logo

мулоқотҳо

Президенти Тоҷикистон бо медали тиллои ЮНЕСКО қадр гардид

5 май Президенти Ҷумҳурии Тоҷикистон Эмомалӣ Раҳмон Директори генералии ЮНЕСКО Коичиро Матсуураро ба ҳузур пазируфт.
Коичиро Матсуура ба Сардори давлати Тоҷикистон Эмомалӣ Раҳмон ба нишони қадрдонӣ аз саҳми намоёну фаъолияти пурмаҳсулаш дар густариши ҳамкории миёни Тоҷикистону ЮНЕСКО медали тиллои ЮНЕСКО–ро, ки барои арҷгузорӣ ба Мавлоно Ҷалолиддини Балхӣ (Румӣ) ба наздикӣ таъсис ёфтааст, тақдим намуд.

Президенти Ҷумҳурии Тоҷикистон Эмомалӣ Раҳмон ба ЮНЕСКО ва шахсан ба Директори генералии он Коичиро Матсуура баҳри чунин қадрдонии баланд ва ҳамчунин дастгирии намоён аз тарғибу ташвиқи осори гаронарзиши таъриху фарҳанги бостонии миллати тоҷик дар арсаи ҷаҳонӣ арзи сипос кард.
Ба ҳамкории Тоҷикистону ЮНЕСКО дар ҳаллу фасли масоили глобалии вобаста ба об баҳои баланд дода шуд.
Коичиро Матсуура изҳор дошт, ки ЮНЕСКО минбаъд низ дар татбиқи лоиҳаю барномаҳои вобаста ба оби Тоҷикистон кӯмаки худро дареғ намедорад, аз ҷумла дар ташкил ва гузарондани вохӯрии минтақавӣ оид ба истифодаи оби кӯли Сарез, ки моҳи сентябри соли равон бояд баргузор гардад ва ҳамчунин дар омодасозии конфронси байналмилалӣ оид ба натиҷагирӣ аз нимаи якуми даҳсолаи «Об барои ҳаёт», ки соли оянда дар шаҳри Душанбе гузаронда хоҳад шуд.
Мусоҳибон оид ба ҳифз, тарғибу ташвиқ ва ба ҷаҳониён боз ҳам бештар муаррифӣ кардани осори бебаҳои таъриху фарҳанги  Тоҷикистон ва миллати тоҷик гуфтугӯи судманд анҷом доданд.
Директори генералии ЮНЕСКО Коичиро Матсуура ба Президенти Ҷумҳурии Тоҷикистон    Эмомалӣ Раҳмон бо боварии комил изҳор дошт, ки баҳри ба номгӯи ёдгориҳои ҷаҳонии ЮНЕСКО ворид намудани осори таърихии Тоҷикистон, аз ҷумла Саразм, Боғи миллии Тоҷикистон, ибодатгоҳи буддоии Аҷинатеппа, шаҳристонҳои Ҳулбук, Панҷакенти қадим, Тахти Сангин, қалъаҳои Ҳисору  Ямчун, мадрасаи Хоҷа Машҳад ва ғайра корҳои намоён ба сомон мерасанд.
Таъкид гардид, ки тибқи нақшаҳо ба наздикӣ шаҳристони Саразм ва Боғи миллии Тоҷикистон бояд ба ин феҳрист ҳамроҳ карда шаванд.
Эмомалӣ Раҳмон ва Коичиро Матсуура ҳамчунин аз ҳамкории Тоҷикистону ЮНЕСКО дар чаҳорчӯби барномаҳои «Иштироки ЮНЕСКО», «Маориф барои ҳама» ва «Маориф барои калонсолон» изҳори қаноатмандӣ карданд.
Ба натиҷаҳои ҳамкории ЮНЕСКО бо Кумита оид ба ахлоқи биологӣ, ки дар назди Академияи илмҳои Тоҷикистон фаъолият мекунад, баҳои баланд дода шуд.
Зикр гардид, ки масъалаи ба номгӯи санаҳои идонаи ЮНЕСКО  ҳамроҳ намудани 100-солагии шоири шаҳири тоҷик ва тарғибгари бебаҳои фарҳанги сулҳ дар ҷаҳон Мирзо Турсунзода ба рӯзномаи Конфронси генералии 35 – уми ЮНЕСКО ворид шудааст.
Эмомалӣ Раҳмон ва  Коичиро Матсуура ҳавасмандии Тоҷикистону ЮНЕСКО –ро баҳри таҳкиму густариши минбаъдаи ҳамкорӣ бори дигар таъкид намуданд.

www.president.tj

* * *
Коичиро Матсуура, Директори генералии ЮНЕСКО, пас аз мулоқот бо Эмомалӣ Раҳмон, Президенти Ҷумҳурии Тоҷикистон,   андешаҳояшро ба намояндагони ВАО чунин баён кард:
-Дар мулоқот бо Ҷаноби Олӣ, Сардори давлати Тоҷикистон, воқеан ин вохӯрии ҳаштуми мо аст, асосан дар атрофи масоили мубрами вобаста ба таҳким ва густариши муносибатҳои мутақобилан судманди Тоҷикистону ЮНЕСКО мубодилаи афкор сурат гирифт. Ёдрас гардид, ки сафари Ҷаноби Олӣ ба Париж, ҷиҳати иштирок дар Рӯзҳои фарҳанги Тоҷикистон дар ЮНЕСКО, моҳи октябри соли 2005, ифтитоҳи сафоратхона дар Шоҳигарии Белгия ва таъини намояндаи доимии кишвари шумо дар ЮНЕСКО ба рушди муносибатҳои дуҷониба такони ҷиддӣ бахшиданд. Тавре ки Ҷаноби Олӣ иттилоъ доданд, соли 2010 Ҷумҳурии Тоҷикистон дар Фаронса сафорати худро ифтитоҳ хоҳад кард. Ин иқдом аз ҷониби мо бо гармӣ истиқбол шуд.
Директори минтақавии ЮНЕСКО тазаккур дод, ки бо Сардори давлати Тоҷикистон дар бораи ба ҷаҳониён боз ҳам бештар муаррифӣ кардани  осори пурғановату бебаҳои таъриху фарҳанги халқи тоҷик гуфтугӯи судманд анҷом додааст. Аз ҷумла мувофиқи нақшаи ЮНЕСКО шаҳристони Саразм ва Боғи миллии Тоҷикистон бояд ба феҳристи ягонаи ёдгориҳои ҷаҳонии созмони мазкур ҳамроҳ карда шаванд. Зикр гардид, ки ин масъала айни замон мавриди омӯзиш ва баррасии комиссияи вижаи ЮНЕСКО қарор дорад ва тасмими  ниҳоии он соли 2010 ба тасвиб хоҳад расид.
Дар мулоқот инчунин рафти татбиқи лоиҳаҳои вобаста ба об мавриди таваҷҷӯҳи мо қарор гирифт. Ман дар робита ба нақши босазо ва дар сатҳи байналмилалӣ эътирофшудаи ҷаноби Президент баҳои баланд дода гуфтам, ки роҳбарияти ЮНЕСКО ният дорад моҳи сентябри соли равон дар шаҳри Душанбе оид ба истифодаи оби кӯли Сарез мулоқоти минтақавӣ доир созад. Ҷаноби Олӣ иқдоми моро саривақтӣ ва хеле муҳим арзёбӣ намуда, гуфтанд, ки соли оянда дар пойтахти кишвар оид ба натиҷагирӣ аз нимаи якуми Даҳсолаи байналмилалии амалиёти «Об барои ҳаёт» доир намудани конфронси байналмилалӣ дар назар аст.  ЮНЕСКО барои ҳалли масоили глобалии вобаста ба об, аз ҷумла амалӣ гаштани ин иқдоми Ҳукумати Ҷумҳурии Тоҷикистон ёрии худро дареғ намедорад.

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 557

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед