logo

фарҳанг

ҲИСОР - МАКТАБИ ПАРВАРИШИ ЧОРВОИ ХУШЗОТ

Иқлими нарми ноҳияи Ҳисор дар баробари боғдорӣ барои парвариши чорво, махсусан говҳои хушзот мусоид аст. Президенти кишвар Эмомалӣ Раҳмон моҳи октябри соли 2011 зимни як сафари корӣ ноҳия Ҳисорро минтақаи намунавии таҷрибавӣ барои парвариши говҳои зоти сиёҳало номида буд. Супоришҳои Сарвари давлат чӣ гуна иҷро мешавад? Рафти татбиқи барномаҳои Ҳукумати Ҷумҳурии Тоҷикистон дар бораи рушди зотпарварӣ ва хушзотгардонии чорво дар чӣ вазъ аст? Технологияҳои нави истеҳсолӣ дар бахши чорводорӣ чӣ гуна ҷорӣ мешаванд? Ба ин ва пурсишҳои дигари хабарнигори «Ҷумҳурият»  Шариф Абдуллоев, муовини раиси ноҳияи  Ҳисор, чунин посух дод:

- Рафти иҷрои барномаи мазкур зери назорати доимии мақомоти иҷроияи ҳокимияти давлатии ноҳия ва масъулони бахши чорводорӣ қарор дорад. Саршумори гов то имрӯз дар хоҷагиҳои ҷамъиятӣ ва деҳқонии ноҳия ба 4870 сар расидааст, ки қариб 1600 сари он ҷӯшоӣ мебошад. Натиҷаи кори  пурсамари кормандони хоҷагиҳо буд, ки дар 10 моҳи соли равон аз ҳар як сар модагов 3361 литр шири аълосифат гирифта шуд. Ин дар тамоми мамлакат нишондиҳандаи хуб ба ҳисоб меравад.
Соли 2014 аз ҳар сар гови ҷӯшо 4878 литр шир истеҳсол гардид. Хоҷагиҳои ба номи Латиф Муродов, «Баракати чорводор», ба номи Абдурауф Юсуфов  ва «Самар» бо истифода аз технологияи пешқадами муосир аз ҳар сар гови ҷӯшо  5000 - 6200 литр шир истеҳсол карданд.       
Чорводорони Ҳисор  дар фаровонии неъмати дастурхони сокинону меҳмонони пойтахт ҳиссаи муносиби худро мегузоранд. Ҳар рӯз аз тарафи хоҷагиҳои ҷамъиятӣ ва хусусию инфиродӣ 30  - 35 тонна шир ба  шаҳри Душанбе ворид мешавад.
Қобили зикр аст, ки аввалин шуда дар ҳудуди кишвар хоҷагиҳои чорвопарварии Ҳисор дар истеҳсолот технологияи муосири замонавиро ҷорӣ намуданд. Айни ҳол дар фермаи ширию молии хоҷагии зотпарварии «Баракати чорводор» 2 комплекси замонавӣ, ки ҳар кадом барои 528 сар мол пешбинӣ  шудааст, мавриди баҳрабардорӣ қарор дорад. Инчунин, дар ин хоҷагӣ корҳои нигоҳубин, муоинаи тиббӣ, бордоркунӣ ва наслгирӣ ба воситаи компютер идора карда мешаванд. Бо  таҷҳизоти махсуси говҷӯшӣ дар як вақт 24 сар говро меҷӯшанд. Сохтмони боз як комплекси дигар идома дорад ва дар он ҳамаи корҳои хоҷагидорӣ ба воситаи технологияи муосир идора карда мешаванд.
Чунин комплекси замонавии муосир дар хоҷагии ба номи Абдурауф Юсуфов низ барои 320 сар мол ба истифода дода шуд.  Дар ин ҷо якбора ҷӯшидани 32 сар модагов ба воситаи компютер имкон дорад. Рӯзҳои наздик васл намудани чунин таҷҳизоти замонавӣ дар хоҷагии ба номи Латиф Муродов  дар назар аст.
Бартарии ин навъи таҷҳизот аз он иборат аст, ки дар як вақт кори чанд нафарро иҷро менамояд, сифати маҳсулот нисбат ба кори дастӣ хеле беҳтар ва арзиши аслии он арзон мешавад. Маҳсулот аз ҷиҳати экологӣ тоза  ва сифати он ба талаботи меъёрҳои санитарӣ - эпидемиологӣ ҷавобгӯ аст.
Яке аз самтҳои дигари фаъолияти мо зиёд намудани  саршумори чорво мебошад. То имрӯз хоҷагиҳои ҷамъиятӣ қариб  1000 сар гӯсола  гирифтанд, ки нисбат ба ҳамин давраи соли гузашта 82 сар зиёд аст.
Барои бо хӯрока таъмин намудани чорво хоҷагии ба номи Латиф Муродов дар майдони 295 гектар ҷуворимакка кишт намуд. Деҳқонони хоҷагӣ соли гузашта аз ҳар гектар 80 сентнер дони ҷуворимакка ба даст оварда буданд ва кӯшиш доранд имсол низ ҳосили фаровон ҷамъоварӣ намоянд.
Барои пешравии соҳа айни ҳол мушкиле надорем. Талош мекунем, ки саршумори чорворо зиёд намуда, истеҳсоли ширро аз ҳар сар модагов ба 5500 литр расонем.

Матлубаи АБДУҚАҲҲОР,
 «Ҷумҳурият»    
 


Баёни ақида (0)    Санаи нашр: 20.11.15    №: 231    Мутолиа карданд: 627

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед