logo

ҳуқуқ

НАРХИ ХОҶАГӢ БАРОИ РАИС – 249 СОМОНӢ

Ё чӣ тавр бародарон иншооти собиқ совхозро, ки бо меҳнати ҳалоли садҳо сокини ноҳия обод шудааст, ғайриқонунӣ хусусӣ гардонда, ба фоидаи худ истифода бурдаанд?
Суди Олии иқтисодӣ боз як ҳолати бо роҳи ғайриқонунӣ доир намудани музоядаро, ки тавассути он парки автомобилии Ҷамоати деҳоти Мискинободи ноҳияи Файзобод бо нархи 249 сомонӣ хусусӣ ва ба бозор табдил дода шуд, ошкор ва санади хариду фурӯшро бекор кард. Бахтиёр Нуралиев, сокини ноҳияи Файзобод, ки яке аз тарафҳои ин мурофиа мебошад, иброз дошт, ки ғайриқонунӣ ва ба манфиати шахсӣ ҳал кардани иншооти хоҷагӣ ба фаъолияти соҳибкорони маҳаллӣ латма зад ва онҳо маҷбур шуданд, ки баҳсро то ба суд баранд. Хушбахтона, адолат барқарор гашт ва парки автомобилӣ ба давлат баргардонда шуд.
Бино ба иттилои Бахтиёр Нуралиев, соли 2001 бародарон Мансур Раҳимов, собиқ муовини раиси ноҳия ва Дилшод Аҳмадов, собиқ раиси хоҷагии давлатии тухмипарварии ба номи Абдулвоҳид Назаров, харидуфурӯши амволи хоҷагии давлатиро миёни хешу табори наздик ба тариқи музояда доир мекунанд. Дар музояда падарашон Шариф Аҳмадов ғолиб меояду парки автомобилиро, ки 700 метр девори сангин, 2 гектар замин ва анбор дошт, бо нархи 249 сомонӣ мехарад. Фарзандон моликияти ба падар фурӯхтаашонро баъдан ба бозор табдил медиҳанд. Бо вуҷуди ҳамаи амалҳои ғайриқонунӣ соли 2002 дар дохили парк бозори хоҷагии деҳқонии «Шариф Аҳмад» бе ягон ҳуҷҷати шахси ҳуқуқӣ, таъсис дода мешавад. Он солҳо мо даҳ нафар соҳибкор бо иҷозати маъмурияти бозор ва ба онҳо пардохтани аз 2 то 7 ҳазор доллар, ҳар кадом барои худ мағоза бунёд кардем. Соҳибмулкони бозор мунтазам аз соҳибкорон иҷорапулӣ ситонда, ҳар сол нархро баланд мебардоштанд. Дар баъзе ҳолат ба соҳибкорон иҷозат намедоданд, ки вориди мағозаҳояшон шаванд. Баъди чунин бархӯрдҳои носолим ва ғайриқонунӣ ман, ҳамкоронам Абдулмаҷид Одинаев, Амин Нуралиев ва Раҷабмурод Раҳимов илоҷи дигар наёфта, ба Суди Олии иқтисодӣ шикоят бурдем. Баҳси судии мо тақрибан ду сол идома ёфт.
Дар рафти мурофиаҳои судӣ ҳолатҳои дигар ошкор шуданд. Маълум гардид, ки музояда бидуни чопи эълон дар нашрияҳо, пешниҳоди лоту ширкати рақиб баргузор гардида, ҳатто шартномаи харидуфурӯши амволи давлатӣ, ки қонун пешбинӣ кардааст, баста нашудааст. Солҳои охир миёни соҳибкорон ва моликони бозор баҳси моликият ва иҷора ба миён омад. Онҳо дар ҳудуди бозор барои мо бо гирифтани маблағ 0,02 гектар замин дода буданд. Дар ин қитъаи замин мағоза бунёд кардем. «Моликон»-и бозор ваъда доданд, ки мағозаҳоро ба номи мо қонунӣ мекунанд. Аммо ин корро анҷом надоданд. Баръакс, дари бозорро баста, илова ба мағозаҳои сохтаамон иҷорапулӣ талаб намуданд. Мо се нафар аз пардохти маблағи зиёд ва муфлис шудани тиҷоратамон роҳи дигар наёфта, ба суд муроҷиат намудем. Дар рафти мурофиаҳои судӣ исбот шуд, ки мансабдорони вақт бо роҳи ғайриқонунӣ парки автомобилии хоҷагиро аз худ кардаанд.
Баъди ду соли баррасии шикояти соҳибкорон Суди Олии иқтисодӣ қарор ва протоколи қалбакиро бекор карда, замин ва иншоотро дубора ба давлат баргардонд. Суди Олии иқтисодӣ адолатро барқарор кард, вале чаро то ин дам, яъне 12 соле, ки иншооти давлатӣ ҳамчун моликияти шахсии як оила истифода мешуд, роҳбарони хоҷагӣ, ноҳия ва мақомоти дахлдор чораҳои зарурии қонунӣ наандешиданд?
 Ба гуфтаи Эмом Насриддинов, раиси хоҷагии давлатии тухмипарварии ба номи Абдулвоҳид Назаров, ки дар мурофиа иштирок дошт, бо ҳукми Суди Олии иқтисодӣ бозор ба тавозуни давлат гузаронда шуд ва акнун дар ҳамкорӣ бо соҳибкорон масъалаҳои ҷойдошта ҳалли пурраи худро хоҳанд ёфт.

Ҳарамгул САНГОВА,
«Ҷумҳурият»
 


Баёни ақида (0)    Санаи нашр: 04.12.15    №: 242    Мутолиа карданд: 603

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод


Дар сомонаҳои дигари Тоҷикистон хонед