logo

ҳуқуқ

ЗАМИН ВА ЗАВЛОНА

Прокуратураи вилояти Хатлон нисбат ба мансабдороне, ки қонунгузории заминро вайрон кардаанд, беш аз 30 парвандаи ҷиноятӣ оғоз кардааст. Ин рақам, бо вуҷуди он ки мақомоти дахлдор дар ин самт пайваста тадбирҳои муассир меандешанд,  ниҳоят нигаронкунанда унвон мешавад.
Тибқи Конститутсияи (Сарқонуни) ҷумҳурӣ, Кодекси замин ва дигар санадҳои меъёрии ҳуқуқӣ замин моликияти истисноии давлат буда, қитъаи замини наздиҳавлигӣ бояд ба нафарони эҳтиёҷманд бидуни сурат гирифтани муомилоти харидуфурӯш дода шавад. Лекин, дар баъзе ҳолатҳо дидаву дониста, бо поймол намудани муқаррароти қонун қитъаи замини наздиҳавлигиро ба эҳтиёҷмандон мефурӯшанд.
Ҳамин тариқ, дар истинод ба маълумоти прокуратураи вилояти Хатлон, Идибек Назриев, роҳбари Кооперативи истеҳсолии «Пахтаобод ЛТД» - и ноҳияи Вахш, ҳарчанд медонист, ки ваколати тақсими заминро надорад, бидуни пешниҳоди ҳуҷҷату қарори вижа ба Ойнисо Давлатова 9 садяк заминро ба маблағи 6 ҳазор доллар, ба Сабуриддин Шамсиддинов 6 садякро 3 ҳазор доллар ва ба Худоёр Раҷабов 6 садякро 2 ҳазор доллар фурӯхтааст. Айни ҳол он заминҳои обӣ ба ҷойи кишт шудану ҳосил додан, ба макони зисти аҳли оилаи шахсони номбурда табдил ёфтаанд.  Қурбоналӣ Тошев, роҳбари хоҷагии деҳқонии «Ҷамшедҷон» - и ноҳияи Абдураҳмони Ҷомӣ бошад, дар ҳамдастӣ бо собиқ муҳандис - заминсозони Ҷамоати деҳоти Ифтихори ҳамин ноҳия Холмаҳмад Ҳасанов ва Салим Нодиров даст ба ҷиноят зад. Номбурда солҳои 2007 - 2015 бе ягон асоси қонунӣ аз ҳисоби заминҳои корами обӣ, корами лалмӣ ва чарогоҳ 26,04 гектар заминро ба М. Бобокалонов, З. Рустамов, М. Мирзоев, А. Алимардонов, К. Суюнов, А. Нодирова ва дигар  сокинони ноҳияҳои Хуросон, Ёвон ва Абдураҳмони Ҷомӣ барои бунёди манзили истиқоматӣ ба маблағи аз 2500 то 3300 - долларӣ фурӯхтааст. Дар натиҷаи ин амали хилофи қонун хоҷагии деҳқонии “Ҷамшедҷон” 300 ҳазор сомонӣ зарари моддӣ дидааст.  
Мутаассифона, ин гуна бесарусомонӣ дар дигар ноҳияҳо низ ҷой дорад, ки муассирияти тадбирҳои ниҳодҳои марбутаро зери суол қарор медиҳад. Биноан, ба андешаи Насрулло Маҳмудов, прокурори вилояти Хатлон, мутасаддиён бояд бо истифода аз василаҳои таъсиргузори идеологӣ маърифати ҳуқуқии шаҳрвандонро баланд бардоранд. “Нафароне, ки пул доранд, бе навбат қитъаи замини наздиҳавлигӣ гирам гуфта, низоми корро вайрон мекунанд. Онҳо шояд надонанд, ки заминҳои корам фақат тибқи қарори Ҳукумати Ҷумҳурии Тоҷикистон барои бунёди хона ҷудо карда мешаванд. Аммо чун ин тарзи кор вақти тӯлониро тақозо мекунад, эшон роҳи осон меҷӯянд”, - гуфт прокурор.
Дар ин росто, Асадулло Ҳалимов, сокини 64 - солаи деҳаи «Ҳосилобод» - и шуъбаи 4 - уми Ҷамоати деҳоти Кирови ноҳияи Вахш, маҷрӯҳи гурӯҳи дувум, гуфт, ки бо вуҷуди дар панҷ сол навиштани шаш ариза наметавонад, ки ақаллан барои як фарзандаш қитъаи замин бигирад. «Мутасаддиёни ҷамоат мегӯянд, ки сабр кун, замин мегирӣ. Ману писаронам, чор келин ва кӯдакҳояшон, дар маҷмӯъ 15 нафар дар як ҳавлӣ зиндагӣ мекунем, аммо одамони пулдоре ҳастанд, ки хона дошта бошанд ҳам, пеш аз мо замин гирифта истодаанд. Ҳарчанд Президенти кишвар, Ҷаноби Олӣ Эмомалӣ Раҳмон борҳо таъкид кард, ки қитъаи замини наздиҳавлигӣ фақат ба эҳтиёҷмандон дода шавад, аммо масъулони ҷамоатҳо инро ба назар намегиранд. Яъне замини хонаҷоро пинҳонӣ мефурӯшанд», - иброз дошт А. Ҳалимов.
Азимҷон Донаёров, сокини деҳаи «Сотсиализм» - и Ҷамоати деҳоти Калинини ноҳияи Абдураҳмони Ҷомӣ нафари дигарест, ки дар бобати гирифтани қитъаи замин талошҳои бенатиҷа доштааст. Вай гуфт, ки аз соли 2010 ба номи раиси ноҳия се ариза навиштааст. - Вақте аризаро мебарам, - зикр кард А. Донаёров, - мегӯянд, ки тоқат кун. Аммо ин мушкил аст. Зеро мо чор оила дар 8 садяк замин зиндагӣ мекунем.
Прокуратураи вилояти Хатлон дар шаш моҳи соли ҷорӣ ба беш аз 100 санади ғайриқонунии раисони шаҳру ноҳияҳо, ҷамоатҳои шаҳраку деҳот ва роҳбарони хоҷагиҳои кишоварзӣ эътирози прокурорӣ оварда, 1500 гектар заминеро, ки дар онҳо иншооти худсарона бунёд кардаанд, ба ҳолати аввала баргардонд. Ин натиҷа боиси таҳсин аст. Вале, суоли матраҳ ин аст, ки масъулони бемасъулият кай аз харидуфурӯши замин даст мекашанд? Калимаҳои доллар, завлона ва маҳкама дигар дар як радиф зикр намегарданд ва ба фаҳми мардум кай мерасад, ки замини наздиҳавлигӣ дар Тоҷикистон фурӯшӣ аст? 
Зокир ҲАСАН,
“Ҷумҳурият”


Баёни ақида (0)    Санаи нашр: 15.10.2015    №: 206    Мутолиа карданд: 667

27.01.2020


«ҶОМИ РУШД - 2020». Наврасони тоҷик соҳиби медалҳои нуқра гаштанд

Заминларзаи сахт дар Туркия ва ҳалокати 38 нафар

Зеленский аҳамияти музокироти бевосита бо Путинро таъкид дошт

Гуфтушуниди Лукашенко дар бораи хариди нафт бо ИМА, АМА ва Арабистони Саудӣ

Дар ИМА музокироти тиҷоратӣ бо Британияро дар як сол анҷом доданианд

Ҷаҳон дар як сатр

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад


Дар сомонаҳои дигари Тоҷикистон хонед