logo

порлумон

ШУКУРҶОН ЗУҲУРОВ: «АЗ ЯК ГЕКТАР 23 СЕНТНЕР ҲОСИЛ ГИРИФТАН АЙБ АСТ»

- Хоҷагиҳои кишоварзӣ соли ҷорӣ аз як гектар замини обӣ ба ҳисоби миёна 23 сентнер ғалла ҷамъоварӣ намуданд, ҳол он ки дар Қазоқистон то 100 сентнер ва аз он ҳам бештар ҳосил ба даст меоранд, - иброз дошт Шукурҷон Зуҳуров, раиси Маҷлиси намояндагони Маҷлиси Олӣ, зимни баррасии лоиҳаи ворид намудани тағйиру иловаҳо ба Қонуни Ҷумҳурии Тоҷикистон «Дар бораи тухмипарварӣ».

Бибидавлат Афзалшоева, вакили Маҷлиси намояндагон, зикр кард, ки мақсади пешниҳоди лоиҳаи мазкур тақвият бахшидани заминаи ҳуқуқии фаъолият дар соҳаи тухмипарварӣ, муайян намудани ваколатҳои мақомоти дахлдор ҷиҳати амалигардонии сиёсати давлатӣ дар ин самт, таҳкими ҷараёни истеҳсол, фурӯш ва истифодаи навъҳои рустанӣ дар кишвар, мушаххассозии истеҳсолкунандагони тухмии гурӯҳҳои аслӣ ва элитаи растанӣ, танзими давлатии санҷиши навъҳо ва ташкили фонди суғуртавии тухмии рустаниҳо мебошад. Лоиҳа аз 13 қисм иборат буда, ба 20 моддаи қонуни мазкур тағйиру илова пешбинӣ гардидааст.
Ҷамила Саидова, муовини вазири кишоварзӣ, гуфт, ки афзун намудани истеҳсоли зироатҳои кишоварзӣ ва баланд бардоштани ҳосилнокии онҳо аз истифодаи тухмиҳои хушсифат вобастагии хеле калон дорад. Вазифаи асосии тухмипарварон таъмини хоҷагиҳо бо тухмиҳои хушсифат, нигоҳ доштани тозагии навъҳо ва хусусиятҳои биологии онҳо мебошад. Ҳалли масъалаи мазкур қабули маҷмӯи тадбирҳо, аз ҷумла офаридани навъҳои серҳосилу устувори зироатҳои кишоварзӣ, истеҳсол, коркард, сертификатсиякунонӣ ва маркетинги тухмиро дар бар мегирад. Тухмипарварӣ на танҳо барои таъмини бозори дохилӣ, балки барои содирот низ нигаронида шуда, имкон медиҳад, ки самаранокии соҳа ва даромаднокии истеҳсолотро моҳиятан баланд бардорад.
Назар ба гуфтаи муовини вазир, соли равон лоиҳаи нави барномаи рушди соҳаи тухмипарвариро дар Ҷумҳурии Тоҷикистон барои солҳои 2016-2020 таҳия намудаанд. Зарурати қабули барномаи нав дар он аст, ки бахши тухмипарварӣ айни замон ба талабот пурра ҷавобгӯ нест. Талаботи хоҷагиҳо бо тухмии сифатан баланд қонеъ гардонда намешавад. Тухмиҳои репродуксионӣ ва сифаташон паст кишт карда мешаванд. Дар бахши хусусӣ бошад, барои тараққӣ додани тухмипарварии тиҷоратӣ заминаи моддӣ намерасад. Ғайр аз ин, заминаи моддӣ - техникии пажӯҳишгоҳҳои илмӣ -тадқиқотии Академияи илмҳои кишоварзӣ, ки ба селексия ва тухмипарварӣ машғуланд, суст буда, талаботи зарурӣ барои тайёр намудани мутахассисони ҷавон дар ин соҳа эҳсос мешавад.
Ҷамила Саидова зикр кард, ки мутахассисони Вазорати кишоварзӣ якҷо бо олимони соҳа барномаи инвеститсионии рушди соҳаи тухмипарвариро таҳия намуда, барои дастгирӣ ба Вазорати рушди иқтисод ва савдо, Кумитаи давлатии сармоягузорӣ ва идораи амволи давлатӣ пешниҳод намуданд. Инчунин, консепсияи рушди соҳаи тухмипарварӣ барои давраи то соли 2030 рӯзҳои наздик ба баррасии Ҳукумати Ҷумҳурии Тоҷикистон пешниҳод мегардад.
Ба андешаи Шукурҷон Зуҳуров, он ҳосиле, ки дар Тоҷикистон мерӯёнанд,  дар муқоиса ба дигар кишварҳо хеле паст буда, ба ягон меъёр рост намеояд. Раиси порлумон тазаккур дод, ки соли 2000-ум ба хоҷагиҳои деҳқонии водии Рашт ва Ховалингу Муъминобод 100 тонна тухмии элитаро, ки аз Ҳолланд ворид шуда буд, тақсим карданд. Ҳамон сол дар Рашту Ҷиргатол аз як гектар то 700 -750 сентнер ҳосили картошка рӯёнданд.
Ба таъкиди ӯ, вазифаи асосии Вазорати кишоварзӣ барнома сохтану маблағ ёфтан ва ташкил намудани хоҷагиҳои тухмипарварист. Вазорат сиёсати соҳаи кишоварзиро пеш мебарад ва он бояд ба соҳаи тухмипарварӣ аҳамияти ҷиддӣ диҳад. Оид ба вазъи соҳа ба Ҳукумати ҷумҳурӣ маълумот пешниҳод намояд. Аз як гектар замини обӣ 23 сентнер ғалла гирифтан айб аст, - иброз дошт Шукурҷон Зуҳуров .

Мунаввари САФАР,
«Ҷумҳурият»


Баёни ақида (0)    Санаи нашр: 28.10.2015    №: 215    Мутолиа карданд: 4659
15.04.2021


ВМКБ. ВОХӮРӢ БО НАМОЯНДАГОНИ МАРКАЗИ ИЛМӢ-ФАРҲАНГИИ РОССИЯ

ВАО: РАИСИ ҶМЧ БА ИШТИРОК ДАР САММИТ ОИД БА ИҚЛИМ МАЙЛ ДОРАД

ҶАҲОН ДАР ЯК САТР

НАВБАҲОР ГУЛ МЕКУНАД

НОҲИЯИ ФИРДАВСӢ. ҲАВАСМАНДГАРДОНИИ ХИЗМАТЧИЁНИ ҲАРБӢ ДАР МАДДИ АВВАЛ

“ПАРВИН”. БЕҲТАРИНҲО ҚАДР ШУДАНД

14.04.2021


ҶАМЪБАСТИ ОЗМУНИ ҶУМҲУРИЯВИИ "САЙРИ ГУЛИ ЛОЛА"

ҲИЛОЛИ АҲМАРИ ТОҶИКИСТОН. КУМАК БА ЗИЁДА АЗ 9300 НИЁЗМАНД БА МУНОСИБАТИ МОҲИ РАМАЗОН

Навидҳои фарҳанг

Табрикоти кайҳоннавардон ба муносибати 60-солагии парвози инсон ба кайҳон

Ҷаҳон дар як сатр

12.04.2021


КИТОБИ «ТОҶИКОН» ДАСТРАСИ СОКИНОНИ НОҲИЯИ САНГВОР ГАРДИД

НУРОБОД ДАР СӢ СОЛИ ИСТИҚЛОЛИЯТ

СУҒД. ФЕСТИВАЛИ ВИЛОЯТИИ «ҲУНАР БЕҲТАР АЗ ЗАР БУВАД» БАРГУЗОР МЕГАРДАД

СУҒД. 420 000 СОМОНӢ ГРАНТ БАРОИ ЗАНОНИ ҲУНАРМАНДУ ЭҶОДКОР

МЕРОСИ ТАЪРИХИЮ ФАРҲАНГӢ. ҲАМОИШИ МУҲИМИ КОРШИНОСОН

«КАДБОНУИ БЕҲТАРИН» МУАРРИФИИ ҒОЛИБОНИ ОЗМУН

ЛИГАИ ОЛӢ

09.04.2021


ТОҶИКИСТОН ВА АМА. ГУСТАРИШУ ТАҲКИМИ ҲАМКОРИҲО ТАЪКИД ШУД

ОЛМОН БО РОССИЯ ОИД БА ДАРЁФТИ «СПУТНИК V» МУЗОКИРОТ МЕГУЗАРОНАД

ҶАҲОН ДАР ЯК САТР

08.04.2021


ТОҶИКИСТОН – МАҶОРИСТОН. САҲИФАИ НАВИ ҲАМКОРӢ БОЗ ШУД

САРВАРИ ВКХ ПОКИСТОН РОССИЯРО ОМИЛИ УСТУВОРӢ ДАР МИНТАҚА ВА ҶАҲОН НОМИД

ҶАҲОН ДАР ЯК САТР

ТАСВИРИ ОБ ДАР АСАРҲОИ РАССОМОНИ ТОҶИКИСТОНӢ

«ХУҶАСТА БОД ИСТИҚЛОЛ!»

Мулоқоти Сироҷиддин Муҳриддин бо Армида Салсия Алишаҳбана

МАГНОЛИЯ. НИҲОЛИ НОДИР ДАР ХУҶАНДИ БОСТОН

07.04.2021


МИСГАРӢ — БОЗГӮИ РАМЗҲО ВА АНЪАНАҲОИ МАРДУМӢ

«ТЕРРОРИЗМ РЕЛИГИОЗНЫХ ЭКСТРЕМИСТОВ...»

Лавров: «СММ низоъҳоро дар дунё муваффақона ба низом меоварад»

ҶАҲОН ДАР ЯК САТР

ФУТБОЛ

06.04.2021


ВМКБ. НАҚШАИ ДАЪВАТ ДАР ЯК РӮЗ ИҶРО ШУД

ИШКОШИМ. ҒОЛИБОН БА НОҲИЯ БАРГАШТАНД


Дар сомонаҳои дигари Тоҷикистон хонед