logo

фарҳанг

МАСЪУДИ МИРШОҲӢ: «ТОҶИКИСТОН САРВАРИ МАРДУМПИСАНД ВА ТАЪРИХИ ҲАНГУФТ ДОРАД»

Масъуди Миршоҳӣ, узви Академияи илмҳои Тоҷикистон ва раиси Анҷумани тоҷикон ва форсизабонони «Рӯдакӣ» дар шаҳри Парижи Фаронса, ки  дар ҷашни 3000 - солагии Ҳисор ба ҳайси меҳмон дар кишвари мо ҳузур дошт, дар ҷараёни як суҳбати хоса, аз ҷумла чунин гуфт:

- Тоҷикистон  сарвари мардумписанд ва таърихи ҳангуфт  дорад.  Мусоҳибаҳои  Президенти  Тоҷикистон Эмомалӣ Раҳмонро  борҳо  дар  телевизионҳои Фаронса ва  кишварҳои  Аврупо  тамошо кардаам. Ҳарфаш хеле мардумписанд аст. Барои ҳамин тамоми форсизабонони дунё  ӯро дӯст доранд ва сиёсаташро дастгирӣ мекунанд. Форсизабонони Лос- Анҷеллоси Амрико ба ман паёме ба Сарвари давлати Шумо фиристоданд, ки замина фароҳам оварда шавад то ба меҳмонии онҳо ташриф биоранд.  Бубинед чаро дидор ва суҳбати Сарвари давлати Шуморо форсизабонони Амрико мехоҳанд? Чунки сиёсати ӯ мақбули тамоми форсизабонони дунёст.
Форсизабонони дунё муътақиданд, ки Сарвари давлати  Шумо  сиёсатеро  пеш гирифтааст, ки дар он хостаҳои шаҳрвандон дар авлавият қарор дорад.  Эмомалӣ Раҳмон марди шоистаест, ки тавонистааст кишварро дар сатҳи ҷаҳонӣ  муаррифӣ намояд.

- Шумо ба ҳайси меҳмон дар ҷашни 3000 -солагии Ҳисори Шодмон ширкат доштед. Аз умқи таърих барои тоҷикон чӣ навиде овардед?
- Беҳтарин навиди таърихии бостоншиносиро, ки бостоншиносони хориҷӣ таҳқиқ ва таҳлил кардаанд, дарёфт намудаам. Бо номи «Дӯстии археологӣ» дар шаҳри  Фаронса маҷаллае нашр мегардад. Ҳар нашри он махсус  ба як минтақаи ҷаҳон бахшида шудааст. Бостоншиносони фаронсавӣ дар заминаи таҳқиқот ва таҳлилҳо оид ба тамаддуни ин ё он халқҳо маълумоти таърихӣ медиҳанд. Яке аз нашрҳои соли 1993 ба дастам афтод, ки доир ба бостоншиносии  кишварҳои Осиёи Марказӣ иттилоъ додааст. Як қисмати он ба «Асрори фарҳанги Ҳисор»  бахшида шуда буд. Аз ин матолиб хушам омад ва хостам бидонам, ки дар бораи Ҳисор чӣ гуфта шудааст. Онҷо нишонаҳои тамаддуни Ҳисор дарҷ гардидааст. Чаҳор пажӯҳишгари хориҷӣ - яке бо номи Исҳоқов (шояд тоҷик бошад) аз Тоҷикистон  ном бурда, осори бостонии минтақаро ёфта, феҳристи онро таҳия намудаанд. Яке аз нусхаҳои ин маҷалларо ба Осорхонаи Ҳисори Шодмон тақдим кардам. 
Дар осорхонаи шаҳри Париж асари  «Сафарномаҳо»-и ба соли 1800 -  1870  мутааллиқ маҳфуз аст. Як сайёҳи хориҷӣ ба минтақаи Осиёи Марказӣ омада, то ба Ҳисор расида ва аз таъсуроти бардоштааш аз ин сафар асаре бо тасвирҳо таҳия намудааст. Ҳарчанд марзҳои мо ҳазорҳо  фосилаҳо  дурӣ дорад, вале иттилооти таърихии Тоҷикистон аз ҷиҳати  бостоншиносӣ бо аксу тасвир дар бойгонии осорхонаҳои ҷаҳон маҳфузанд ва  онҳоро вохӯрдан мумкин. 

- Шумо раисии Анҷумани тоҷикон ва форсизабонони «Рӯдакӣ»-ро  ба зимма доред. Бигӯед, ки имрӯз Анҷуман дар кадом бахшҳо фаъолият мебарад?
- Тамоми фаъолияти мо муаррифӣ ва ташвиқи фарҳангу адабиёти тоҷикону форсизабонони ҷаҳон аст. Анҷуман зиёда аз даҳ сол аст, ки бунёд ёфтааст ва айни ҳол дар Лондон, Канада, Фаронса, Олмон ва дигар кишварҳои ҷаҳон марказҳои фарҳангӣ дорад. Ҷоизаи адабии Анҷуман дорем, ки ҳар як сол ба донишмандон тақдим мегардад. Соли ҷорӣ  Ҷоизаи адабӣ ба донишманди тоҷик Парвона Ҷамшед супурда шуд.

- Дар Симпозиуми байналмилалӣ  бахшида ба 3000-солагии Ҳисори Шодмон  таҳти  унвони «Нақши Ҳисор дар таърихи  тамаддуни Осиёи Марказӣ»  гуфтед, ки Тоҷикистон  симои худро ба зудӣ иваз карда истодааст…
- Шумо нуқтаи калидии маърӯзаи маро мушоҳида кардаед.  Тоҷикистон Ватани тамоми форсизабонон ва тоҷикони дунёст. Ин нуктаро Сарвари давлати Шумо дар арсаи ҷаҳонӣ таъкид кардааст.
Имрӯз бубинед Қалъаи  Ҳисор тамоман симои дигар гирифтааст. Он ҳамчун ёдгории таърихӣ нигоҳ дошта мешавад. Маркази ноҳияро бинед, ҳама иншоот бо тарҳи ниёкон сохта шудаанд.
Имрӯз Ҳисор монанд ба Бухоро гаштааст. Тоҷикистон тамоми имконҳоро дорад, барои дар қатори кишварҳои сайёҳии ҷаҳонӣ баробар муаррифӣ шуданро дорад. Ин умедро аз Тоҷикистон дорам.

- Ташаккур, хуш омадед ба Тоҷикистон.

Ҳарамгул CАНГОВА,
«Ҷумҳурият»


Баёни ақида (0)    Санаи нашр: 5.11.2015    №: 221    Мутолиа карданд: 507

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед