logo

ҳуқуқ

ПУРСИШ ВА ПОСУХ

Ба саволҳо Фарҳод Тоҳиров, адвокати Маслиҳатхонаи ҳуқуқии шаҳри Қӯрғонтеппа, Лайлӣ Мӯсоева, нотариуси давлатии Саридораи давлатии Ҷумҳурии Тоҷикистон ва Ғуфрон Бойматов, узви мушовараи адвокатҳои вилояти Суғд ҷавоб доданд.
Зимнан, агар хонандагони гиромӣ пурсише доранд, метавонанд бо телефони 238 - 54 - 16 муроҷиат намоянд.
- Аз бачагӣ маҷрӯҳи гурӯҳи дуюм ҳастам. Баъди хатми Донишгоҳи давлатии Тоҷикистон аз соли 1971 то имрӯз дар муассисаҳои гуногун бетанаффус кор карда меоям. То ҳол нафақаи маҷрӯҳӣ мегирам, вале азбаски ба синни нафақа расидам, ба шуъбаи таъминоти иҷтимоии шаҳри Панҷакент муроҷиат кардам, ки ба ман ба ҷои нафақаи маҷрӯҳӣ нафақаи пиронсолӣ муқаррар кунанд. Бигӯед, ки аз нафақаи маҷрӯҳӣ ба нафақаи пиронсолӣ гузаштан барои ман ягон маҳдудият ё имтиёз эҷод мекунад ё не?
Иҳсон Субҳонов,
шаҳри Панҷакент

- Дар моддаи 6-уми Қонуни Ҷумҳурии Тоҷикистон «Дар бораи таъмини нафақаи шаҳрвандони Ҷумҳурии Тоҷикистон» омадааст: ба шахсоне, ки дар як вақт ҳуқуқи гирифтани нафақаҳои гуногунро доранд, мувофиқи интихобашон як нафақа таъйин карда мешавад. Дар як вақт сархати дуюми моддаи 27-и ҳамин қонун муқаррар намудааст, ки агар маъюбони гурӯҳи 1, 2 ва 3 барои таъмин кардани нафақа аз рӯи синну сол, аз ҷумла бо шартҳои имтиёзнок, собиқаи кории зарурӣ дошта бошанд, нафақа аз рӯи синну сол мувофиқи собиқаи кории дахлдор таъйин мегардад. Бинобар ин, чӣ гуна имтиёз ё маҳдудият эҷод кардани гузариш аз як намуди нафақа ба намуди дигар танҳо пас аз пешниҳод кардани ҳуҷҷатҳои дахлдор, аз қабили дафтарчаи меҳнатӣ, маълумотномаҳо дар бораи музди меҳнат ба  шуъбаҳои ҳифзи иҷтимоӣ муайян карда мешавад.

- Аҳдномаи никоҳро кай ва дар кадом шакл бастан мумкин аст?

Сарвиноз,
сокини шаҳри Душанбе

- Аҳдномаи никоҳ созишномаи шахсоне мебошад, ки никоҳ мекунанд ё созишномаи зану шавҳар аст, ки ҳуқуқи молу мулкӣ ва уҳдадориҳои онҳоро дар давраи заношӯӣ ва (ё) дар ҳолатҳои бекор кардани он муайян менамояд.
Аҳдномаи никоҳ дар шакли хаттӣ баста шуда, бояд аз ҷониби нотариуси давлатӣ тасдиқ шавад. Риоя накардани ин меъёр боиси беэътибор донистани аҳдномаи никоҳ мегардад.
Сабти давлатии ақди никоҳ бо шаҳрвандони хориҷӣ ё шахси бешаҳрванд шартҳои иловагии зеринро пешбинӣ кардааст: истиқомат дар қаламрави Ҷумҳурии Тоҷикистон на камтар аз як соли охир; бастани аҳдномаи никоҳ ба таври ҳатмӣ.
Шаҳрвандон аҳдномаи никоҳро то бақайдгирии давлатии ақди никоҳ ва ё дар ҳар вақти давраи заношӯӣ баста метавонанд. Дар ҳолате, агар яке  аз тарафҳои никоҳшаванда шаҳрванди хориҷӣ ё шахси бешаҳрванд бошад, бастани аҳдномаи никоҳ то бақайдгирии давлатии ақди никоҳ ҳатмӣ мебошад. Аҳдномаи никоҳ, ки то бақайдгирии давлатии ақди никоҳ баста шудааст, аз рӯзи бақайдгирии давлатии ақди никоҳ эътибор пайдо мекунад.
Ҳамсарон ҳуқуқ доранд бо аҳдномаи никоҳ ҳуқуқу уҳдадориҳои худро дар мавриди таъминоти якдигар; тарзи иштирокро дар даромади ҳамдигар; тартиби хароҷоти оиларо аз ҷониби ҳар кадоми онҳо; хароҷоти тарафайни ҷашну маросимҳои оилавӣ ва молу мулкеро муайян намоянд, ки дар сурати бекор кардани никоҳ ба ихтиёри ҳар кадоми онҳо гузошта мешавад, инчунин ҳама гуна муқаррароти дигари марбут ба муносибатҳои молумулкиашонро дохил намоянд.
Ҳамсарон бо мувофиқаи ҳамдигар аҳдномаи никоҳро дар ҳар давра тағйир ва ё бекор карда метавонанд. Созишнома дар бораи тағйир ва ё бекор кардани аҳдномаи никоҳ дар ҳамон шакле, ки аҳдномаи никоҳ баста мешавад, ба имзо мерасад. Якҷониба рад намудани иҷрои аҳдномаи никоҳ иҷозат дода намешавад.

- Вақте ки ман ба дунё омадам, волидонам ақди никоҳи расмӣ надоштаанд.  Бинобар ин, дар шаҳодатномаи таваллуд насабам ба номи модарам сабт ёфтааст. Чанд сол пеш падарам аз олам гузаштанд. Чӣ тавр метавонам ҳангоми шиноснома гирифтан ба насаби падарам гузарам?
Ҷаҳонгир,
сокини шаҳри Қайроққум

- Тибқи муқаррароти моддаи 51 Кодекси оилаи Ҷумҳурии Тоҷикистон дар ҳолати фавти шахсе, ки худро падари кӯдак эътироф мекард, вале бо модари кӯдак ақди никоҳ надошт, далели падар эътироф гардидани ӯ метавонад аз рӯи қоидаҳои муқаррарнамудаи қонунҳои мурофиаи гражданӣ бо тартиби судӣ муқаррар карда шавад. Шумо метавонед пас аз омода сохтани ҳуҷҷатҳои зарурӣ ба суди маҳали зистатон бо ариза «Оид ба эътироф намудани далели эътирофи падарӣ» муроҷиат намоед.

Шуъбаи ҳуқуқи рӯзномаи
“Ҷумҳурият”


Баёни ақида (0)    Санаи нашр: 27.11.15    №: 237    Мутолиа карданд: 789
06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД


Дар сомонаҳои дигари Тоҷикистон хонед