logo

ҳуқуқ

ПУРСИШ ВА ПОСУХ

Ба саволҳо Фарҳод Тоҳиров, адвокати Маслиҳатхонаи ҳуқуқии шаҳри Қӯрғонтеппа ва Ғуфрон Бойматов, узви мушовараи адвокатҳои вилояти Суғд ҷавоб доданд.
Зимнан, агар хонандагони гиромӣ пурсише доранд, метавонанд бо телефони 238-54-16 муроҷиат намоянд.

- Ман ва шавҳарам кироягири манзил будем. Қарор дар бораи фурӯхтани хона ба номи шавҳарам қабул шуд. Маблағи арзиши хонаро супурдем, вале аз сабаби вафоти ногаҳонии шавҳарам шартномаи хариду фурӯш баста нашуд. Муддати 23 сол аст, ки хонаро соҳибӣ мекунем. Чӣ тавр ҳуҷҷатгузории манзилро дуруст намоем?
МАЙДАГУЛ,
истиқоматкунандаи шаҳри Қӯрғонтеппа

- Кироягири манзили истиқоматӣ ҳуқуқ дорад, ки хонаи таҳти истифодааш қарордоштаро бо роҳи харидани он ба моликияти хусусӣ табдил диҳад.  Ин муқаррарот дар қисми 6-и моддаи 111-и Кодекси манзили Ҷумҳурии Тоҷикистон пешбинӣ шудааст. Агар байни тарафҳо аз рӯи ҳама шартҳои асосии шартнома созиш ба даст омада бошад, шартнома басташуда дониста мешавад. Аз ин рӯ, агар маблағи арзиши манзил ҳанӯз 23 сол пеш супурда шуда, дар ин давра манзил таҳти истифода ва соҳибии харидор қарор гирифта бошад, он гоҳ шумо ба суд аризаи даъвогӣ оид ба басташуда эътироф кардани шартномаи хариду фурӯш пешниҳод мекунед. Баъди эътибори қонунӣ пайдо кардани ҳалномаи суд ба идораи нотариалии маҳали ҷойгиршавии манзили истиқоматӣ бо ариза оид ба қабули мерос муроҷиат менамоед.

- 2 марти соли 2011 барои содир намудани ҷинояти нашъамандӣ ба муҳлати 2 сол аз озодӣ маҳрум шуда будам. Бо қабули Қонуни Ҷумҳурии Тоҷикистон «Дар бораи авф» 16 - уми октябри соли 2011 ба озодӣ баромадам. Имрӯз фарзанди ман мехоҳад дар сохторҳои қудратӣ кор кунад ва ё дар факултаи ҳуқуқшиносии Донишгоҳи миллӣ таҳсил намояд. Оё ин имкон дорад?
Шодиҷон ГУЛАҲМАТОВ, сокини ноҳияи Восеъ

- Дар хусуси хоҳиши дар факултаи ҳуқуқшиносии Донишгоҳи миллӣ таҳсил намудан ва дар оянда дар мақомоти қудратӣ кор кардани фарзандатон ҳаминро гуфтанием, ки қонунгузории амалкунанда барои таҳсил намудан дар факултаи ҳуқуқшиносӣ ба довталабоне, ки нафаре аз хешовандони наздикашон суд шудааст ё доғи судӣ дорад, ягон намуди маҳдудиятро пешбинӣ накардааст. Аз ҷумла, барои ба мақомоти қудратӣ ба кор қабул шудан низ қонунгузорӣ барои шахсоне, ки хешовандони наздикашон суд шудаанд ё доғи судӣ доранд, маҳдудият нагузоштааст.
Агар фарзанди шумо шахсан барои содир намудани ҷиноят маҳкум нашуда ва ё доғи судӣ надошта бошад, қонунгузорӣ барои дар факултаи ҳуқуқшиносии Донишгоҳи миллӣ таҳсил намудан ва дар оянда барои дар сохторҳои қудратӣ кор карданаш ягон маҳдудият пешбинӣ накардааст.

- Ман дар асоси ҳуҷҷатҳои муайян соҳиби манзили истиқоматӣ будам. Дар давраи дар Федератсияи Русия барои таҳсил рафтанам, шахсони бегона бо тариқи ба суд пешниҳод кардани даъво хонаамро соҳиб шудаанд. Пас аз баргаштан бо қарори суд шинос шудам ва фаҳмидам, ки суд бе иштироки ман ҳуҷҷатҳои ҳуқуқиамро бекор карда, соҳибияти дигар шахсонро ба манзили истиқоматиам эътироф кардааст. Ман чӣ кор бояд кунам?

Худойдод БОЙМУРОДОВ,
аз шаҳри Қӯрғонтеппа, шаҳрванди Федератсияи Русия

- Мувофиқи қонунҳои амалкунандаи Ҷумҳурии Тоҷикистон аз рӯи санадҳои судии қабулнамудаи судҳои зинаи аввал ба судҳои марҳалаҳои кассатсионӣ ва назоратӣ шикоят пешниҳод кардан мумкин аст. Шумо агар аз қарори қабулнамудаи суд норозӣ бошед, метавонед дар доираи муҳлати муқарраршуда бо шикоят ба суди болоӣ муроҷиат намоед. Аммо Кодекси мурофиавии граждании Ҷумҳурии Тоҷикистон тариқи дигари шикояти қарорҳои судиро пешбинӣ кардааст, ки он аз нав баррасӣ намудани ҳалномаи суд вобаста ба ҳолатҳои нав ошкоргардида мебошад. Ариза дар бораи аз нав баррасӣ намудани ҳалномаи суд вобаста ба ҳолатҳои нав ошкоршуда танҳо аз тарафи иштирокчии парванда метавонад пешниҳод гардад. Агар дар парванда шумо ҳамчун иштирокчӣ гузаред, вале суд бо сабабҳои дахлдор бе иштироки шумо масъаларо баррасӣ карда бошад, дар ин ҳолат метавонед оид ба бекор кардани ҳалномаи суд вобаста ба ҳолатҳои нав ошкоргардида ба худи ҳамин суд ариза пешниҳод намоед.
 
Шуъбаи ҳуқуқии рӯзномаи «Ҷумҳурият»


Баёни ақида (0)    Санаи нашр: 20,11,15    №: 231    Мутолиа карданд: 625

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед