logo

фарҳанг

Абдуҷаббор РАҲМОНЗОДА: «ЗАРУР АСТ МУТТАҲИДТАР БОШЕМ!»


19 ноябри соли равон дар Маркази тадқиқоти стратегии назди Президенти Ҷумҳурии Тоҷикистон бо ташаббуси Муассисаи давлатии «Маркази исломшиносӣ»-и назди Президенти мамлакат ва бо иштироки намояндагони Дастгоҳи иҷроияи Президент, Маҷлиси намояндагони Маҷлиси Олӣ, Прокуратураи генералӣ ва олимону коршиносон конфронси ҷумҳуриявии илмӣ-амалӣ дар мавзӯи «Дин ва миллат: низоъҳои идеологӣ ва сиёсӣ дар ҷаҳони ислом» баргузор гардид. Дар он Ёрдамчии Президенти Ҷумҳурии Тоҷикистон  оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода аз ҷумла чунин гуфт:

- Бо ташаббуси Маркази исломшиносӣ дар назди Президенти Ҷумҳурии Тоҷикистон баргузор намудани конфронс далели таваҷҷуҳи махсус доштани Президенти Ҷумҳурии Тоҷикистон Эмомалӣ Раҳмон ба омӯзиши ҷиддӣ ва ҳамаҷонибаи масъалаҳои таъмини сулҳу субот, ваҳдати миллӣ, рушди устувори иқтисодиёти миллӣ, ташаккули миллати тоҷик, арҷ гузоштан ба арзишҳои миллию дунявӣ ва муносибат ба дин ва иттиҳодияҳои динӣ мебошад.
Беғаразона таҳлил намудани низоъҳои идеологӣ ва сиёсӣ дар шароити муосир, равшан кардани заминаи шиддат гирифтани ҷангҳои динию мазҳабӣ дар минтақаи Шарқи Наздик ва дигар масъалаҳои геосиёсӣ дар замони ҷаҳонишавӣ низ дар маркази таваҷҷуҳи Сарвари давлат мебошад. Боиси таассуф аст, ки солҳои охир муносибатҳои ҷамъиятӣ хусусияти буҳронӣ касб намуда, равандҳои тундгароӣ ва зиёдаравӣ дар фаъолияти ҳизбу ҷараёнҳои дохилӣ ва минтақавӣ ба мушоҳида мерасанд ва вобаста ба ин, миёни қишру табақаҳои гуногуни ҷомеаи шаҳрвандӣ баҳсҳои мухталиф доир мегарданд. Мураккаб будани вазъият боз дар он аст, ки гурӯҳҳои тундрави гуногун арзишҳо ва муқаддасоти диниро барои барангехтани оташи кинаву адоват ва хушунату хунрезӣ истифода мебаранд. Имрӯз сокинони сайёра шоҳиди шаклу намудҳои нангини куштору даҳшатафканиҳои гурӯҳҳои террористӣ дар қаламрави кишварҳои Ховари Миёна ва минтақаҳои дигари ҷаҳон шуда истодаанд. Амалҳои террористие, ки чанде пеш тавассути таркондани ҳавопаймои Русия дар Ҷумҳурии Мисри Араб ва чандин амали террористии ҳалокатбор дар пойтахти Фаронса ба амал омаданд, нишон медиҳанд, ки ҳеҷ кишвар ва фарди алоҳида аз ин вабои хатарноки аср дар амон буда наметавонад.
Президенти Ҷумҳурии Тоҷикистон Эмомалӣ Раҳмон дар робита ба амалиёти мудҳиши дар шаҳри Париж рухдода ба Президенти Ҷумҳурии Фаронса изҳори тасаллият намуданд ва аъмоли ғайриинсонии гурӯҳи ҷиноятпешаро, ки амали худро бо номи дини мубини ислом рабт медиҳанд, қотеъона маҳкум карда, аз ҷумла изҳор доштанд: «Ин ҳаводис имрӯз аз ҳамаи мо ҷиддан тақозо менамояд, ки барои фардои фарзандонамон, барои ояндаи мардумонамон муттаҳид шавем ва бо ин неруҳои аҳриманӣ, ки ҳаёти аҳли башарро ба хавф гузоштаанд, мубориза барем».
Дар изҳороти инсондӯстонаи Сарвари давлат вазъияти имрӯзаи ҷомеаи ҷаҳонӣ баррасӣ шуда, моро дар баробари хатарҳои неруҳои даҳшатафкан ҷиҳати аз даст надодани зиракӣ ва ҳушёрии сиёсӣ ҳидоят менамояд. Ҳар фарди миллатдӯст ва меҳанпараст бояд дастуру супоришҳои Сарвари давлатро дар меҳвари фаъолият қарор дода, барои оромӣ, осоиштагӣ, ваҳдати комил, сулҳу субот, ягонагӣ ва рушди уствори кишвар  саъю талош намояд.  Дар ҳақиқат ин омилҳои хатарзо ҷиҳати муттаҳид намудани неруҳои созанда дар атрофи ниҳодҳои давлатӣ имкон фароҳам меоранд ва моро вазифадор менамоянд, ки муттаҳид бошем, зиракии сиёсиро аз даст надиҳем ва барои ободии кишвар боз ҳам бештар, пурсамартар кору фаъолият намоем. 
 Дар шароити кунунӣ масъалаҳои марбут ба омӯзиши ҷойгоҳи дин дар давлати дунявӣ, манфиатҳои давлату миллат, дунёситезӣ ва динситезӣ ба таҳлил ва баррасии ҳамаҷонибаи тахассусӣ ниёз доранд. Ҳангоми пешниҳоди гузоришҳо, бахусус музокираҳо ва пурсишу посухҳо дар доираи масъалаҳои таҳлилӣ ва баҳсҳои илмӣ умедворем, ки донишмандону коршиносон кӯшиш менамоянд ба саволҳои зерин посухҳои илман асоснок диҳанд: оё манфиатҳои динӣ ва миллӣ бо ҳам бархӯрд доранд? Ба ҳам мувофиқ омадани ин манфиатҳо дар кадом сатҳу дараҷа қарор дорад? Оё ин омилҳои муҳими ҷомеаи шаҳрвандӣ метавонанд барои таъмини амнияти бардавом ва сулҳу субот дар ҷумҳурӣ ва минтақа мусоидат кунанд? Чӣ гуна умумият ва ихтилофҳо дар иҷрои лоиҳаву барномаҳои марбут ба масоили динӣ ва миллӣ вуҷуд доранд ва роҳҳои бартараф намудани камбудиҳо ва расидан ба ҳамгироӣ кадомҳоанд?
 Бояд ошкоро гӯем, ки дар ин самт ҳоло ҳам мушкилиҳо ба мушоҳида мерасанд. Ба назари мо, дар шароити кунунии бунёди давлати миллӣ тафовут дар байни тафаккури рӯҳониён ва тафаккури муосири дунявият ҷой дорад. Моро зарур аст, ки бештар ғояҳои миллӣ ва арзишҳои фарҳанги миллиро ташвиқ намоем ва дар доираи ҳамин меҳвари асосӣ дурнамои фаъолиятамонро муайян гардонем. Вобаста ба ин, бояд дар атрофи омӯзиш ва дастрасии фарҳанг ва барномаҳои умумимиллӣ муттаҳид гардем ва дини худро ба сифати як қисмати умдаи фарҳанги волои миллӣ муаррифӣ, эҳтиром ва арҷгузорӣ намоем.
 Имрӯз миллати тоҷик дар марҳалаи нави ташаккул ва рушди давлатӣ қарор дорад, ки дар он ҷаҳонбинии дунявӣ ҷавҳари низоми сиёсӣ ва усули давлатдории миллӣ мебошад. Ҳамгироӣ, ойини мадоро ва муносибати хайрхоҳонаву созишкоронаи давлат ба иттиҳодияҳои динӣ ҳамчун як ҷузъи муҳими фарҳанги ҷомеа, манбаи муҳими тарбияи ахлоқию маънавӣ ва худшиносии миллии Ватан мебошад. Ҳоло дар Ҷумҳурии Тоҷикистон тамоми заминаҳои ҳуқуқӣ барои дар сатҳи баланди меъёрҳои байналмилалӣ муайян намудани муносибати давлати дунявии миллӣ бо иттиҳодияҳои динӣ фароҳам омадааст ва Конститутсияи кишвар ҳуқуқ ва озодиҳои инсонро ҳамчун арзиши олӣ эътироф, риоя ва ҳифз менамояд. Масъалаи дигареро мехоҳам таъкид намоям, ки ҳанӯз ҳам неруҳое вуҷуд доранд, мехоҳанд дар байни мардуми ҳанафимазҳаби Тоҷикистон ва умуман минтақаи Осиёи Марказӣ тафриқа ва ҷудоӣ андохта, тавассути бадном кардани дини мубини ислом ва муқобилгузории он бо ҳокимияти давлатӣ ба амнияту ваҳдат ва рушди иқтисодиёту иҷтимоиёти кишварҳо халал ворид намоянд.
 Дар ин замина бовар дорам, ки гузоришҳои илмӣ ва баҳсу мунозираҳо дар доираи баргузории конфронси ҷумҳуриявии илмӣ-амалӣ дар мавзӯи «Дин ва миллат: низоъҳои идеологӣ ва сиёсӣ дар ҷаҳони ислом» як қадами ҷиддӣ дар роҳи шинохти илмӣ-тахассусӣ, дарёфт ва ҳалли роҳи дурусти раҳоӣ аз мушкилоти мавҷуда хоҳад буд.


 


Баёни ақида (0)    Санаи нашр: 23.11.15    №: 232    Мутолиа карданд: 541

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед