logo

суханрониҳо

Суханронии Эмомалӣ Раҳмон, Сарвари давлати Тоҷикистон, дар чорабинии сатҳи баланди «Аз Ҳадафҳои Рушди Ҳазорсола то Ҳадафҳои Рушди Устувор дар минтақаи Осиёву уқёнуси Ором», Иёлоти Муттаҳидаи Амрико, Ню-Йорк, 29 сентябри соли 2015

Муҳтарам муовини Дабири кулл ва котиби иҷроияи ЭСКАТО.
Хонумҳо ва ҷанобон!
Ҳоло мо дар марҳалаи бисёр муҳими таърихӣ қарор дорем, ки тақдири наслҳои оянда ба қарорҳои мо марбут аст. Ба кишварҳои минтақаи мо, алалхусус мамлакатҳои аз ҳама камтар рушдёфта, кишварҳои рӯ ба инкишофи маҳсур дар хушкӣ ва давлатҳои хурди ҷазиравӣ хатарҳои умумӣ таҳдид мекунанд ва онҳо афзалиятҳои яксон доранд, ки ҳаллу фасли ин мушкилот ва татбиқи ин авлавиятҳо фаъолияти таъҷилӣ ва қотеонаи моро ҳам дар сатҳи миллӣ ва ҳам дар сатҳи минтақавӣ тақозо дорад.
Тоҷикистон, ки дар амри татбиқи Ҳадафҳои Рушди Ҳазорсола кишвари пилотӣ буд, дар ҳамкорӣ бо Барномаи рушди Созмони Милал Стратегияи миллии рушдро то соли 2015 таҳия намуд, ки он дар амалияи танзими раванди тараққиёти кишвар барои дурнамои дарозмуҳлат тибқи Ҳадафҳои Рушд нақши бузург бозид. Дар он афзалияту самтҳои асосии сиёсати давлат дар масъалаи ноил шудан ба рушди устувори иқтисодӣ, таъмин намудани дастрасии аҳолӣ ба хизматрасониҳои асосии иҷтимоӣ ва коҳиш додани камбизоатӣ муайян шуда буданд. Дар натиҷаи чораҳои андешидашуда оид ба таъмини рушди иқтисодӣ солҳои охир ба таври назаррас коҳиш додани сатҳи камбизоатӣ дар кишвар муяссар гардид.
Бо дарназардошти таҷрибаи ҳангоми татбиқи стратегияҳои коҳиш додани камбизоатӣ бадастомада Стратегияи боло бурдани сатҳи некуаҳволии аҳолии Тоҷикистон барои давраи солҳои 2013-2015 ба тасдиқ расид ва татбиқ гардид. Тибқи стратегияи зикршуда ҷиҳати такмили идораи давлатӣ ва таъмин намудани рушди иқтисодӣ дар асоси инкишофи бахши хусусӣ ва ҳавасмандгардонии сармоягузорӣ, беҳтар намудани сифати таълим, тавсеа бахшидани дастёбӣ ба хизматрасонии босифати тиббӣ, оби ошомиданӣ ва беҳдошт, инчунин таъмини баробарии гендерӣ чораҳо андешида шуданд.
Мо ба раванди такмили стратегияҳои пешина ва таҳияи Барномаи нави рушди устувори кишвар барои давраи баъд аз соли 2015 таваҷҷуҳи ҷиддӣ медиҳем. Аз ин рӯ, Ҷумҳурии Тоҷикистон дар раванди таҳияву ҳамоҳангсозии рӯзномаи рушди глобалӣ барои давраи баъд аз соли 2015 ба муколамаи умумиҷаҳонӣ саҳм гузошта, як силсила машваратҳои миллиеро доир намуд, ки ҳадафи онҳо инъикоси ормонҳои табақаҳои васеи аҳолии кишвар нисбат ба ояндаашон буд. Ҳоло Ҳукумати Ҷумҳурии Тоҷикистон бо ҳамкории Барномаи рушди Созмони Милал Барномаи рушди миллии миёнамуҳлатро барои давраи солҳои 2016-2020 ва Стратегияи нави миллии рушди кишварро то соли 2030 таҳия менамояд, ки ҳангоми таснифи онҳо ғайр аз самтҳои афзалиятноки рушди устувор ва дарозмуддати кишвар вазифаҳои дар чаҳорчӯбаи Ҳадафҳои Рушди Устувор муайянгардида ҳарчи зиёдтар ба назари эътибор гирифта хоҳанд шуд.
Набудани имконияти баромад ба баҳр имконияти ҳамгироии кишварҳои рӯ ба инкишофи маҳсур дар хушкиро бо низоми бисёрҷонибаи тиҷорат душвор гардонида, ба дигар ҷанбаҳои рушди устувор таъсири манфӣ дорад. Аз ин рӯ, мо ҷонибдори ба кишварҳои рӯ ба инкишофи маҳсур дар хушкӣ додани авлавият ва афзалияти зиёдтарин дар низоми тиҷорат ҳастем. Махсусан муҳим мешуморем, ки дар иртибототи нақлиётиву коммуникатсионӣ ҳама гуна монеаҳои беасос ва сунъӣ, ки онҳо ба танзиму таҳкими ҳамкориву шарикӣ мусоидат намекунанд, аз байн бардошта шаванд.
Дар робита ба ин, мо ба ҳамкориҳои минтақавӣ дар чунин бахшҳо мисли рушди инфрасохтор, татбиқи лоиҳаҳои роҳи оҳану автомобилгард, хатҳои интиқоли барқу лӯлаи газ таваҷҷуҳи хоса медиҳем.
Дар ин росто, аз бунбасти коммуникатсионӣ раҳоӣ бахшидани кишвар ба ҳайси яке аз вазифаҳои стратегӣ дар ҳама санадҳои барномавии марбут ба рушди миллӣ инъикос ёфтааст. Ҷумҳурии Тоҷикистон ба бунёд ва тавсеаи шабакаҳои роҳҳои автомобилгарди дохилидавлатӣ, ки моро бо нуқтаҳои асосии нақлиётиву коммуникатсионии минтақавӣ ва байналхалқӣ мепайванданд, фаъолона машғул аст. Як теъдод лоиҳаҳои роҳи оҳан, хатҳои интиқоли барқ ва лӯлаҳои газ, ки ба мо имконияти пайвастшавӣ бо инфрасохтори марбутаи Чин, Афғонистон, Эрон, Туркманистон ва дигар кишварҳои минтақаро медиҳанд, дар ҳолати омодасозӣ ё баррасӣ қарор доранд.
Мо чунин мешуморем, ки татбиқи муваффақонаи ҳадафҳои муайянгардида сафарбар намудани ҳамаи василаҳои заруриро тақозо мекунад, ки ин кор дар шароити таҳаввулоти зудтағйир дар муносиботи байналмилалӣ ва ба миён омадани буҳронҳои нав ба нав дар манотиқи мухталифи дунё кори басо душвор аст.
Аз ин рӯ, зарурати афзоиши ҳаҷми кумакҳои расмӣ ҷиҳати инкишоф ба миён меояд, ки он унсури муҳими бо маблағ таъмин намудани рушд аст.
Чунин вазъ рушди босуръати тиҷорат ва сармоягузориро талаб мекунад, ки онҳо ҳамчун муҳаррикони асосии афзоиши истеҳсолот, мусоидату ҳавасмандгардонии интиқоли технологияҳои наву аз лиҳози экологӣ устувор амал мекунанд.
Дар хотимаи сухан бори дигар таъкид карданӣ ҳастам, ки Тоҷикистон минбаъд низ бо тамоми кишварҳои минтақа ва муассисаву барномаҳои Созмони Милал дар амри татбиқи муваффақонаи Ҳадафҳои Рушди Устувор фаъолона ҳамкорӣ хоҳад кард.
Аз таваҷҷуҳатон сипосгузорам.


Баёни ақида (0)    Санаи нашр: 1.10.2015    №: 197    Мутолиа карданд: 787

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед