосоти воқеии динӣ тақозо мекунад, ки мо нисбат ба дину тамаддунҳо таҳаммулпазир бошем. Ҳамин тавр, сулҳ, ваҳдати миллӣ ва Истиқлолияти давлатӣ ин се ҷузъи ҷудонопазири  ҳаёти сиёсии Тоҷикистон имрӯз неруи бузурги созандае ҳастанд, ки ояндаи Тоҷикистонро равшан хоҳанд кард.  

Меҳрангез ҒОИБОВА,
корманди Шӯрои адлияи
Ҷумҳурии Тоҷикистон


Баёни ақида (0)    Санаи нашр: 16.09.2015    №: 187    Мутолиа карданд: 597

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед