logo

ҳуқуқ

СУҒД. НИКОҲИ ХЕШУТАБОРӢ- МАСЪАЛАИ ДОҒИ РӮЗ

Соли равон мутобиқ ба иттилои расмӣ теъдоди умумии кӯдакон ва наврасони маъюби то 18 - сола дар қаламрави вилоят 7 ҳазору 205 нафарро ташкил медиҳад, ки аз ин миқдор 1 ҳазору 515 нафар аз никоҳи хешутаборӣ таваллуд шудааст ва мутаассифона,  пасомадҳои нохушу хатарноки онро то имрӯз  аҳолӣ дарк накардааст. Президенти мамлакат Эмомалӣ Раҳмон дар Паёми имсолаи худ ба Маҷлиси Олии Ҷумҳурии Тоҷикистон ба ин масъала рӯ оварда, таъкид дошт, ки «… пешгирӣ намудани никоҳи байни хешовандони наздикро якҷо бо мардум ва ҷомеаи шаҳрвандӣ ҳаматарафа омӯхта, ба Ҳукумат таклиф пешниҳод намоянд. Зеро ин масъала барои хушбахтии оилаҳои ҷавон бисёр муҳим аст».
Бо вуҷуди ин никоҳи хешон ҳанӯз бисёр  ба мушоҳида мерасад. Ҳафтае қабл ду бародар дар Хуҷанд бо ҳам қудо шуд. Зеро яке намехост боигариаш ба дасти бегона афтад, ба ибораи худашон: «девор афтад, дарун афтад». Аммо онҳо аз ояндаи набераи худ парвое надоштанд.
- Ин дар ҳолест, ки - мегӯяд Индира Акмалхоҷаева, сардори шуъбаи раёсати тандурустии вилояти Суғд оид ба хизматрасонии тиббӣ ба модару кӯдак, - дар натиҷаи никоҳи хешутаборӣ тавлиди кӯдакони дорои нуқсонҳои модарзодӣ бештар ба назар расида, дар 65-70 дарсади ҳолатҳо бо бемории дил таваллуд мешаванд. Таҳлилҳо нишон доданд, ки дар соли 2014 дар вилоят  аз 70 ҳазору 243 кӯдак 6 ҳазору 686 тавлид , яъне 9,5 дарсад аз ҳисоби никоҳи хешон мебошад ва 22 тифл бо бемории Даун таваллуд шудааст.
Тибқи моддаи 15-и Кодекси оилаи Ҷумҳурии Тоҷикистон муоинаи тиббии шахсони никоҳшаванда, ҳамчунин додани машварат доир ба масоили тиббию генетикӣ ва солимгардонии оила аз ҷониби муассисаҳои давлатии тандурустии маҳали истиқоматии онҳо ба таври ройгон бошад ҳам, афсӯс, ки аҳолӣ аз ин хизматрасонӣ бо «шарм» - и шарқиёна истифода намебаранд.
Мардум ҳамоно гирифтори  хурофоту таассуб буда, ҳатто огоҳии табибон онҳоро барои тасмими дуруст гирифтан водор карда наметавонад.
- Дар  ислом издивоҷ бо бегонагон авлотар шумурда мешавад,- мегӯяд Ҳоҷӣ Ҳусайн Мӯсозода, муовини раиси Маркази исломии Тоҷикистон. Аз ҷумла, Абдулло ибни Умар мефармояд, ки никоҳ аз бегонагон бошад беҳтар аст.
Бо дарназардошти он ки эътиқоди мардум  асосан ба никоҳи аҷдодист, дар ин ҷода ходимони дин  нақши муассир мебозанд. Аз ин рӯ, хуб мебуд худи онҳо ба аҳолӣ бештару беҳтар аз оқибатҳои манфӣ, зарари никоҳи хешонро мефаҳмонданд.
Бино ба иттилои Муқаддам Ҳошимзода, мудири шуъбаи раёсати асноди ҳолати шаҳрвандӣ дар вилояти Суғд, соли равон дар шимоли кишвар 123 ҳолати никоҳи хешутаборӣ ба қайд гирифта шудааст ва аллакай  коҳишёбии ин зуҳурот ба мушоҳида мерасад.
Ҷиҳати пешгирии паёмадҳои нохуши никоҳи хешон дар қаламрави вилоят аз ҳисоби олимон, мутахассисони тиб, ходимони дин, муҳаққиқон, коршиносони соҳа оид ба масъалаҳои таъсири никоҳҳои хешутаборӣ ба солимии кӯдакон ва ҳатмӣ намудани ташхиси тиббии пешазиздивоҷии навхонадорон гурӯҳи корӣ таъсис дода шудааст, ки феълан амал мекунад ва бино ба мушоҳидаҳо аҳли ҷомеа фаъолияти онро мусбат арзёбӣ мекунад.
 - Аъзои гурӯҳи корӣ дар деҳоти Навгилему, Чилгазии Исфара, дар ноҳияи Ашт бо иштироки зиёди фаъолон, раисони маҳаллаҳо, ҷавонон, занону духтарон оид ба оқибатҳои нохуши никоҳи хешон ва вайроншавии оилаҳои ҷавон мулоқотҳои судманд анҷом доданд, - мегӯяд Нодира Мирзозода, мудири раёсати кор бо занон ва оилаи вилояти Суғд.
Дар назди мақомоти сабти асноди ҳолати шаҳрвандии шаҳру навоҳии вилоят ҷиҳати пешгирии никоҳи хешутаборӣ бо иштироки мутахассисони варзида машваратгоҳҳои ҳуқуқиву равонӣ таъсис ёфтаанд, ки дар сурати беҳтар кардани мундариҷаи барномаи онҳо, бешубҳа, самари хубе хоҳанд бахшид.
  
Ҷовиди АШТӢ,
«Ҷумҳурият»


Баёни ақида (0)    Санаи нашр: 3.10.2015    №: 198-199    Мутолиа карданд: 606
03.07.2020


ХУҶАНД. ИФТИТОҲИ ГУЗАРГОҲИ ЗЕРИЗАМИНӢ

ЗАРУРАТИ ТАВСЕАИ ҲАМКОРИҲО ТАЪКИД ГАРДИД

ДАР ТОҶИКИСТОН АЗ КОРОНАВИРУС 4690 БЕМОР ШИФО ЁФТ

ДЗЮДО. КУРСИ ТЕХНИКӢ БАРОИ МУРАББИЁН

АЛЕКСАНДР ЛУКАШЕНКО: «БЕЛАРУС БАР КОРОНАВИРУС ҒОЛИБ ОМАД»

ҶАҲОН ДАР ЯК САТР

02.07.2020


77 ДАРСАДИ БЕМОРОН ДАР ТОҶИКИСТОН СИҲАТ ШУДАНД

КУМАКИ ШИРКАТИ “ПОМИР ЭНЕРҶИ” БА НИЁЗМАНДОН

ҚАРИБ 650 ШАҲРВАНДИ ТОҶИКИСТОН АЗ РОССИЯ БАРГАШТ

ҶАҲОН ДАР ЯК САТР

01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ

НИШАСТИ САТҲИ БАЛАНД ДАР ҚОЛАБИ С5+1

ЛИГАИ ОЛӢ. ЭҲСОН ВА ВИТАЛИЙ БЕҲТАРИНҲОИ МОҲИ ИЮН

НАҚШАИ РУШДИ ИДМ БО НАЗАРДОШТИ COVID-19 ТАТБИҚ МЕШАВАД

ҶАҲОН ДАР ЯК САТР

30.06.2020


МУРАШКО: «РОССИЯ ОМОДА АСТ, ВАКСИНАҲОИ КОРОНАВИРУСРО БА БОЗОРИ ҶАҲОНӢ ВОРИД СОЗАД»

ҶАҲОН ДАР ЯК САТР

26.06.2020


75 ДАРСАДИ СИРОЯТЁФТАГОНИ COVID – 19 ДАР ТОҶИКИСТОН ШИФО ЁФТАНД

БОХТАР. ХИЗМАТЧИЁНИ ДАВЛАТӢ САВГАНД ЁД КАРДАНД

ФУТБОЛ. БОЗИИ РАФИҚОНАИ ДУ КИШВАРИ ДӮСТ

СУТ ХУРУҶИ НАВИ КОРОНАВИРУСРО ДАР АВРУПО ТАСДИҚ НАМУД

ҶАҲОН ДАР ЯК САТР

25.06.2020


COVID – 19. ДАР ТОҶИКИСТОН 4194 СИРОЯТЁФТА СИҲАТ ШУД

24.06.2020


ХУШХАБАР. ДАР ТОҶИКИСТОН 73,8 ДАРСАДИ МУБТАЛОЁНИ КОРОНАВИРУС ШИФО ЁФТАНД

АРАБИСТОНИ САУДӢ ҲАҶРО БАРОИ ЗОИРИНИ ХОРИҶӢ МАНЪ КАРД

ҶАҲОН ДАР ЯК САТР

23.06.2020


ТОҶИКИСТОН. БОЗ 44 СИРОЯТШУДА СИҲАТ ШУД

АШТ. ОҒОЗИ МУМФАРШКУНИИ РОҲИ ШАЙДОН - ПОНҒОЗ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

ТАБИБОН НИШОНАҲОИ АСОСИИ КОРОНАВИРУСРО ДАР КӮДАКОН МУАЙЯН НАМУДАНД

ЛИГАИ НАВРАСОН ФАРДО БО ИШТИРОКИ 9 ТИМ ОҒОЗ МЕШАВАД

ИҚТИСОДИ ҶАҲОНӢ АЗ ПАНДЕМИЯ КАМАШ $126 МИЛЛИАРДРО ТАЛАФ ДОД

ҶАҲОН ДАР ЯК САТР


Дар сомонаҳои дигари Тоҷикистон хонед