logo

мулоқотҳо

ТАВСЕАИ ҲАМКОРИҲО БО ИТТИҲОДИ АВРУПО

Эмомалӣ Раҳмон, Президенти Ҷумҳурии Тоҷикистон, 5 ноябр ҳайати Порлумони Иттиҳоди Аврупоро, ки таҳти роҳбарии Ивета Григуле ба кишвари мо ташриф овардаанд, ба ҳузур пазируфт.

Бино ба иттилои Хадамоти матбуоти Президенти Ҷумҳурии Тоҷикистон, зимни мулоқот Сарвари давлат аз сатҳ ва муҳтавои ҳамкории Тоҷикистону Иттиҳоди Аврупо, аз ҷумла бо Порлумони Иттиҳоди Аврупо изҳори қаноат карда, рушди ҳамкории иқтисодӣ ва ҳалли мушкилоти амниятиро аз масъалаҳои муҳим арзёбӣ кард, ки дар раванди муносибот авлавияти хос доранд. «Тоҷикистон аз рӯзҳои аввали ба даст овардани Истиқлолияти давлатӣ ҷонибдори боэътимоди ҳамкории фарох бо Иттиҳоди Аврупо ва робитаҳо бо Аврупо ба сифати яке аз самтҳои афзалиятноки сиёсати хориҷии кишвари мо пазируфта шудааст», - таъкид доштааст Эмомалӣ Раҳмон.
Рушди ҳамкорӣ дар бахшҳои бунёдии иқтисоди Тоҷикистон, назири энергетика, саноат, кӯҳкорӣ ва кишоварзӣ аз мавзӯҳои меҳварии суҳбати Эмомалӣ Раҳмон бо ҳайати Порлумони Иттиҳоди Аврупо арзёбӣ мешавад.
Ивета Григуле, роҳбари ҳайат, баъд аз мулоқот бо Эмомалӣ Раҳмон, Президенти Ҷумҳурии Тоҷикистон, дар суҳбат бо хабарнигорон Тоҷикистонро шарики боэътимоди Иттиҳоди Аврупо дар Осиёи Марказӣ унвон кард. - Таҳкими амнияти марзҳо аз масоили муҳиме буд, ки дар мулоқоти мо бо ҷаноби Президент ба он таваҷҷуҳи зиёд зоҳир гардид. Иттиҳоди Аврупо дар мубориза бо терроризм ва таҳкими амният ҳамеша дар канори Тоҷикистон хоҳад буд, - изҳор дошт Ивета Григуле. Ӯ бо ситоиш аз равобити ҳасанаи Тоҷикистон бо Иттиҳоди Аврупо иттиллоъ дод, ки  дар самти таҳкими ҳифзи сарҳади давлатӣ, назорати қочоқи маводи мухаддир ва дигар масъалаҳои мавриди назар барномаҳои вижаи ҳамкорие таҳия шудаанд, ки татбиқи онҳо на танҳо ба манфиати Тоҷикистон, балки минтақаву ҷаҳон, аз ҷумла Иттиҳоди Аврупо  хоҳад буд.
- Иттиҳоди Аврупо ба татбиқи лоиҳаҳои энергетикии Тоҷикистон таваҷҷуҳи хос дорад, зеро иҷрои тарҳҳои энергетикӣ дар баробари ҳалли мушкилоти иҷтимоии ин кишвар, ба минтақа, бахусус Афғонистон мусоидат хоҳад кард,- изҳор дошт Ивета Григуле, роҳбари ҳайати Порлумони Иттиҳоди Аврупо.

Фирӯзи РАҲМОНИЁН,
«Ҷумҳурият»


Баёни ақида (0)    Санаи нашр: 6.11.2015    №: 222    Мутолиа карданд: 652

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад


Дар сомонаҳои дигари Тоҷикистон хонед