logo

мулоқотҳо

Президенти Тоҷикистон ба Ҳукумати Швейтсария арзи сипос кард

14 май  Президенти Ҷумҳурии Тоҷикистон Эмомалӣ Раҳмон директори иҷроияи гурӯҳи Бонки ҷаҳонӣ Мишел Мордасиниро, ки аз ҷониби Ҳукумати Швейтсария Тоҷикистонро дар Бонки ҷаҳонӣ намояндагӣ мекунад, ба ҳузур пазируфт.

Сардори давлат Эмомалӣ Раҳмон ба Мишел Мордасинӣ ва Ҳукумати Швейтсария барои намояндагии Тоҷикистон дар Бонки ҷаҳонӣ ва Хазинаи байналмилалии асъор ва ҳамчунин баҳри дастгириҳои зиёди молиявию техникӣ аз ҷониби  Швейтсария  арзи сипос намуд.
Дар мулоқот оид ба дастгирии тадбирҳои Ҳукумати Ҷумҳурии Тоҷикистон  баҳри коҳиш додани таъсири бӯҳрони ҷаҳонии молиявию иқтисодӣ ва натиҷаҳои мулоқот бо намояндагони созмону кишварҳои мададрасон, ки 13 май баргузор гашт, гуфтугӯи судманд сурат гирифт.
Аз натиҷаи мулоқоти роҳбарони сохторҳои дахлдори Тоҷикистон бо намояндагони созмонҳою кишварҳои мададрасон, ки мутобиқи он кӯмакҳои иловагии молиявию техникии зиёд барои татбиқи амалии барномаи зиддибӯҳронии  Ҳукумати Ҷумҳурии Тоҷикистон бояд ҷудо гарданд, изҳори қаноатмандӣ  шуд.
Ҷонибҳо ҳамчунин оид ба рафти ислоҳоти иқтисодӣ, беҳтарсозии фазои сармоягузорӣ, дастгирии соҳибкории хусусӣ, ҳаллу фасли қарзҳои хоҷагиҳои пахтакор ва  доир ба азхуднамоии захираҳои фаровони обию энергетикии Тоҷикистон баҳри таъмини рушди бонизоми иқтисодиёти кишвар ва густариши ҳамкориҳои минтақавӣ гуфтугӯ намуданд.

www.president.tj

Мишел Мордасинӣ, директори иҷроияи гурӯҳи Бонки ҷаҳонӣ, ки аз ҷониби Ҳукумати Швейтсария Тоҷикистонро дар бонки мазкур намояндагӣ мекунад, баъд аз мулоқот бо Эмомалӣ Раҳмон, Президенти Ҷумҳурии Тоҷикистон, андешаҳояшро ба намояндагони воситаҳои ахбори омма чунин иброз дошт:
-Мо бо ҷаноби Президент асосан масъалаҳои вобаста ба бӯҳрони ҷаҳонии молиявӣ ва таъсири манфии он ба иқтисодиёти Тоҷикистонро мавриди баррасӣ қарор додем.
Дар мулоқот, инчунин барномаи зиддибӯҳронии Ҳукумат, тадбирҳои дар ин самт аз ҷониби ҳайати иқтисоддонҳои кишвар андешидашуда ва масъалаҳои характери дарозмӯҳлатдошта, аз ҷумла он масоиле, ки ба рушди энергетика дар Тоҷикистон дахл доранд, ҳамаҷониба матраҳ гаштанд.
Мишел Мордасинӣ иброз дошт, ки Хазинаи байналмилалии асъор дар бораи ба Тоҷикистон ҷудо кардани 120 миллион доллар санади дахлдор ба имзо расондааст. Ҳамзамон Комиссияи Аврупо тасмим гирифтааст, ки рӯзҳои наздик барои дастгирии кишвари мо маблағи муайян тахсис диҳад. Ба ин мақсад Бонки ҷаҳонӣ низ 20 миллион доллар ҷиҳати дастгирии Буҷети давлатӣ ҷудо хоҳад кард.
Бо итминон метавон гуфт, ки Ҳукумати Ҷумҳурии Тоҷикистон барои беҳтаршавии вазъият ва ҷалби бештари сармояи хориҷӣ ба иқтисодиёти кишвар тадбирҳои муассир андешидааст. Бонки ҷаҳонӣ ба воситаи сохторҳои худ, яъне созмонҳои байналмилалии молиявӣ барои амалӣ гаштани ин тадбирҳо мусоидат мекунад.

Додоҷон Рӯзиев, «Ҷумҳурият»


Баёни ақида (0)    Санаи нашр:    №:    Мутолиа карданд: 496

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид


Дар сомонаҳои дигари Тоҷикистон хонед