logo

ҳуқуқ

ВАЗОРАТИ АДЛИЯ БА БЕСАРУСОМОНӢ ДАР САБТИ АСНОД ХОТИМА МЕБАХШАД

Дар 9 моҳи соли равон наздики 20 ҳазору 500 нафар шаҳрванд  барои иваз кардани ному насаби худ ба идораҳои сабти асноди ҳолати шаҳрвандӣ муроҷиат кардаанд, ки ин рақам нисбат ба ҳамин давраи соли гузашта 9 ҳазор нафар бештар аст.
Мавзӯи матраҳ ин аст, ки аксаран барои ислоҳи номҳои қаблан  хато сабтшудаашон ва гурӯҳи дигар барои иваз намудани номи барояшон номуносиб муроҷиат менамоянд, ки ин, албатта, мавриди ташвиш буда, ҳалли бетаъхири худро тақозо мекунад.
 Ҷӯрахон Ғозиев, раиси дастгоҳи Раёсати сабти асноди ҳолати шаҳрвандии Вазорати адлия, мегӯяд, ки аксари шаҳрвандон дар мавриди дуруст навиштани ному насаб ва иваз кардани ном ба ниҳодҳои зерсохтории мо дар маҳал муроҷиат менамоянд.
- «Агар шаҳрванд хоҳад, ки ному насабашро иваз намояд, аввал ба бахши сабти асноди ҳолати шаҳрвандии ҷамоату деҳот, ё бахше, ки маълумоти нахустинро ба қайд гирифтааст, муроҷиат менамояд. Баъди дар қайди асноди ҳолати шаҳрвандӣ иваз ё дуруст кардани ному насаб шаҳодатномаи навро гирифта, ба шуъбаи шиносномадиҳии шуъбаи корҳои дохилии маҳали зисташ муроҷиат менамояд. Муҳлати охирини табдили сабти асноди ҳолати шаҳрвандӣ то се моҳ пешбинӣ гардидааст. Расман бояд давоми як моҳ дода шавад. Ин ҷо ташвиши дигар лозим нест», - гуфт Ҷӯрахон  Ғозиев.
Яке аз сабабҳои муроҷиати шаҳрвандон барои сабти асноди ҳолати шаҳрвандӣ, аз номҳои худ даст кашидан мебошад. Баъди ба балоғат расидан фарзандон ба маънои исми худ сарфаҳм рафта, аз он хиҷолат мекашанд. Барои мисол, мардум аз номҳои Табаралӣ, Достӣ, Мусибат, Ханҷар, Корчабой, Санг, Бодом, Истад, Кенҷа ва ғайра даст кашида истодаанд.
Сабаби дигари муроҷиати шаҳрвандон барои ивази ном, сабти нодурусти  насаб ва санаи таваллуд мебошад. Кӯчактарин хато ҳангоми гирифтани шаҳодатномаи таваллуди тифл ҳини бузург шудан ва гирифтани шиноснома  ба мушкили гарон табдил меёбад.
- «Ин ҳолат бештар дар маҳалҳо ба назар мерасад, - мегӯяд Ҷ. Ғозиев. - Сабти ҳолати шаҳрвандӣ дар деҳот ба зимаи яке аз кормандони ҷамоат вогузор шудааст, ки  маълумоти тахассусии ҳуқуқшиносӣ надоранд. Ин ҳолат боиси он мегардад, ки ному насаб бо ғалатҳои зиёд навишта мешавад.  Котибони ҷамоатҳои деҳот ва шаҳракҳо чунин як вазифаи муҳимро ба уҳдаи кормандони техникӣ, ё ғайритахассусӣ мегузоранд. Ин маълумотҳо дар китоби сабти асноди ҳолати шаҳрвандӣ бо ҳамон иштибоҳ қайд мегарданд ва бо ҳамин хато шиноснома дода мешавад. Вазорати адлия салоҳияти назорат аз болои фаъолияти ҷамоатҳоро надорад».
Бо назардошти мушкилоти мавҷуда Вазорати адлия тасмим гирифтааст, ки аз моҳи январи соли оянда дар тамоми ҷамоати деҳоту  шаҳракҳо шаҳру навоҳии кишвар шуъбаҳои сабти асноди ҳолати шаҳрвандиро ба роҳ монад ва мутахассисони соҳаи ҳуқуқро ба ин кор ҷалб намояд. Ин шуъбаҳо дар назди САҲШ шаҳру ноҳияҳо таъсис ёфта, ба Вазорати адлия тобеъ хоҳанд буд. Умед аст, ки пас аз таъсиси ин шуъбаҳо, мушкилоти ҷойдошта ҳалли худро меёбанд. 

С. ҲАРАМГУЛ,
«Ҷумҳурият»


Баёни ақида (0)    Санаи нашр: 17.10.2015    №: 208    Мутолиа карданд: 2272

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед