logo

ҳуқуқ

ВАКОЛАТДОР ОИД БА ҲУҚУҚИ КӮДАК МЕЪЁР ВА САМТҲОИ ФАЪОЛИЯТИ ОН

Президенти мамлакат Эмомалӣ Раҳмон дар Паёми имсолаи худ ба Маҷлиси Олии Ҷумҳурии Тоҷикистон ба масъалаи дар рӯҳияи ватандӯстиву инсонпарварӣ ва худогоҳиву худшиносӣ тарбия кардани наврасону ҷавонон таваҷҷуҳи хос зоҳир намуданд. Сарвари давлат бо мақсади таъмини ҳифзи ҳуқуқи кӯдак дар Ҷумҳурии Тоҷикистон пешниҳод карданд, ки институти Ваколатдор оид ба ҳуқуқи кӯдак таъсис дода шавад.
Зариф Ализода, Ваколатдор оид ба ҳуқуқи инсон дар Ҷумҳурии Тоҷикистон,  андешаҳояшро оид ба зарурати таъсиси институти Ваколатдор оид ба ҳуқуқи кӯдак, меъ-ёр ва самтҳои фаъолияти он дар суҳбат бо хабарнигори «Ҷумҳурият» чунин баён намуд:
- Ҷумҳурии Тоҷикистон баъди ба даст овардани Истиқлолияти давлатӣ яке аз аввалин кишварҳои пасошӯравист, ки Конвенсияи СММ оид ба ҳуқуқҳои кӯдакро ба тасвиб расонда, як қатор уҳдадориҳои байналмилалиро оид ба ҳифзи он ба зимма гирифт. Баҳри таҳкими таъмини ҳуқуқи кӯдакон, зери ғамхории махсуси давлат қарор додан, дар муҳити оилавӣ таълим ва тарбия ёфтани онҳо барномаҳои вижа роҳандозӣ гардида, санадҳои меъёрии ҳуқуқӣ ба талаботи меъёрҳои байналмилалӣ мувофиқ гардонда шуданд. Бо мақсади такмили минбаъдаи сиёсати давлатӣ бобати дастгирии оилаву кӯдак ва ислоҳоти низоми идоракунии ҳифзи ҳуқуқи кӯдак, фароҳам овардани шароити муносиб барои инкишофи маънавию ҷисмонии онҳо соли 2008 дар назди Ҳукумати Ҷумҳурии Тоҷикистон Комиссия оид ба ҳуқуқи кӯдак таъсис дода шуд.
Дар доираи  уҳдадориҳои байналмилалии Тоҷикистон ва ҷиҳати иҷрои тавсияҳои давлатҳои аъзои Шӯрои СММ оид ба ҳуқуқи инсон, Кумитаи СММ оид ба ҳуқуқҳои кӯдак дар сохтори Вазорати адлияи кишвар шуъбаи адлияи ювеналӣ ва дар сохтори дастгоҳи Ваколатдор оид ба ҳуқуқи инсон шуъбаи ҳифзи давлатии ҳуқуқҳои кӯдак таъсис ёфта, фаъолият намуда истодаанд. Бо вуҷуди чораҳои андешидашуда дар шароити имрӯзаи ҷаҳонишавӣ, афзоиши муҳоҷирати меҳнатӣ, рушди демографӣ, ҳамоҳангсозии фаъолияти мақомоти таъминкунандаи ҳифзи ҳуқуқҳои кӯдак зарурати таъсис додани мақоми махсус - Ваколатдор оид ба ҳуқуқи кӯдак ба миён омад.
Дар Нақшаи чорабиниҳо оид ба иҷрои вазифаҳое, ки дар Паёми Президент дар бораи самтҳои асосии сиёсати дохилӣ ва хориҷии ҷумҳурӣ зикр гардидаанд, банди алоҳида (банди 5) вобаста ба масъалаи таъсис додани институти Ваколатдор оид ба ҳуқуқи кӯдак пешбинӣ гардид. Бо ин мақсад гурӯҳи кории байниидоравӣ таъсис дода шуд.
Гурӯҳи корӣ масъалаи мазкурро мавриди омӯзиши ҳамаҷониба қарор дода, таҷрибаи байналмилалиро омӯхта,  бо дарназардошти хусусиятҳои Тоҷикистон мувофиқи мақсад донист, ки ин мансаб ба сифати муовини Ваколатдор оид ба ҳуқуқи инсон - Ваколатдор оид ба ҳуқуқи кӯдак таъсис дода шавад. Зеро чунин таҷриба, яъне дар якҷоягӣ бо мақомоти Ваколатдор оид ба ҳуқуқи инсон, ки имкониятҳои зарурӣ дорад, боиси пешгирӣ намудани хароҷоти иловагӣ вобаста ба таъсиси институти алоҳида мегардад.
Ин пешниҳоди гурӯҳи корӣ дастгирӣ ёфт. Ба Ваколатдор оид ба ҳуқуқи инсон ва Вазорати адлия дастур дода шуд, ки барои ба танзим даровардани фаъолияти ин ниҳод санади дахлдор таҳия намояд. Ваколатдор оид ба ҳуқуқи инсон дар ҳамкорӣ бо Вазорати адлия лоиҳаи Қонуни Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон «Дар бораи Ваколатдор оид ба ҳуқуқи инсон дар Ҷумҳурии Тоҷикистон», инчунин якчанд лоиҳаи вобаста ба ворид намудани тағйиру иловаҳо  ба қонунҳои амалкунандаро вобаста ба фаъолияти Ваколатдор оид ба ҳуқуқи кӯдак таҳия ва бо вазорату идораҳои дахлдор мувофиқа намуд. Бо дарназардошти таклифу пешниҳодҳои вазорату идораҳо лоиҳаҳо такмил ва ҷиҳати баррасӣ ба Ҳукумати ҷумҳурӣ ирсол шуданд.
Тибқи лоиҳаҳои пешниҳодшуда барои амалӣ гардондани фаъолияти Ваколатдор оид ба ҳуқуқи кӯдак кафолатҳои ҳуқуқӣ ва моддию иҷтимоӣ пешбинӣ шудаанд. Ҳамзамон, ин ниҳод зимни амалӣ гардондани фаъолияташ комилан мустақил буда, барои барқарор намудани ҳуқуқу озодиҳои вайроншудаи кӯдак, такмили қонунгузорӣ оид ба ҳуқуқҳои кӯдак, баланд бардоштани маърифати шаҳрвандон, ҳамкории мақомоти ҳокимияти давлатӣ, сохторҳои ҷомеаи шаҳрвандӣ оид ба ҳифзи ҳуқуқҳои кӯдак ва ҳамоҳангсозии ҳамкориҳои байналмилалӣ дар самти мазкур мусоидат менамояд. Аз он  ваколатҳое, ки қонун барои Ваколатдор оид ба ҳуқуқи инсон пешбинӣ намудааст, истифода мебарад.

Мунаввари САФАР,
«Ҷумҳурият»


Баёни ақида (0)    Санаи нашр: 16.10.2015    №: 207    Мутолиа карданд: 595

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед