logo

маориф

Истифодаи телефонҳои мобилӣ манъ аст, вале дар ҳолати акс чӣ ҷазоҳо муқаррар мегарданд?

Солҳои охир аксари омӯзгорони мактабҳои таҳсилоти миёнаи умумӣ, миёнаи махсус ва олӣ шикоят доранд, ки истифодаи телефонҳои мобилӣ аз тарафи хонандагон ба низом ва раванди дурусти таълиму тарбия ва донишомӯзӣ таъсири манфӣ мерасонад. Ғайр аз ин мо ҳар рӯз дар нақлиёти мусофиркаш ва ҷойҳои ҷамъиятӣ шоҳиди он мегардем, ки наврасону ҷавонон ҳатто калонсолон ҳам тавассути телефонҳои мобилӣ бо садои баланд гуфтугӯ мекунанд.
Бешубҳа, истифодаи бемавқеъ ва бенизоми телефонҳои мобилӣ ба коста гардидани маънавиёти наврасону ҷавонон, беҳуда сарф кардани вақт ва маблағ оварда мерасонад.
Бино ба таҳқиқи Ташкилоти умумиҷаҳонии тандурустӣ ва олимон ва муҳаққиқон, телефонҳои мобилӣ ба саломатии  кӯдакон, наврасон ва занони ҳомила таъсири манфӣ доранд ва истифодаи онҳо бояд маҳдуд гардад. Олимони Шведсия дар натиҷаи тадқиқот ба хулосае омаданд, ки таъсири истифодаи дарозмуддати телефонҳои мобилӣ пайдоиши саратони мағзи сар ва гӯшро то ду маротиба зиёд мекунад.
Бинобар ҳамин дар Ҷопон, Юнон, Ҳиндустон, Британияи Кабир ва дигар давлатҳо истифодаи телефонҳои мобилиро дар мактабҳои таҳсилоти умумӣ манъ кардаанд.
Аз ин ҷост, ки Сардори давлат Эмомалӣ Раҳмон 15 январи соли 2009 дар Маҷлиси васеи Ҳукумати ҷумҳурӣ ва 6 январи соли равон дар Конфронси ҷумҳуриявӣ бахшида ба 1310 -солагии Имоми Аъзам бо назардошти омилҳои манфии истифодаи телефонҳои мобилӣ дар муассисаҳои таълимӣ ва оқибатҳои он дар асоси таҳлилу далелҳо воқеиятро нигаронкунанда арзёбӣ кард.
26 марти соли ҷорӣ Қонуни Ҷумҳурии Тоҷикистон «Оид ба ворид намудани илова ба Қонуни Ҷумҳурии Тоҷикистон «Дар бораи маориф» ба имзо расид. Мувофиқи он дар ҳамаи намудҳои муассисаҳои таълимӣ, сарфи назар аз шакли ташкилию ҳуқуқӣ (ба истиснои муассисаҳои таҳсилоти олии касбӣ ва таҳсилоти касбии баъд аз муассисаи олии касбӣ), овардан ва истифода бурдани телефонҳои мобилӣ манъ аст. Дар муассисаҳои таҳсилоти олии касбӣ ва таҳсилоти касбии баъд аз муассисаи олии касбӣ аз ҷониби донишҷӯ, докторант, аспирант, унвонҷӯ ва омӯзгор истифода бурдани телефонҳои мобилӣ дар раванди таълим манъ аст.
Воқеан ворид намудани қисми нав ба моддаи 26 қонуни мазкур бамаврид аст. Вале суоле пеш меояд, ки дар ҳолати истифодаи телефонҳои мобилӣ, яъне қонуншиканӣ чӣ гуна ҷазоҳо муқаррар карда шудаанд ва онҳоро кӣ зери назорат мегирад? Мувофиқи гуфти Додихудо Саймиддинов, раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба илм, маориф, фарҳанг ва сиёсати байни ҷавонон, то қабули тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон оид ба ҳаҷми ҷарима ва тарзи ба ҷавобгарӣ кашидан масъалаи чораандешӣ ба салоҳияти роҳбар ва нишондоди қоидаву низомномаи муассисаҳо вогузор аст. Лоиҳаи онҳо вақтҳои наздик аз тарафи Ҳукумат пешниҳод ва аз тарафи намояндагони мардумӣ мавриди баррасиву қабул қарор хоҳад гирифт.

Мунаввари САФАР,
«Ҷумҳурият»


Баёни ақида (0)    Санаи нашр:    №:    Мутолиа карданд: 653

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед