logo

фарҳанг

МО ХОРИ БАЧАГОНА НАДОРЕМ. ЧАРО?

Дар тамоми кишварҳои мутамаддини дунё барои рушду густариши мусиқии касбии миллӣ ва ҷаҳонӣ тарбияро аз боғчаи бачагона шурӯъ мекунанд. Барои ин барномаҳои махсус қабул ва аз рӯи дастурҳои методӣ амал менамоянд, албатта, бо ҷалби мутахассисони ҳирфавии соҳа. Ва ин дар таҷрибаи онҳо самараи нек овардааст. Ба ҷуз ин нахуст таҷрибаҳои пешқадам аз ҷониби муҳаққиқон мавриди омӯзишу пажӯҳиш ва  баъдан истифода қарор мегиранд. Мусаллам аст, ки мо дар ин масъала «андар хами як кӯчаем». Оре, ҳарчанд ба хушназарӣ бо ифодаи мазкур ба худ хеле ҳам баҳои баланд додаем. Ин дар суратест, ки дар мактабҳои таҳсилоти миёнаи умумӣ низ мутахассисони варзидаро барои таълими дурусти фанни суруду мусиқӣ надорем ва фаъолияти кружокҳои худфаъолро қатъ кардаем. Самараи таҳсил дар мактабҳо ва коллеҷҳои мусиқӣ аз рӯи назари мутахассисони варзидаи соҳа чандон хуб нест. Ҳамин аст, ки бо изҳори нигаронӣ аз нарасидани мутахассисони соҳибистеъдод, хоса дар мусиқии касбии миллӣ ва ҷаҳонӣ ибрози андеша мекунанд ва ҳамзамон пешниҳодҳои ҷолиб месозанд. Яке аз ин мутахассисони варзидаи соҳа Холаҳмади Маҷид, Ҳунарпешаи хал-қии Тоҷикистон, борҳо дар ин хусус тариқи васоити ахбори омма масъалагузорӣ намуда  буд.
Мавсуф зимни суҳбат, аз ҷумла гуфт, ки ба таҳкурсӣ бояд бештар диққат бидиҳем. Агар пойдор нест, бино ҳеҷ пойдор нахоҳад монд. Ба андешаи ӯ, омӯзиш аз хурдсолӣ ба рушди тафаккури кӯдак мусоидат мекунад ва ба тарбияи ахлоқии ӯ таъсири мусбат мерасонад.
Холаҳмади Маҷид ёдовар шуд, ки дар тамоми дигар собиқ ҷумҳуриҳои Иттиҳоди Шӯравӣ хори бачагона таъсис доданд ва он фаъолияти чашмрасу самари нек дорад. Имрӯз дар миёни кишварҳои пешрафтаву соҳибистиқлол мо кишваре маҳсуб меёбем, ки хори бачагона надорем. Аз ин рӯ, ногузир бояд онро ҳарчи зудтар таъсис бидиҳем. Ба андешаи ӯ, таъсиси ин хор дар назди Кумитаи телевизион ва радиои назди Ҳукумати ҷумҳурӣ ё дар назди Филармонияи давлатии Тоҷикистон ба номи Акашариф Ҷӯраев ва ё дар назди Консерваторияи миллии Тоҷикистон ба номи Т.Сатторов ба мақсад мувофиқтар мебошад. Чаро? Чунки ин ҳақиқатро таҷрибаи дигар кишварҳо собит сохтааст.
Ҷалбу тарбияи ин кӯдакон ба мусиқии касбии миллию ҷаҳонӣ ва хорсароӣ ба манфиати кишвару фарҳанги он мебошад. Албатта, дар оянда ин гурӯҳ масъалаи нарасидани мутахассисони касбиро аз миён мебарад ва ҳам он дар тарбияи завқи мусиқифаҳмии мардум саҳми чашмрас гирифта метавонад.
Мавсуф ҳамчунин зикр кард, ки ҳолиё дар баъзе аз чорабиниҳои муҳими фарҳангию сиёсии кишвар гурӯҳи хори бачагонаи мактабҳои махсуси мусиқӣ истифода мегардад. Дар ин сурат ба ҳангоми омодагӣ гирифтан ин донишомӯзону ҳунаромӯзон аз дарсҳо ба ҳукми зарурат озод мешаванд. Яъне, онҳо бо ин ҳол барои аз худ кардани барномаҳои таълимӣ қафо мемонанд, ки, албатта, таъсири манфияш мерасад. Сухан дар бораи дур шудан аз таълим дар хусуси на чанд рӯзи дарсӣ, балки моҳҳо меравад. Агар нек бияндешем, масъала одӣ нест, ба ин навомӯзон як навъ ҷабр аст ва онҳо аз рушду такомул дар пешаи интихобкардаашон боз мемонанд.
Таъсиси хори бачагона ин мушкилоти мавҷударо барҳам мезанад. Дар ин ҳол кӯдакон пас аз таҳсил дар мактабҳо ду ё се соат ба ин хор ҷалб мешаванд ва меомӯзанду омодагӣ мегиранд. Ҳамин тавр, вақт самаранок истифода мегардад ва беҳуда сарф намешавад. Ин ҳам ба фоидаи онҳо ва ҳам ҷомеа аст.
Дар ин хор, ки тавре зикр шуд, дар кишвар таъсисаш бисёр ногузир мебошад, бояд кӯдакони аз 7 то 12 - сола ҷалб гарданд. Фаъолияту омӯзиши пайваста сурат бигирад. Дар барномаҳои консертии онҳо ҳатман аз маҳсули эҷоди композиторони маъруфу шинохта роҳ ёбанд. Мавзӯи сурудҳои онҳо, аз ҷумла Ватан, Тоҷикистони азиз, зебоӣ, бошад.
Албатта, аз рӯи талаботи кишварҳои мутамаддину пешрафтаву соҳибистиқлол ҳатман ин мушкилоти мавҷуда ҳалли дурусту пурраи худро меёбад ва чунин як хор таъсис меёбад. Аммо оне бештар муваффақ мегардад, ки пештар, агарчи на бештар, барои он иқдом меварзад. Оре, чунин аст, «ки пешоҳанг берун шуд зи манзил».

Абдулқодири РАҲИМ,
«Ҷумҳурият»


Баёни ақида (0)    Санаи нашр: 11.11.2015    №: 224    Мутолиа карданд: 607

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед