logo

ҳуқуқ

ҲАМБАСТАГИВУ ҲАМКОРӢ МЕБОЯД

29 сентябри соли равон, пас аз он ки Суди Олии Ҷумҳурии Тоҷикистон аризаи Прокурори генералиро қонеъ гардонда, ҲНИТ-ро ҳамчун ташкилоти ифротӣ (экстремистӣ) - террористӣ эътироф намуда, фаъолияташро қатъ гардонд, дар ҷомеа пурсишҳо дар мавриди тақдири ояндаи аъзои қатории ҳизб пайдо шуданд. Баъзе шахсони манфиатҷӯ ва гурӯҳҳои иғвоангез аз шабакаи ҷаҳонии интернет истифода бурда, мехостанд дар дили мардум тарсу ҳарос ҷой кунанд. Аммо, маълум мешавад, ки мардуми таҷрибадидаи мо ба ин фитнаҳо дода намешаванд.
Ахиран Вазорати корҳои дохилӣ хабар дод, ки вақтҳои охир муроҷиати шаҳрвандон ба ин ниҳод зиёд шудааст ва онҳо дар мавриди тақдири минбаъдаи собиқ аъзои ҲНИТ маълумот гирифтан мехоҳанд. Мепурсанд, ки оё онҳо ба ҷавобгарӣ кашида мешаванд ё не. Дар шарҳи ВКД омадааст: шахсоне, ки ихтиёран аз аъзогии ин ҳизб баромада ва баъди манъ кардани фаъолияти ҳизб ҳамкориро бо он қатъ намудаанд ва тибқи қонунгузории Ҷумҳурии Тоҷикистон дар кирдори онҳо таркиби ҷиноят дида намешавад, ба ҷавобгарӣ кашида намешаванд. Аз онҳое, ки то кунун ҳуҷҷатҳои тасдиқкунандаи аъзои ин ҳизб буданро доранд, дархост шудааст, ки ҳуҷҷатҳояшонро ба сохторҳои шаҳриву ноҳиявӣ ва вилоятии Вазорати адлия ё шуъбаҳои ВКД бо пешниҳоди ариза супоранд.
Маврид ба зикр аст, ки агар аъзои қатории ҲНИТ дархости ВКД-ро иҷро карда, расман аз ҳамкорӣ бо он даст кашанд, ин гувоҳи он мешавад, ки онҳо аз доираи қонун берун нарафтаанд. Дар натиҷа ягон пайгирӣ аз ҷониби мақомот сурат намегирад. Ҳамин тариқ, собиқ аъзои ҲНИТ ҳамчун узви комилҳуқуқи ҷомеаи Тоҷикистон, ба ҷавобгарӣ кашида намешаванд.
Ихтиёран ва сари вақт супурдани ҳуҷҷатҳои тасдиқкунандаи аъзои ҳизб аз тарафи собиқ аъзои ҲНИТ на танҳо ба манфиати худи онҳост, балки ба фоидаи миллат ва давлат низ ҳаст. Дар ин ҳолат бадхоҳони миллат имконияти фитна андохтанро аз даст медиҳанд ва суботу оромии ҷомеа таъмин гардида, раванди рушду созандагӣ дар ватан халалдор намегардад. Дар ҷаҳони имрӯза, ки рақобати абарқудратҳо ба авҷи аълои худ расидааст, ҳар як қадами нодурусти мо сабаби дастдарозии онҳо ба кишварамон шуда метавонад. Дар ҷараёни ин муборизаву рақобати худ барои расидан ба ҳадафҳои геополитикиашон абарқудратҳо ба ҳеҷ кас раҳм намекунанд. Ҳодисаҳои Сурия, Либия, Афғонистон ва Украина далели ин гуфтаҳост. Дар ин кишварҳо оташи ҷанг кӯдаку наврас, ҷавону пир, модару фарзандро ба коми худ кашида, шаҳрҳои бутунро ба харобазор табдил додааст. Бинобар ин, дар вазъияти баамаломада умед ва бовари мо бар ин аст, ки собиқ аъзои ҲНИТ бо дарки амиқи масъулияти ватандорӣ аз иштирок дар фаъолияти ин ҳизби мамнуъшуда даст мекашанд ва ба дигар ҳизбҳои расмӣ пайваста, дар раванди созандагии ватани азизамон фаъолона иштирок мекунанд. Мақомоти дахлдори давлатӣ дар навбати худ ба онҳо ҳамаҷониба ёрӣ расонда, барои фаъолияти қонунии минбаъдаашон дар ҳизбҳои амалкунандаи кишвар шароити мусоид фароҳам меоранд. Ин ҳамкориву ҳамбастагӣ боиси рушди устувори ватани мо мешавад. Танҳо бо ҳамин ҳамбастагӣ ва ҳамкории зич, дар шароити имрӯза, метавон ислоҳоти дурусти созанда гузаронд, ки дар навбати худ иқтисоди мо рақобатпазир гашта, имкони ҳалли мушкилоти иқтисодиву иҷтимоӣ пайдо мегардад.

Меҳр СОБИРИЁН,
Маркази омӯзиши равандҳои муосир
ва оянданигарии илмии Академияи илмҳои Ҷумҳурии Тоҷикистон
 


Баёни ақида (0)    Санаи нашр: 16.10.2015    №: 207    Мутолиа карданд: 668
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед