logo

ҳуқуқ

БУҶЕТИ ДАВЛАТӢ БАРОИ СОЛИ 2016 ТАСДИҚ ШУД

Ҳаҷми умумии қисми даромади Буҷети давлатии Ҷумҳурии Тоҷикистон барои соли 2016 ба маблағи 18,3 миллиард сомонӣ ба нақша гирифта шуд, ки нисбат ба соли ҷорӣ беш аз 3 миллиард сомонӣ зиёд аст.
Абдусалом Қурбониён, вазири молияи Ҷумҳурии Тоҷикистон, 18 ноябр дар иҷлосияи дуюми Маҷлиси намояндагон зимни баррасии лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2016» ва нишондиҳандаҳои Буҷети давлатӣ барои солҳои 2017-2018 гуфт, ки дар он, пеш аз ҳама, самтҳои стратегияи миллӣ, стратегияи идоракунии молияи давлатӣ барои солҳои 2009-2018, барномаҳои афзалиятноки соҳавӣ, ки Ҳукумати Ҷумҳурии Тоҷикистон қабул намудааст, инчунин дархости вакилони Маҷлиси намояндагон ва пешниҳодҳои мақомоти  ҳокимияти давлатӣ ба инобат гирифта шудааст. Назар ба гуфтаи вазири молия, дар лоиҳаи Буҷети давлатӣ захираҳои молиявии давлатӣ, аз ҷумла маблағҳо барои татбиқи лоиҳаи инвеститсионӣ 3,4 миллиард сомонӣ, маблағҳои махсуси ташкилотҳои буҷетӣ 936,2 миллион сомонӣ, даромади ҷории Буҷети давлатӣ 13,6 миллиард сомонӣ ва грантҳо барои дастгирии Буҷети давлатӣ 348 миллион сомонӣ ба ҳисоб гирифта шудааст. Ҳиссаи ҳаҷми умумии Буҷети давлатӣ дар Маҷмӯи маҳсулоти дохилӣ ба 31,7 дарсад ва даромади ҷории он ба 34,7 дарсад баробар мегардад.
Дар соли 2016 ҳиссагузорӣ аз буҷетҳои маҳаллӣ ба буҷети ҷумҳуриявӣ 1,1 миллиард сомонӣ ба нақша гирифта шудааст, ки нисбат ба соли ҷорӣ 299,1 миллион сомонӣ зиёд мебошад.
Абдусалом Қурбониён зикр кард, ки дар доираи Барномаи стратегияи давлат дар лоиҳаи буҷет барои маблағгузории соҳаи иҷтимоӣ диққати махсус дода шуда, ба ин мақсад 8,3 миллиард сомонӣ бо афзоиши 586,8 миллион сомонӣ равона мегардад. Аз ҷумла, ба соҳаҳои маориф 3,1 миллиард сомонӣ, тандурустӣ 1,3 миллиард сомонӣ, ҳифзи иҷтимоӣ ва таъмини нафақа 3,1 миллиард сомонӣ, фарҳанг 828,3 миллион сомонӣ ва соҳаи илм 76,6 миллион сомонӣ равона мешавад.
Барои маблағгузории афзалияти соҳаҳои воқеии иқтисодиёт, аз ҷумла сохтмони иншооти энергетикӣ, роҳҳои автомобилгард, дастгирии соҳаи кишоварзӣ, азхудкунии заминҳои нав ва беҳтаргардонии ҳолати мелиоративии заминҳо, бо оби нӯшиданӣ таъмин намудани аҳолӣ, инфрасохтори хоҷагии манзилию коммуналӣ ва сохтмони дигар иншооти муҳими давлатӣ дар лоиҳаи буҷет 6,2 миллиард сомонӣ пешбинӣ гардидааст. Аз ҷумла, барои комплекси сӯзишворӣ ва энергетика ба маблағи 4,1 миллиард сомонӣ бо афзоиши 2,1  миллиард сомонӣ, нақлиёт ва коммуникатсия 846 миллион сомонӣ, рушди соҳаи кишоварзӣ 430,2 миллион сомонӣ, хоҷагии манзилию коммуналӣ 661,8 миллион сомонӣ пешбинӣ гардидааст.
Ҷиҳати иҷрои супориши Сарвари давлат барои дастгирии соҳибкорон ва рушди соҳибкории хурду миёна 120 миллион сомонӣ пешбинӣ шудааст. Барои фаъолияти сиёсати берунии ҷумҳурӣ, нигоҳдории мақомоти ҳокимият ва идораи давлатӣ, таъмини бехатарӣ ва мудофиаи кишвар ва ҳиссаи Ҳукумати ҷумҳурӣ дар лоиҳаҳои инвеститсионӣ маблағҳои зарурӣ пешбинӣ гардидаанд.
Ба гуфтаи вазири молия, дар давраи миёнамуҳлат барои дар сатҳи муътадил нигоҳ доштани қарзи берунию дохилӣ дар соли 2016 ба хизматрасонии онҳо 1301,5 миллион сомонӣ, аз ҷумла барои пардохти қарзҳои асосии берунӣ 853, 6 миллион сомонӣ ва пардохтҳои фоизӣ аз рӯи онҳо 270,3 миллион сомонӣ, инчунин хизматрасонии қарзи дохилӣ 177,6 миллион сомонӣ зарур мебошад.
Мунаввари САФАР,
«Ҷумҳурият»


Баёни ақида (0)    Санаи нашр: 20,11,15    №: 231    Мутолиа карданд: 864

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист


Дар сомонаҳои дигари Тоҷикистон хонед