logo

мулоқотҳо

Вохӯрии Эмомалӣ Раҳмон бо Аксел Шиммелпфенниг

12 май Президенти Ҷумҳурии Тоҷикистон Эмомалӣ Раҳмон роҳбари гурӯҳи ваколатдори Хазинаи байналмилалии асъор оид ба Тоҷикистон Аксел Шиммелпфеннигро, ки барои иштирок дар конфронси навбатии кишварҳо ва созмонҳои мададрасони Тоҷикистон ба шаҳри Душанбе ташриф овардааст, ба ҳузур пазируфт.
Дар мулоқот масоили кунунӣ ва дурнамои ҳамкории Тоҷикистон бо ин муассисаи молиявии ҷаҳонӣ баррасӣ шуд.
Сардори давлат Эмомалӣ Раҳмон ба Хазинаи байналмилалии асъор барои таъин намудани 116 миллион доллари ИМА кӯмаки молиявӣ ба Тоҷикистон, ки 40 миллионаш соли равон ҷудо мегардад, арзи сипос кард ва ҳамчунин аз дастгирӣ ёфтани дархости Тоҷикистон оид ба зиёд намудани ҳаҷми кӯмакҳо изҳори қаноатмандӣ намуд.
Аксел Шиммелпфенниг изҳор дошт, ки баъди мушоҳидаи натиҷаҳои кунунии Барномаи паст кардани сатҳи камбизоатӣ ва мусоидат ба рушди иқтисодӣ, ки дар Тоҷикистон бо дастгирии Хазинаи байналмилалии асъор амалӣ мегардад, аз моҳи сентябри соли равон хазина метавонад кӯмаки дуюми молиявии худро дар ҳаҷми 30 миллион доллар ҷудо намояд.
Мусоҳибон ҳамчунин оид ба роҳҳои дигари кӯмакрасонӣ ба Тоҷикистон, ҳаллу фасли қарзҳои хоҷагиҳои пахтакор, беҳтарнамоии фазои сармоягузорӣ дар кишвар ва рушди ҳамкориҳои минтақавӣ дар Осиёи Марказӣ гуфтугӯ намуданд.
Таъкид гардид, ки оид ба муайян намудани ҳаҷми кӯмакҳои нави молиявию техникӣ ба Тоҷикистон дар давраи бӯҳрони ҷаҳонии молиявӣ ва баҳри татбиқи босамари барномаю лоиҳаҳои имрӯзаю оянда гуфтугӯҳои судманд 13 май дар мулоқоти роҳбарони сохторҳои дахлдори мамлакат  бо намояндагони созмонҳою кишварҳои мададрасон сурат мегирад.

www.president.tj

х х х
-Шӯрои иҷроияи Хазинаи байналмилалии асъор (ХБА) охири моҳи апрел барномаи ба Ҷумҳурии Тоҷикистон додани қарзро дар ҳаҷми 116 миллион доллар тасдиқ намуд, ки бар асоси он аз ҷумлаи ин маблағ 40 миллион доллараш соли равон ба кишвари мо интиқол дода мешавад.
Дар ин бора Аксел Шиммелпфенниг, роҳбари гурӯҳи ваколатдори ХБА оид ба Тоҷикистон, пас аз дидору гуфтугӯ бо Эмомалӣ Раҳмон, Президенти Ҷумҳурии Тоҷикистон, дар сӯҳбат бо намояндагони воситаҳои ахбори омма иттилоъ дод.
Вазифаи мо иборат аз он аст, ки вазъи феълии иқтисодиёти Тоҷикистонро дақиқ муайян намуда, якҷо бо Ҳукумат оид ба сиёсати иқтисодӣ тадбирҳои муассир андешем. Мутаассифона, тавре ки аз мушоҳидаҳои мо бармеояд, дар давоми семоҳаи аввали соли 2009 интиқоли маблағ аз ҷониби муҳоҷирони тоҷик ба андозаи 30 дар сад коҳиш ёфт. Рушди иқтисодиёт бошад дар ҳамин давра ба андозаи 3,5 дар сад поён рафт.
Аксел Шиммелпфенниг иллати ин амрро ба таъсири бӯҳрони ҷаҳонии молиявӣ ба иқтисоди Тоҷикистон ва кишварҳои шарики он маънидод кард.
Роҳбари гурӯҳи ваколатдори ХБА оид ба Тоҷикистон дар бораи Барномаи зиддибӯҳронии Ҳукумати ҷумҳурӣ ҳарф зада, аз ҷумла гуфт, ки тадбирҳои дар барнома андешидашуда ҷиҳати ҳалли масоили мубрами иқтисодиёти Тоҷикистон хеле муҳим мебошанд. Дар соҳаи макроиқтисодӣ ин тадбирҳо ба барномаи аз ҷониби ХБА ва шӯрои иҷроияи он тасдиқгардида пурра мувофиқат мекунанд.

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 662

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед