logo

ҳуқуқ

ЯК БАҲСИ МАНЗИЛ ҚАРИБ 9 СОЛ БОЗ ҲАЛЛИ ХУДРО НАМЕЁБАД. ЧАРО?

Қариб нуҳ сол мешавад, ки баҳси манзил байни ман ва шаҳрванд Навотой Расулова идома дорад. Ҳар дафъа суд ҳақиқатро ошкор намуда, ба ман тааллуқ доштани манзилро муайян месозад, вале иҷрочиёни суд корро сар накарда, суди зинаи дигар ҳалномаро рад мекунад.
Ман 22 декабри соли 1992 аз кӯчаи Афзалии пойтахт ба маблағи 250 000 рубл хона харида, ба бародарам Имом Саидов, ки он вақт дар кӯчаи Костюка - 8 (ҳоло кӯчаи Муллоёри Ванҷӣ) иҷоранишин буд, муваққатан супурдам. Бародарам соли 1994 бо маслиҳати кадом манфиатҷӯе хонаро пинҳонӣ аз ман бо тартиб додани ҳуҷҷатҳои қалбакӣ харидуфурӯш намудааст.
Соли 2007 ба Прокуратураи генералӣ ариза пешниҳод кардам. Дар натиҷа хатшинос Ямакова тасдиқ кард, ки дар ҳуҷҷати қалбакӣ бародарам ба ҷои ман имзо гузоштааст. 29 июли соли 2008 суди ноҳияи Шоҳмансур маро соҳибмулк ҳисобида, ҳалнома баровард. Суди шаҳри Душанбе низ 11 сентябри соли 2008 маро соҳибмулк эътироф намуд. Баъд аз ин, судяи суди ноҳияи Шоҳмансур Х. Аҷиков 24 декабри соли 2008 ҳалнома баровард, ки Н. Расулова аз манзили қонунии ман кӯчонда шавад.  Пас  аз  шикояти  нав-батии Н. Расулова собиқ муовини раиси Суди Олӣ Наим Муллоев ва судя Рошиддин Тӯраев ҳалномаи ду зинаро бекор намуда, ба зинаи поёнии суд ирсол намуданд.
Ман 20 апрели соли 2009 дар беморхонаи № 5 бистарӣ будам. Судяи суди ноҳияи Шоҳмансур Зебо Бӯриева масъаларо бе иштироки ман мавриди баррасӣ қарор дода, онро ба манфиати Н. Расулова ҳал кардааст. Яъне, хонаи маро ҳамчун манзили меросӣ ба ӯ додааст.  Вай бо маслиҳати муовини сарнотариуси ноҳияи Шоҳмансур Л. Салимова 5 августи соли 2009 ба Н. Расулова шаҳодатномаи ҳуқуқ ба мерос додааст.
Баъди шикояти навбатии ман суди ноҳияи Шоҳмансур муайян кард, ки шартномаи харидуфурӯши манзили баҳсӣ, ки 10 июни соли 1994 таҳти феҳристи № 9 Д – 489 дар идораи 1-уми нотариалии давлатии шаҳри Душанбе ба қайд гирифта шудааст, бо роҳи сохтакорӣ баста шуда, дар он ман имзо нагузоштаам.
Бародарам Имом Саидов соли 2008 вафот кард. Вале Н. Расулова баъди вафоти ӯ барои гирифтани хонаи мазкур ҳуҷҷатҳоро бо роҳи қалбакӣ дар САҲШ ноҳияи Шоҳмансур тартиб дода, 13 декабри соли 2013 худро дар никоҳи бародарам, марҳум И. Саидов даровард. Ҳол он ки ӯ аз соли 1972 бо Ҷалилова (Саидова) Фотима дар ноҳияи Варзоб (собиқ ноҳияи Ленин) ақди никоҳи қонунӣ дошт ва то ҳол никоҳашон бекор нашудааст. Бо эътирози прокурори ноҳияи Шоҳмансур У. Каримов судяи суди ҳамин ноҳия Х. Ашӯров ақди никоҳи ғайриқонунии Н. Расулова ва И. Саидовро аз 1 июли соли 2014 беэътибор ҳисобид.
Ман ба прокурори генералӣ муҳтарам Юсуф Раҳмонов аз болои муовини сарнотариуси ноҳияи Шоҳмансур Л. Салимова аризаи шикоятӣ навишта, хоҳиш намудам, то маълум намоянд, ки Н. Расулова соли 2011 бо кадом роҳ фарзандонашро аз насаби Расулова ба Саидов гузарондааст? Ҳол он ки никоҳи қалбакӣ 13 декабри соли 2013 нишон дода шудааст. Магар фарзандони ӯ ду сол пеш аз никоҳ таваллуд шудаанд?! Мантиқ куҷост? Ақди никоҳи ғайриқонуниашон аз 1 июли соли 2014 бекор эълон гардидааст.
11 феврали соли 2014 судяи суди ноҳияи Шоҳмансур Ҷ. Азиз маро бори дигар соҳибмулк эътироф карда буд. Аммо суди шаҳри Душанбе аз 15 майи соли 2014 бо сабабҳои барои ман номаълум  ҳалномаро бекор карданд. 
Дар тӯли нуҳ сол ин бори аввал нест, ки баъзе намояндагони мақомоти ҳифзи ҳуқуқ барои гирифтани манзили қонуниам чунин бозиҳоро нисбат ба ман раво мебинанд. Ҳар дафъа муфаттишу судяҳо «маслиҳат» медиҳанд, ки ба зинаи поёнӣ ё болоии суд муроҷиат намоям. Ин дар ҳолест ки аз зинаи поёнӣ то болоӣ дар 8 ҳалнома муайян шудааст, ки ман соҳибмулкам.  Модоме чунин аст, пас чаро маро ин қадар сарсону саргардон мекунанд?

Умаралӣ САИДОВ,
 сокини маҳаллаи Ҳаёти Нави шаҳри Душанбе


Баёни ақида (0)    Санаи нашр: 4.11.2015    №: 220    Мутолиа карданд: 521

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ


Дар сомонаҳои дигари Тоҷикистон хонед