logo

ҳуқуқ

БАР САРИ МИЖГОН ЧУ АШК ИСТОДАӢ…

Президенти мамлакат муҳтарам Эмомалӣ Раҳмон дар ҳар вохӯриву мулоқот бо мардум таъкид менамоянд, ки дар ин ҷаҳони ноором зиракиву ҳушёрии сиёсиро аз даст надиҳем. Ба доми фиреби ифротгароён наафтем. Ҳамеша худогоҳу худшинос ва меҳандӯсту ватанпараст бошем. Ва, ба гуфтаи Хоҷа Ҳофизи лисонулғайб дар ин «офоқи пур аз фитнаву шар» хеле боидроку дурандеш мебояд буд. Вагарна ба қавли Ҳазрати Бедил:
Як қадам роҳ аст, Бедил аз ту то домони хок,
Бар сари мижгон чу ашк истодаӣ,ҳушёр бош.
Оре, қисмати даҳҳо нафар ҷавони ғофилу гумроҳи  тоҷик чун Нусрат Назаров, ки бо номи Абухолиди  Кӯлобӣ дар Сурия кушта шуду зану фарзандонаш дар мулки ғарибӣ сарсону саргардонанд ва сарнавишти талхи Аҳкомиддин Шарифов, ки мехост ба ин кишвар рафта, ба сафи ҷангиёни «Давлати исломӣ» пайвандад, барои дигарон дарси ибрат бояд бошанд.
Аҳкомиддин Шарифов соли 2012 мактаби таҳсилоти миёнаи умумии № 33-и ноҳияи Нурободро хатм намуда, бинобар вазнин будани шароити моддии оилавӣ ба шаҳри Маскави Федератсияи Русия рафта, дар сохтмон кор кард. Баъд, тахминан моҳҳои октябр - ноябри соли 2014 ба шаҳри Екатеринбург, назди бародаронаш Илҳомиддин ва Қамариддин омад. Дар ин ҷо кори ба табъи дилаш чандон мувофиқ наёфт магар, ки дар сомонаи интернетии «Одноклассники» саҳифаеро бо номи «Аҳкомиддин Зайналобуддинович» кушод. Вақти зиёди худро ба воситаи пайёмакҳо сарфи суҳбат бо шиносҳо ва ҳамсинфонаш менамуд. Наворҳои видеоии аъзои гурӯҳи «Давлати исломӣ»-ро дида, дар дилаш хоҳиши ба Сурия рафтану ҷиҳод кардан пайдо шуд. Рӯзе ба назди Исо Одинаев, сокини деҳаи Калназари ноҳияи Нуробод омада, гуфт, ки бекор асту мехоҳад дар яке аз мадрасаҳои Туркия таҳсил намояд. Исо ба ӯ ваъда дод, ки дар ин кори хайр ёрии худро дареғ намедорад.
- Дар Истамбул як хешам дар мадраса ба ноболиғон дарс медиҳад, ба вай занг мезанам, ӯ туро  пешвоз гирифта, масъаларо дар ҷояш ҳал менамояд, - иброз дошт Исо Одинаев.
Ҳамин тавр, Аҳкомиддин 26-уми апрели соли 2015 бо тайёраи самти Екатеринбург-Маскав -Истамбул ба Туркия парвоз намуд. 
Дар мадрасаи «Фотеҳ» ба гирифтани таълимоти динӣ сар карда, баъди ду моҳи таҳсил ба воситаи барномаи интернетии «Зелло» бо Абдулло Кумик, шаҳрванди Туркия, шинос шуд. Хоҳиш намуд, ки ӯро ба Сурия расонад. Абдулло моҳи майи соли 2015 ӯро бо Ойиша ном зани доғистонӣ ба шаҳри Газантеп фиристод. Онҳоро ба манзили истиқоматие оварданд, ки дар он ҷо чор шаҳрванди Индонезия, як шаҳрванди Ӯзбекистон бо номи Абдулло ва як нафар аз давлати Миср ҳузур доштанд. Дар он ҳавлии истиқоматӣ шабро рӯз карданд. Шахсони барояшон ношинос Аҳкомиддин ва дигаронро ба шаҳри Килис бурданд. Ҳамон рӯз бо сабабҳои барояшон номаълум аз сарҳад гузашта натавонистанд. Баъди ду рӯз ба самти шаҳри Урфа, ки бо Сурия ҳамсарҳад аст, раҳсипор шуданд. Мувофиқи ваъдаи роҳбаладон ӯ ва Ойиша бояд аз сарҳад мегузаштанд. Вале онҳоро дар вокзали шаҳри Урфа кормандони полис дастгир намуданд. Дар ниҳояти кор, 26 июни соли 2015 Аҳкомиддинро аз Туркия ба Тоҷикистон истирдод карданд.
Вай медонист, ки ин кирдораш аз доираи қонун берун аст, вале тавре иқрор шуд, мехостааст ба Сурия рафта, бар зидди кофирон ҷиҳод намуда, дар ҳамин роҳ шаҳид шавад. Вай аслан фикри ба Тоҷикистон баргаштанро дар сар надоштааст. Ба ӯ барои ҷиҳод намудан дар Сурия ягон кас, аз ҷумла Абдулло Кумик низ маблағи пулӣ ваъда надодаанд.  Аҳкомуддин Шарифов дар ҷинояти содиршуда худашро пурра гунаҳгор ҳисобида, аз кардааш сидқан пушаймон мебошад.
10 августи соли 2015 суди ноҳияи Нуробод дар ҳайати раисикунанда Н. Лоиқзода ва айбдоркунандаи давлатӣ Ҳ. Икромов ба Аҳкомуддин Шарифов мувофиқи моддаҳои 32 қисми 3 - 401 прим 1 Кодекси ҷиноятии Ҷумҳурии Тоҷикистон бо дастрасии моддаи 64 қисми 3-и Кодекси ҷиноятии Ҷумҳурии Тоҷикистон ба муҳлати 13 сол ҷазои маҳрум сохтан аз озодӣ бо адо намудани ҷазо дар колонияи ислоҳии дорои низоми сахт таъйин кард.

Раҷабалӣ ТАҒОЕВ,
прокурори калони Раёсати назорати иҷрои қонунҳо дар мақомоти корҳои
дохилӣ ва назорати маводи нашъаовари Прокуратураи генералӣ,
Мунаввари САФАР,
«Ҷумҳурият»


Баёни ақида (0)    Санаи нашр: 6.11.2015    №: 222    Мутолиа карданд: 821

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист


Дар сомонаҳои дигари Тоҷикистон хонед