logo

ҳуқуқ

КОРНАМОӢ, МАТОНАТ ВА ШУҶОАТ

Мақомоти корҳои дохилӣ масъулиятеро ба дӯш дорад, ки басо ҳассос ва дар бисёр маврид сангин аст. Ин аст, ки ҷомеа ба нақши милитсия дар таҳкиму пойдории сулҳу суботи кишвар, ҳифзи тартиботи ҷамъиятӣ баҳои баланд дода, ба заҳмати кормандони мақомоти корҳои дохилӣ ҷиҳати таъмини бехатарӣ ва оромии сокинон эҳтиром мегузорад.
Хабарнигорамон дар суҳбат бо Абдулло Навҷувонов, муовини вазири корҳои дохилӣ, генерал-майори милитсия, паҳлуҳои гуногуни фаъолияти кормандони ин ниҳодро дар миён гузошт, ки фишурдаи он манзур мегардад.
Нахуст перомуни ислоҳот ва тавонмандии мақомоти корҳои дохилӣ, вазифаҳои меҳварии он суол матраҳ шуд, ки посухаш чунин буд:

- Сол ба сол неру ва иқтидори Вазорати корҳои дохилӣ афзуда, сатҳи дониш ва малакаи касбии ҳайати шахсӣ боло меравад. Дар баробари ин, масъулияти корӣ дар фаъолияти хизматӣ афзуда, он тақозо менамояд, ки барои расидан ба ҳадафҳо бояд аз корманди қаторӣ то афсари олирутба масъулиятшинос, ватандӯст ва ифтихори баланди миллӣ дошта бошанд.
Мусаллам аст, ки расидан ба Истиқлолияти давлатӣ саҳифаи наверо дар таърихи милитсияи тоҷик оғоз намуд ва шароит фароҳам овард, ки кормандони он бо дарки баланди худшиносии миллӣ ва ватандӯстӣ баҳри ҳимояи ин неъмати гаронбаҳо камар банданд. Маҳз бо дастгириву ғамхории пайвастаи Президенти кишвар муҳтарам Эмомалӣ Раҳмон дар даврони истиқлолият мақомоти корҳои дохилӣ ба як ниҳоди боэътимод, кафили амнияти дохилии кишвар ва фаъолтарин сохтори қудратии давлат мубаддал гардид. Он дар муқовиматҳои шадиди ҷанги шаҳрвандӣ ва муборизаҳои пай дар пай ба муқобили гурӯҳҳои мусаллаҳи ҷиноятпеша, террористон, қочоқчиёни маводи мухаддир ва яроқу аслиҳа обу тоб ёфта, таҷрибаи бойи касбӣ пайдо кард.
Сарвари давлат дар Паём ба Маҷлиси Олӣ аз 20 апрели соли 2012 вобаста ба гузарондани ислоҳот дар соҳа гуфта буданд: «Бо мақсади беҳтар намудани фаъолияти мақомоти корҳои дохилӣ, такмили сохтори он, мутобиқ намудани фаъолияти мақомот ба талаботи замони муосир ва меъёрҳои асноди ҳуқуқи байналмилалӣ, инчунин, наздик намудани фаъолияти мақомот бо ҷомеа «Барномаи ислоҳоти милитсия» ва Қонуни Ҷумҳурии Тоҷикистон «Дар бораи политсия» таҳия ва пешниҳод карда шаванд».
Дар партави иҷрои ин нишондод, Ҳукумати Ҷумҳурии Тоҷикистон бо Созмони амният ва ҳамкорӣ дар Аврупо Ёддошти тафоҳум ба имзо расонд. Баъдан, ҷиҳати муайянсозии ҳадафҳо, афзалият ва тадбирҳо оид ба ислоҳот ва рушди милитсия, бо Фармони Президенти Ҷумҳурии Тоҷикистон аз 19 марти соли 2013 “Стратегияи ислоҳоти милитсия барои солҳои 2013 – 2020” тасдиқ гардид. Бо мақсади татбиқи стратегияи мазкур барномаи вижае қабул гардида, татбиқи он таҳти роҳбарии вазири корҳои дохилӣ Рамазон Раҳимзода ба роҳ монда шудааст. 
Дар доираи татбиқи барнома, фаъолияти мақомот фарогир шуда, ба хадамоти шабонарӯзӣ мубаддал мегардад. Аз ҷониби милитсия дар як вақт бо дарназардошти вазифаи асосӣ-таъмини тартиботи ҷамъиятӣ, амнияти шаҳрвандон, инчунин пешниҳоди хизматрасониҳои иҷтимоӣ ба аҳолӣ, ёрии таъҷилии тиббӣ, равоншиносӣ, ҷустуҷӯи одамони гумшуда, ёрӣ ба ронандагоне, ки дар роҳ дар вазъияти душвор мондаанд ва ҳатто наҷот додани ҳайвонот пешбинӣ шудааст.

- Ин ё он ниҳод дар сурате фаъолияти бенуқсон ва муваффақона анҷом медиҳад, ки нисбат ба кормандонаш ғамхориҳои иҷтимоӣ зоҳир гардад. Кормандони мақомоти корҳои дохилӣ аз кадом дастгириҳо бархӯрдоранд?
- Бо дастгирию ғамхории Президенти кишвар муҳтарам Эмомалӣ Раҳмон дар соли 2014 барои кормандони мақомоти корҳои дохилӣ 235 қитъаи замин ҷудо гардида, 26 хонаи хизматӣ ва 50 манзили зист дар бинои 9-ошёна мавриди истифода қарор дода шуд.
Бо мақсади дастгирии ятимон, бепарасторон, фарзандони бесаробонмондаи оилаҳои кормандони мақомоти ҳифзи ҳуқуқ, сохторҳои қудратӣ ва дигар шаҳрвандон, соли 2014 бо Қарори Ҳукумати Ҷумҳурии Тоҷикистон Муассисаи давлатии таълимии «Коллеҷи милитсияи Вазорати корҳои дохилии Ҷумҳурии Тоҷикистон» дар шаҳри Кӯлоб таъсис ёфт, ки дар он беш аз 300 нафар ба таълим фаро гирифта шудааст.
Бо мақсади дастгирӣ ва ғамхорӣ ба собиқадорон, нафақахӯрон, иштирокчиёни ҶБВ, оилаҳои кормандони милитсия, ки ҳангоми адои хизмат фавтидаанд, инчунин маъюбону бепарасторон, соли 2014 беш аз 900 ҳазор сомонӣ ва дар соли равон зиёда аз 1 миллиону 269 ҳазор сомонӣ ёрии моддӣ расонда шуд.
Дастгириву ғамхориҳои пайвастаи Сарвари давлат ҷиҳати беҳтар намудани шароити хизматрасонӣ ва дастгирии моддиву маънавии ҳайати шахсӣ ҳар як фарди бонангу номус ва содиқ ба ин Ватанро водор месозад, ки дар иҷрои вазифаҳои хизматии хеш боз ҳам ҷиддитару бомасъулият муносибат намояд.
Гузашта аз ин, ҷиҳати фаъолияти босамар 48 бинову иншооти замонавии мақомоти корҳои дохилӣ сохта ба истифода дода шуд. Зиёда аз 400 компютер бо таҷҳизоти лозимӣ ва дигар дастгоҳҳои техникӣ, инчунин наздик ба 100 нақлиёти хизматии сабукрав, боркаш, махсус ва сӯхторхомӯшкунӣ ҷудо шуданд.
Ин дастгириву ғамхориҳо ба хотири ранҷу заҳмати шабонарӯзии кормандони милитсия дар таъмини суботу оромӣ, ҳифзи тартиботи ҷамъиятӣ ва мубориза бо ҷинояткорӣ мебошад.

- Доир ба пешгирии амалҳои ҷинояткорӣ, тахрибкорию ифротгароӣ аз ҷониби кормандони мақомоти корҳои дохилӣ кадом далелҳоро метавонем манзури хонанда гардонем?
- Дар нуҳ моҳи соли равон 16 ҳазору 700 ҷиноят аз тарафи мақомоти ҳифзи ҳуқуқ сабт шуда, ошкоршавии он 88,1 дарсадро ташкил медиҳад. Инчунин, 12 гурӯҳи муташаккили ҷиноятӣ дар ҳайати 100 нафар барои содир кардани 208 ҷиноят муайян ва боздошт гардиданд. Дар натиҷаи гузарондани чорабиниҳои оперативӣ - ҷустуҷӯӣ ҷузъу томҳои вазорат 167 узви ташкилоти террористӣ ва экстремистиро дастгир карданд.
Бахусус, корнамоӣ, матонат ва шуҷоати кормандони мақомоти ҳифзи ҳуқуқ бобати пешгирӣ ва торумор намудани гурӯҳи террористӣ таҳти роҳбарии Абдуҳалим Назарзода, ки бо мақсади халалдор намудани суботи кишвар шӯриш карданд, қобили тавсиф аст.
Дар ин маврид бояд таъкид намуд, ки мубориза алайҳи ҳама гуна зуҳурот ва амалҳои ҷиноятӣ аз самтҳои афзалиятноки фаъолияти мақомоти корҳои дохилӣ мебошад.

- Ҳамкории милитсия бо ҷомеаи шаҳрвандӣ ва ё иштироки шаҳрвандонро дар таъмини тартиботи ҷамъиятӣ чӣ гуна метавон арзёбӣ кард?
- Дар доираи талаботи Қонуни Ҷумҳурии Тоҷикистон «Дар бораи иштироки шаҳрвандон дар таъмини тартиботи ҷамъиятӣ» аз тарафи нозирони минтақавии милитсия барои ҳамкорӣ 4919 нафар корманди ғайриштатӣ ҷалб гардид. Дар давоми 9 моҳи соли равон дар ҳамкорӣ бо шаҳрвандон 2155 ҷиноят ва бо ёрии кормандони ғайриштатӣ 444 ҷиноят ошкор шудааст.
Баъди ба тасвиб расидани Фармони Президенти Ҷумҳурии Тоҷикистон «Дар бораи тадбирҳои баланд бардоштани нақши нозирони минтақавии милитсия дар таъмини тартиботи ҷамъиятӣ ва тавсеаи ҳамкории онҳо бо аҳолӣ» дар ҷумҳурӣ 134 минтақаи хизматии милитсия таъсис ёфт.
Ба манзури боз ҳам тақвият бахшидани фаъолияти мақомоти корҳои дохилӣ бо аҳолӣ, дар вазорат телефони “Боварӣ”-и вазири корҳои дохилӣ ва сомонаи интернетӣ фаъолият доранд.
Бояд  зикр  кард,  ки нишондодҳои мусбати фаъолияти милитсияи тоҷикро пурсиши дар байни аҳолии 141 кишвари олам гузарондаи нашрияи бонуфузи “The Independent” (Британияи Кабир) аз 26 октябри соли 2015 низ тасдиқ карда, Ҷумҳурии Тоҷикистонро дар қатори 10 кишвари бехатари олам арзёбӣ кардааст.

Фирӯзи РАҲМОНИЁН,
“Ҷумҳурият”


Баёни ақида (0)    Санаи нашр: 10.11.2015    №: 223    Мутолиа карданд: 796

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед