logo

ҳуқуқ

КАМЕРАҲОИ НАЗОРАТӢ БА БЕНАЗОРАТӢ ХОТИМА МЕБАХШАНД

Моҳи октябри соли ҷорӣ ба фаъолияти Маркази автоматикунонии идораи нақлиёт ва тартиботи ҷамъиятии Раёсати бозрасии автомобилии Вазорати корҳои дохилии Ҷумҳурии Тоҷикистон ду сол пур шуд.
Дар ин муддат бо истифода аз таҷҳизоти барномавӣ барои ба таври худкор ба қайд гирифтани вайронкуниҳои қоидаҳои ҳаракат дар роҳ ва назорати тартиботи ҷамъиятӣ шумораи ҳолатҳои баҳсии ронандагон ҳангоми  садамаҳои нақлиётӣ ва ҳуқуқвайронкуниҳои маъмурӣ коҳиш ёфт. Бавижа, наворҳои фаврии ҳаводиси аввали моҳи сентябр, ки аз тарафи камераҳои худкори марказ сабт шудааст, барои ошкор намудани ҳаракатҳои гурӯҳи силоҳбадастони ифротгарои собиқ муовини вазири мудофиаи Ҷумҳурии Тоҷикистон генерал-майор Абдуҳалим Назарзода нақши муассир бозиданд. 
Бино ба иттилои полковник Иброҳим Раҳмонзода, сардори марказ, дар давоми ду соли фаъолият 780 941 ҳолати риоя нагардидани қоидаи ҳаракат дар роҳ ба қайд гирифта шуда, ба воситаи назорати автоматӣ доир ба қоидавайронкуниҳо ба кормандони хатсайрҳои хизматии БДА хабарҳо ирсол гардидааст. Дар натиҷа, нисбат ба 51 491 ронанда протоколи маъмурӣ тартиб дода шудааст. Дар ошкорсозии 86 ҷиноят нақши Маркази автоматикунонии идораи нақлиёт ва тартиботи ҷамъиятӣ муассир буд. Ҳатто ҷиноятҳои чандин солҳо ниҳонбуда, аз қабили автомашинаҳои ҳаракаташон маҳдуд ва дар кофтуков қарордошта дарёфт ва 1190 воситаи нақлиёт ба ҷаримагоҳи БДА интиқол дода шуд. Ба гуфтаи Иброҳим Раҳмонзода, дар бойгонӣ маҷмӯи далелҳо (акс ва наворҳои фаврӣ) доир ба ҳаракатҳои ифротгароёнаи гурӯҳи ҷиноятпешаи Абдуҳалим Назарзода маҳфуз аст, ки мавқеъ ва муҳимияти кори марказро бори дигар нишон дод.
- Аз 4 то 18 сентябри соли равон, ки амалҳои нангини гурӯҳи силоҳбадастон давом дошт, ба воситаи камераҳои назоратӣ ва заҳмати бевоситаи кормандони Маркази автоматикунонии идораи нақлиёт ва тартиботи ҷамъиятӣ истифодаи силоҳи оташфишон аз тарафи қувваҳои зиддиҳукуматӣ бар зидди кормандони ҳифзи ҳуқуқ дар чорроҳаҳо наворбардорӣ шуда, аз 50 автомашина, ки иштирокчиёни ҳодиса аз онҳо истифода мебурданд, 30 ададаш гирифта шуд, - мегӯяд Иброҳим Раҳмонзода.
Ба гуфтаи ӯ, хидматчиёни марказ метавонанд бо тағйир додани реҷаи кории чароғакҳои раҳнамои электронӣ вобаста ба шумораи зиёди воситаҳои нақлиёт ва ҳаҷми кӯчаҳо тамбашавии мошинҳоро дар тамоми қисмати шаҳр аз як нуқта истода пешгирӣ кунанд. Ҳамзамон, барои равуои пиёдагардон, меҳмонҳои олимақом дар рӯзҳои ҷашну маъракаҳо роҳҳои марказиро ба танзим дароранд. Кормандони БДА - ро вобаста ба вазъи бавуҷудомада ба ин ё он шоҳроҳ, хиёбон ва гузаргоҳ сафарбар созанд.
Ҳоло дар шаҳри Душанбе насби 12 адад воситаи техникӣ идома дорад, ки дар оянда суръати ҳаракати воситаҳои нақлиётро автоматӣ ба қайд мегиранд. Ҳар як корманд ҳодисаҳои дар давоми басти хизматиаш баамаломадаро муайян карда, ба патрулҳои хизматӣ хабар мерасонад. Навбатдори марказ ба навору аксҳо ва маълумоти мавҷудаи бойгонӣ ҷавобгар мебошад. 
Чораву тадбирҳои Маркази автоматикунонии идораи нақлиёт ва тартиботи ҷамъиятӣ дар ҳамкорӣ бо Вазорати корҳои дохилӣ сурат мегирад. Аз ҷумла, як силсила барномаҳои таҳлилӣ ба воситаи шабакаҳои телевизионӣ ба намоиш мераванд, ки бинандагони зиёд доранд. Дар ин барномаҳо садамаҳои нақлиётӣ аз бойгонии марказ нишон дода мешаванд, то барои ронандагон дарси ибрат бошад.
Имрӯзҳо бе малакаву сабақи ронандагӣ ва ғофил аз қоидаҳои ҳаракат дар роҳ сари чанбарак нишастани ҷавонон, ҳатто бе огоҳии падару модар мошин рондани онҳо дар меҳвари нигарониҳо қарор гирифтааст. Ин ва дигар ҷиҳатҳои кор ба инобат гирифта шуда, шурӯъ аз 1 ноябри соли равон бо мақсади тарғиби қоидаҳои ҳаракат дар роҳ миёни кӯдакону наврасон, ҳавасмандгардонии хонандагони мактаб, гимназия  ва литсейҳо дар омӯзиши қоидаҳои ҳаракат дар роҳ озмуни ҷумҳуриявии расми беҳтарин таҳти унвони «Шаҳри бехатар аз нигоҳи кӯдакон» давом дорад, ки то 5 декабри соли 2015 идома меёбад.
Бузургмеҳри БАҲОДУР,
«Ҷумҳурият»   


Баёни ақида (0)    Санаи нашр: 23.11.15    №: 232    Мутолиа карданд: 972
16.07.2020


ТОҶИКИСТОН. АЗ COVID - 19 БОЗ 51 КАС ШИФО ЁФТ

САФАРИ ШИРИН ИСМАТУЛЛОЗОДА БА НОҲИЯИ ФАЙЗОБОД

ВОХӮРИИ СИРОҶИДДИН МУҲРИДДИН БО АБДУЛАЗИЗ МУҲАММАД АЛ-БОДИ

ЁВОН. КОНФЕРЕНСИЯ НАҲЗАТИЁНРО МАҲКУМ КАРД

АБДУЛМАҶИД МУМИНЗОД: «БОЛО БУРДАНИ НАРХИ СӮЗИШВОРӢ АСОС НАДОРАД»

ТАҚОЗОИ ЗАМОН. БОЯД БА ТИҶОРАТИ ЭЛЕКТРОНӢ ГУЗАРЕМ

ТАҶҲИЗОТИ ПАРМАКУНӢ ҚОНЕЪКУНАНДА НЕСТ

ДМТ. ТАҚСИМОТ МОҲИ СЕНТЯБР СУРАТ МЕГИРАД

ДДОТ. ҲАМКОРИҲОИ БАЙНАЛМИЛАЛӢ ГУСТАРИШ МЕЁБАНД

ЁВОН. ПУЛИ МОШИНГАРД БА ИСТИФОДА ДОДА МЕШАВАД

ҶОМИ ТОҶИКИСТОН – 2020

ҚАЗОҚИСТОН БА ТОҶИКИСТОН ДАСТГОҲҲОИ НАФАСДИҲӢ МЕФИРИСТАД

ҶАҲОН ДАР ЯК САТР

15.07.2020


ДАР ТОҶИКИСТОН АЗ КОРОНАВИРУС 5332 БЕМОР ШИФО ЁФТ

ХОРУҒ. ВУСЪАТИ БУНЁДКОРИҲО ДАР ПЕШОРӮИ ТАШРИФИ ПЕШВОИ МИЛЛАТ

ХАДАМОТ. ШАХСОНИ МАСЪУЛ БЕШ АЗ 300 ҲАЗОР СОМОНӢ ҶАРИМА ШУДАНД

КУМИТАИ РУШДИ МАҲАЛ. 11 112 ИНШООТ БА ИСТИФОДА ДОДА ШУД

МУҲИТИ ЗИСТ. 607 ҲОЛАТИ ВАЙРОН КАРДАНИ ТАЛАБОТИ ҚОНУНГУЗОРӢ

ПРОКУРАТУРАИ ГЕНЕРАЛӢ. ТЕЪДОДИ ҶИНОЯТҲОИ ВАЗНИН ВА МАХСУСАН ВАЗНИН КОҲИШ ЁФТ

НОҲИЯИ ДЕВАШТИЧ. ҶАМЪБАСТИ НАТИҶАҲОИ НИМСОЛА

ЛИГАИ БОНУВОН. «ЗЕБО» ВА «ХАТЛОН» ДАР САДРИ ҶАДВАЛ

14.07.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 80 ДАРСАД РАСИД

ХУҶАНД. КОРХОНАИ «СОМОН ГУРӮҲ» БА ФАЪОЛИЯТ МЕПАРДОЗАД

200 000 СОМОНӢ КУМАКИ БОБОИ МУҲИБ БА ТАБИБОНИ РАШТ

ЭНЕРГЕТИКА. НИЗОМИ МУОСИРИ НАЗОРАТ ВА ҲИСОБИ НЕРУИ БАРҚ

НИГАРОНӢ! 25 ҲОЛАТИ МАЙДААВБОШӢ ДАР ЯК РӮЗ

ВАЗОРАТИ АДЛИЯ БА 3916 ШАҲРВАНД ЁРИИ ҲУҚУҚИИ РОЙГОН РАСОНД

ЗАМИНА БА ТУХМИПАРВАРИИ ИБТИДОӢ

ТАДБИРҲОИ ЗАРУРӢ БАРОИ РАФЪ СОХТАНИ МУШКИЛИҲО

“ДАСТ БА ДАСТ”. ФАРДО АЗ ИМРӮЗ БЕҲТАР ХОҲАД БУД

ЛИГАИ ЧЕМПИОНҲО «МАНЧЕСТЕР СИТИ» ДАР ОН МЕМОНАД

РОССИЯ КАРАНТИНИ ҲАТМӢ БАРОИ ВОРИДШУДАҲОРО БЕКОР КАРД

ҶАҲОН ДАР ЯК САТР

ТОҶИКИСТОН. 5228 ГИРИФТОРИ БЕМОРИИ COVID – 19 ШИФО ЁФТ

ҚОҲИР РАСУЛЗОДА ДАР НОҲИЯИ ШАМСИДДИН ШОҲИН ВА ШАҲРИ КӮЛОБ


Дар сомонаҳои дигари Тоҷикистон хонед