logo

ҳуқуқ

ПУРСИШ ВА ПОСУХ

Ба саволҳо Ғуфрон Бойматов, узви мушовараи адвокатҳои вилояти Суғд ва Фарҳод Тоҳиров, адвокати Маслиҳатхонаи ҳуқуқии шаҳри Қӯрғонтеппа ҷавоб доданд.
Зимнан, агар хонандагони гиромӣ пурсише доранд, метавонанд бо телефони 238 - 54 - 16 ба мо муроҷиат намоянд.
- Манзили истиқоматиеро, ки айни замон бо аҳли оилаам зиндагӣ дорем, соли 1998 аз соҳибмулки он дар асоси шартномаи шифоҳӣ ба иҷора гирифта будам. Соҳибмулк соли 2000-ум вафот кард. Вай ягон меросхӯр ва ё хешу табори наздик надорад.  Ман дар ин муддат чанд маротиба хонаро таъмир намуда, маблағи хизматрасонии коммуналӣ, барқ, об ва андозро низ сари вақт супорида истодаам. Оё ҳуқуқ дорам, ки манзилро ба номи худам ба расмият дароварда, соҳибмулки он гардам?
Б. ХОЛҚӮЗИЕВА,
сокини шаҳри Қайроққум

- Тибқи муқаррароти моддаи 258 Кодекси граждании Ҷумҳурии Тоҷикистон агар шаҳрванд молу мулки ғайриманқулро, ки ба ӯ тааллуқ надорад, 15 сол софдилона ва ҳамчун моликияти ғайриманқули худ соҳибӣ карда бошад, ҳуқуқи соҳибмулкиро ба моликият ба даст меорад.
Аз сабаби он, ки шумо дар манзили истиқоматии зикршуда зиндагии бефосила доред, ҳуқуқ доред ба суди маҳали ҷойгиршавии манзили истиқоматӣ бо ариза оид ба эътироф намудани ҳуқуқи соҳибмулкӣ дар асоси давомнокии муҳлати ба даст овардан муроҷиат намоед.

- Ман соҳибкори инфиродӣ мебошам. Соҳибкорӣ ба собиқаи корӣ дохил мешавад?
САДБАРГ,
истиқоматкунандаи ноҳияи Вахш

- Мутобиқи талаботи моддаи 17-и Қонуни Ҷумҳурии Тоҷикистон “Дар бораи ҳимоя ва дастгирии давлатии соҳибкорӣ дар Ҷумҳурии Тоҷикистон” фаъолияти соҳибкори инфиродӣ, ки тибқи тартиби муқарраршуда ба қайд гирифта шудааст, ба собиқаи корӣ ворид мешавад. Яъне, агар шумо фаъолияти соҳибкории худро ба танзим дароварда, дар нозироти андоз ба қайд гирифта, маблағҳои андоз ва суғуртаи иҷтимоиро сари вақт пардохт кунеду пардохтварақаҳои онро нигоҳ доред, метавонед ба нозироти андози маҳали фаъолияти худ дафтарчаи меҳнатӣ пешниҳод карда, собиқаи соҳибкориатонро дарҷ кунед.

- Барои қатъ ё боздошти фаъолияти соҳибкорӣ чӣ бояд кард?
 Гурӯҳи соҳибкорон
аз шаҳри Қӯрғонтеппа
 
- Агар шумо бемор шавед, ба муҳоҷират сафар намоед ва ё бо сабабҳои ба иродаатон вобастанабуда идома додани фаъолияти соҳибкориатон ғайриимкон бошад, ба нозироти андоз аризаи асоснок пешниҳод намоед. Аз таҷриба медонам, ки мутаассифона, соҳибкорон аризаро оид ба қатъ кардани фаъолияташон ба нозироти андоз намесупоранд ва дар нусхаи аризаашон имзои онҳоро намегиранд, ки дар натиҷа, дар бисёр ҳолат фаъолияти онҳо қатъ нашуда, андозбандӣ ва ҷарима давом меёбад. Аз ин рӯ, ба шумо тавсия дода мешавад, ки аризаатонро ба нозироти андоз супурда, ҷавоби онҳоро оид ба қатъ ё боздошти соҳибкорӣ ба даст оред.
 

- Дар кадом ҳолат истифодаи патент қатъ карда мешавад?
МАҲБУБА, 
сокини ноҳияи Шуғнон

- Асосан, дар ҳолати фаъолият накардан. Он вақт соҳибкори инфиродии тибқи патент фаъолиятдошта уҳдадор аст, ки фавран фаъолияти худро тавассути бахшҳои бақайдгирӣ дар маҳал расман қатъ намояд. Дар акси ҳол, то он лаҳзае, ки фаъолияти соҳибкории ӯ тибқи Қонуни Ҷумҳурии Тоҷикистон «Дар бораи бақайдгирии давлатии шахсони ҳуқуқӣ ва соҳибкорони инфиродӣ» қатъ нашудааст, уҳдадор аст маблағи патентро барои моҳҳои дахлдор ба буҷет пардохт намояд

Шуъбаи ҳуқуқи рӯзномаи “Ҷумҳурият”
 


Баёни ақида (0)    Санаи нашр: 04.12.15    №: 242    Мутолиа карданд: 429

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед