logo

ҳуқуқ

ДАСТ БА ХУДКУШӢ ЗАДАНИ ЗАНОН АЗ ЧӢ БОИС АСТ?

Мувофиқи қонунҳои амалкунандаи ҷумҳурӣ мақому манзалати зан хеле боло рафта, онҳо аз ҳамаи ҳуқуқу озодиҳо бархӯрдоранд. Бо вуҷуди ин, то ҳол бархе аз занони деҳаҳои дурдаст зери хушунати хонаводагӣ қарор доранд.

Тӯли ҳашт моҳи соли равон дар ҷумҳурӣ 33 ҳазору 300 ақди никоҳ расман сабт гардида, мутаассифона, 4 ҳазору 500 - тоаш бекор шудааст. Дар натиҷа, 560 ноболиғ аз тарбияи муштараки падару модар маҳрум гардидааст.
Бояд гуфт, ки пешрафту шукуфоии Ватан аз ободиву осудагии оила вобастагӣ дорад. Ободии хонадон бошад, аз фаросату маърифати оиладории волидон, бавижа модар сарчашма мегирад. Вале, иқрор бояд шуд, ки ҳанӯз ҳам теъдоди зиёди бонувони тоҷик мавриди таҳқир, хушунат ва ҳатто лату кӯб қарор мегиранд.
Вақте Зан - Модарро дар пеши чашми фарзанд таҳқир мекунанд ва ӯ оҷизу аламзада ва беҳуқуқ мегардад, дар зеҳни кӯдак чӣ таассурот пайдо мешавад? Падару модарро, ки аз нахустин идеалҳои рӯзгори тифлиаш аст, чӣ гуна дармеёбад?
 Солҳои охир ҳолатҳои зиёди даст ба худкушӣ задани занону духтарон ба мушоҳида мерасанд. То имрӯз 1777 ҳолати содир кардани чунин ҷиноят ба қайд гирифта шудааст. Махфират Хидирзода, раиси Кумитаи кор бо занон ва оилаи назди Ҳукумати Ҷумҳурии Тоҷикистон, дар як нишасти матбуотӣ чунин гуфт: «Тавре аз таҳлилу баррасии ҳолатҳои даст ба худкушӣ задани занон маълум мешавад, фазои оилавии ин қабил бонувон хушунатангез ва пур аз моҷарову кашмакашиҳост. Мастиву бенизомӣ ва таъмин нагаштани шароити зиндагӣ аз ҷониби шавҳар ва хараҷу мараҷи хурду бузург ҳамеша бо хору залил шудани зан анҷом меёбад».
Ба як нукта таваҷҷуҳ бояд намуд, ки бо гузашти вақт хушунату зӯроварии мард нисбат ба зан косаи сабри дувумиро лабрез мегардонад ва ӯ аз чунин тарзи зиндагӣ безор шуда, ниҳоят, қасд ба ҷони худ мекунад. То фаро расидани чунин ҳолати мудҳиш мард ҳатто намеандешад, ки ин кирдори ӯ дар қонун бо мафҳуми ҷиноят шарҳ дода шудааст. Мутобиқи моддаи 109 Кодекси ҷиноятии Ҷумҳурии Тоҷикистон, ба худкушӣ расондани як шахс аз ҷониби шахси дигар ҷиноят ба ҳисоб рафта, барои онҳое, ки нафареро то дараҷаи рӯҳии худкушӣ мерасонанд, қонунгузор ҷазои маҳрум сохтан аз озодиро ба муҳлати аз 3 то 5 сол пешбинӣ кардааст.
Баъзан худи занҳо бо сустиродагӣ ва ноустувории ҳолати рӯҳиашон сабабгори сар задани чунин ҳодисаҳои нохуш мешаванд. Аз ин сабаб, аз маърифату ҳуқуқ ва касбу ҳунар бархӯрдор намудани занону духтарон ҳамеша дар маркази таваҷҷуҳи Ҳукумати ҷумҳурӣ қарор дорад.
Пас моро низ зарур аст фарзандони худро, ки ояндаи миллату давлат мешаванд, аз касбу кор, хату савод ва ҷаҳонбинии дунявӣ бархӯрдор созем. Бахусус, зани тоҷик аз зевари дониш бояд оро ёбад. Дар ин ҳолат метавон бовар кард, ки ӯ ба мушкилоти рӯзгор осон таслим намешавад ва роҳи раҳоӣ аз бунбастро дар худкушӣ намебинад.
Холназар КАСИРОВ, «Ҷумҳурият»


Баёни ақида (0)    Санаи нашр: 10.10.2015    №: 203    Мутолиа карданд: 684

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод


Дар сомонаҳои дигари Тоҷикистон хонед