logo

порлумон

ТАСДИҚИ ДУ СОЗИШНОМА ВА ЁДДОШТИ ТАФОҲУМ

Дар ҷаласаи Маҷлиси намояндагони Маҷлиси Олӣ лоиҳаи ворид намудани тағйиру иловаҳо ба чор қонуни ҶумҳурииТоҷикистон, ду созишнома ва як Ёддошти тафоҳум ба тасвиб расид.

Дар фурудгоҳ манораи назоратӣ қомат меафрозад
Шералӣ Ганҷалзода, вазири нақлиёти ҷумҳурӣ, зимни ташреҳи Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Фаронса оид ба сохтмони манораи назоратӣ - диспетчерӣ дар фурудгоҳи шаҳри Душанбе иброз дошт, ки он ҷиҳати таъмини амнияти парвози тайёраҳо аҳамияти муҳим дорад. Лоиҳа аз ҷониби Фаронса таҳия гардида, ба меъёрҳои  сохт- монии Тоҷикистон мутобиқ аст.
Баландии манора 36 метр буда, ба 9 дараҷаи заминҷунбӣ тобовар аст. Масоҳаташ 15 бар 15 метр ва муҳлати сохтмон  15 моҳ мебошад. Сохтори он ба манораҳои назоратӣ - диспетчерии Ҷопон, қасри Британияи Кабир, Барселонаи Испания, манораи телевизиони Банҷуи Чин ва муҷассама дар Олмон шабоҳат дорад. Айни ҳол ҷониби Фаронса оид ба интихоби ширкати пудратчӣ - паймонкори лоиҳа озмун эълон намудааст. Дар марҳалаи сохт- мон ба зиммаи ҷониби Тоҷикистон як қатор уҳдадориҳо, аз ҷумла кӯчондани шабакаҳои муҳандисии мавҷуда, тозакунии майдони сохтмон, таъмини амнияти нигоҳдории иншоот, таҳмил, насб ва ба истифода додани таҷҳизоти аэронавигатсионӣ, антенаҳои алоқавӣ барои идораи ҳаракати ҳавоӣ ва телевизионӣ ва дастгоҳҳои телефонӣ, вогузор шудааст.

Бозсозии нақби «Истиқлол» идома меёбад
Зимни баррасии Ёддошти тафоҳуми ҳамкорӣ байни Ҳукумати Ҷумҳурии Тоҷикистон ва Ҳукумати Ҷумҳурии Исломии Эрон оид ба идомаи бозсозии нақби «Истиқлол», Шералӣ Ганҷалзода, вазири нақлиёт, зикр кард, ки сохтмони нақб ҳанӯз аз соли 1988 оғоз гардида, то соли 2003 идома ёфт ва корҳои сохтмонӣ ба маблағи 10 миллион доллар иҷро гардид. Сипас корҳои сохтмонӣ аз ҷониби ширкати «Собир»-и Эрон моҳи январи соли 2004  ба маблағи 39 миллион доллар, аз ҷумла саҳми Эрон 21,2 миллион доллар қарз ва 10 миллион доллар грант ва саҳми Тоҷикистон 7,8 миллион доллар, идома ёфт. Моҳи декабри соли 2010 аз сабаби норасоии маблағ корҳои сохтмонӣ қатъ гардиданд. Ҷиҳати анҷом додани корҳои боқимонда 4 сентябри соли 2011 Ёддошти тафоҳуми иловагӣ байни ҷонибҳо ба маблағи 6 миллион доллар ба имзо расид. Моҳи декабри соли 2011 ширкати «Собир» корҳоро оғоз намуд. Бо сабаби пайдо гаштани корҳои барқарорсозии иловагӣ ва азнавсозии канали заҳкаши обпарто дар нақби ҳаводиҳанда ба масофаи 1605 метр, корҳои оббастӣ, кандани чоҳҳои заҳкаши иловагӣ дар деворҳои нақби асосӣ ва бардоштани сатҳи бетони фарши нақби нақлиётӣ лоиҳа ба маблағи 9 миллиону 398 ҳазор доллар аз нав таҳия гардид.
Барои иҷрои корҳои сохтмонии боқимонда, бо назардошти маблағи дар суратҳисоб буда, боз 5 милиону 998 ҳазор доллар лозим шуд. Дар робита ба ин, 7 июли соли 2015 дар заминаи мувофиқа бо Ҳукумати Ҷумҳурии Тоҷикистон Ёддошти тафоҳуми ҳамкорӣ байни Ҳукумати Ҷумҳурии Тоҷикистон ва Ҳукумати Ҷумҳурии Исломии Эрон оид ба идомаи бозсозии нақби «Истиқлол» дар Ҷумҳурии Тоҷикистон ба маблағи 5900 ҳазор доллар ба имзо расид, ки он 50 дарсадӣ буда, 2950 ҳазор доллар аз ҳисоби маблағҳои буҷети Тоҷикистон ва 2950 ҳазор доллар аз ҳисоби кумаки бебозгашти ҷониби Эрон мебошад.
Ба гуфти вазир, танҳо барои корҳои сохтмонии нақб то ба имрӯз 61 миллион доллар равона шудааст.

Воситаҳои нақлиётӣ боздошт мешаванд, агар…
Икром Умарзода, муовини вазири корҳои дохилӣ, зимни баррасии ворид намудани илова ба Қонуни Ҷумҳурии Тоҷикистон «Дар бораи ҳаракат дар роҳ» иброз дошт, ки мақсади он таъмини бехатарии ҳаракат дар роҳ, ҳифзи ҳаёт ва саломатии шаҳрвандон, пешгирии ҳодисаҳои нохуши нақлиётӣ ва баланд бардоштани интизоми иштирокчиёни ҳаракат дар роҳ мебошад. Бинобар ин, дар сархати якуми банди «б»-и моддаи 31 қонуни мазкур меъёри алоҳида ворид мегардад, ки тибқи он воситаҳои нақлиётие, ки бо ҳуҷҷатҳои ҳуқуқи идоракунӣ ё истифодабарии муҳлати эътиборнокиашон гузашта идора менамоянд, боздошт шуда, то бартараф кардани камбудиҳои мазкур дар истгоҳҳои махсус нигоҳ дошта мешаванд.

Боҷи давлатӣ зимни хариду фурӯши автомобил меафзояд
Дар ҷаласа, ҳамчунин лоиҳаи ворид намудани тағйирот ба Қонуни Ҷумҳурии Тоҷикистон «Дар бораи боҷи давлатӣ» аз тарафи вакилон тасдиқ гардид.
Маҳмадсаид Саидзода, сардори Раёсати бозрасии давлатии автомобилии Вазорати корҳои дохилӣ, зимни ташреҳи қонуни мазкур гуфт, ки он ҷиҳати пешгирӣ намудани хариду фурӯши воситаҳои нақлиёти автомобилӣ тариқи ваколатнома, бартараф намудани мушкилоти мавҷуда дар ошкоркунии ҷиноятҳо бо истифода аз воситаҳои нақлиёт содиршаванда, баланд бардоштани самаранокии фаъолияти маркази низоми худкори идоракунии нақлиёт- «Шаҳри бехатар», инчунин аз байн бурдани баҳсҳо оид ба иҷрои таъйини ҷаримаи маъмурӣ ва баланд бардоштани интизоми иштирокчиёни ҳаракат дар роҳ таҳия ва пешниҳод шудааст.
Назар ба гуфтаи М. Саидзода, мувофиқи қонунгузорӣ доираи шахсони истифодабарандаи воситаҳои нақлиёт тибқи ваколатнома номаҳдуд буда, ин ҳолат барои ошкорсозии ҷиноятҳо бо истифода аз воситаҳои нақлиёт ва муайян намудани шахси содиркунандаи ҳуқуқвайронкунии маъмурӣ, ки тавассути воситаҳои махсуси техникии низоми худкори идоракунӣ дар соҳаи нақлиёт сабт мегардад, душворӣ ба миён овардааст. Аз рӯзи фаъолияти Маркази низоми худкори идоракунӣ дар соҳаи нақлиёт - «Шаҳри бехатар» 5500 таъйини ҷарима ба маблағи 1 миллион сомонӣ, бинобар муайян нагаштани шахси идоракунандаи воситаи нақлиёт мавриди баҳс қарор дорад. Лоиҳаи мазкур зиёд намудани андози боҷи давлатиро барои анҷом додани тасдиқи ваколатномаҳои ҳуқуқи истифода ва ё ихтиёрдории воситаҳои нақлиёти автомобилӣ барои дигар шахсони воқеӣ ва ҳуқуқӣ аз 2 ба 15 нишондиҳанда барои ҳисобҳо пешбинӣ намудааст. Қабули лоиҳаи мазкур имкон медиҳад, ки хариду фурӯши воситаҳои нақлиёт аз тариқи ваколатнома коҳиш дода шавад.

Мунаввари САФАР,
«Ҷумҳурият» 


Баёни ақида (0)    Санаи нашр: 24.10.2015    №: 213    Мутолиа карданд: 4437

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед