logo

ҳуқуқ

ДАР ОИЛА МИЛЛАТ ТАРБИЯ МЕЁБАД

Таҷриба нишон медиҳад, ки ташаббусҳои бунёдгарои Эмомалӣ Раҳмон, Президенти Ҷумҳурии Тоҷикистон, ҳамеша самарабахш ва ба нафъи ҷомеа мебошанд. Иқдоми навбатии созандаи Сарвари давлат дар бораи эълон шудани соли 2015 - Соли оила низ то кунун натиҷаҳои судбахш ба бор оварда, дар рафоҳи оиладорӣ нақши муассир гузошт.
Ин ташаббуси арзишманд дар самти бунёди оилаи солиму фарзандони баркамол дар ноҳияи Шоҳмансури шаҳри Душанбе бо ҳамоҳангии тамом истиқбол шуда, дар робита ба он барномаҳои вижаи корӣ таҳия гардиданд. Аз ҷумла, бахши сабти асноди ҳолати шаҳрвандии ноҳия дар ҳамбастагӣ бо мақомоти дигари дахлдор як қатор тадбирҳои заруриро ба роҳ монда, дар байни аҳолӣ корҳои фаҳмондадиҳӣ анҷом дод.
Дар натиҷаи гузарондани чорабиниҳои оммавӣ, дидору вохӯриҳо бо мардум ва тарғиби арзишҳои оиладорӣ, дар ноҳияи Шоҳмансур шумораи бекоршавии ақди никоҳ дар нуҳ моҳи соли ҷорӣ нисбат ба ҳамин давраи соли 2014 коҳиш ёфтааст. Гузашта аз ин,  таҳлилҳои мо нишон медиҳанд, ки зимни бунёди оилаи солим ва устувор нигоҳ доштани он, дар баробари риояи меъёрҳои ҳуқуқӣ ё иҷрои вазифаву уҳдадориҳо, корбаст намудани меъёрҳои ахлоқӣ низ мувофиқи матлаб аст. Зеро дар фарҳанги мардуми мо меъёрҳои ахлоқӣ ҷойгоҳи устувор дошта, баъзан чун қонуни нонавишта мавриди истифода қарор мегиранд. Дар меҳвари меъёрҳои ахлоқӣ эҳтироми тарафайн дар оила маҳсуб мешавад, ки воқеан ҳам аз омилҳои асосии бунёди оилаи солим ё устувории он дар ҷомеа ба ҳисоб меравад.
Маҳз риоя нашудани ҳамин меъёр дар бисёр маврид ба пошхӯрии оилаҳо замина мегузорад, ки мо дар таҷрибаи кории худ борҳо ба он мувоҷеҳ шудем. Муносибати беэҳтиромонаи байни зану мард ба тарбияи равонии фарзандон низ таъсири манфӣ мерасонад. Бояд ба ин тарафи масъала аҳамияти ҷиддӣ дода шавад, зеро чигунагии камолоти фарзандон, пеш аз ҳама, аз оила маншаъ мегирад.
Гузашта аз ин, дар қонунгузории Тоҷикистони соҳибистиқлол зану мард баробарҳуқуқ эътироф шуда (моддаи 17-и Конститутсия), дар асоси он барномаҳои вижаи давлатӣ низ татбиқ мешаванд. Зеро баробарҳуқуқии тарафҳо, бешубҳа, яке аз омилҳои асосии танзимкунандаи муносибатҳои оилавӣ ба шумор меравад. Баробарҳуқуқии занону мардон меъёри конститутсионӣ буда, солҳои охир ба он таваҷҷуҳи хос зоҳир мегардад. Дар асоси ин меъёр барномаҳои хоси давлатӣ таҳия ва мавриди амал қарор дода шудаанд.
Яке аз масъалаҳои дигаре, ки ҳуқуқу уҳдадориҳои зану шавҳарро таҳти ҳимояти қонун қарор медиҳад, ин бастани ақди никоҳи расмӣ мебошад. Хушбахтона, айни замон аксари ҷавонон аҳамияту муҳтавои қонунҳои ба оила мусоидаткунандаро хуб медонанд ва қабл аз издивоҷ барои барасмиятдарорӣ ба мақомоти Сабти асноди ҳолати шаҳрвандӣ ариза пешиниҳод мекунанд. Мо кормандони ин ниҳод қабл аз ба расмиятдарорӣ бо ҳамсарони оянда суҳбатҳо доир намуда, оид ба вижагиҳои оиладорӣ гуфтугӯ мекунем. Аз суҳбатҳо эҳсос мешавад, ки барномаҳои давлатӣ дар самти бунёди оилаи солим, баланд бардоштани маърифати ҳуқуқии шаҳрвандон, бахусус ҷавонон натиҷаҳои хуб ба бор овардаанд. Бисёре аз ҷавонони навхонадор дар қиёс ба солҳои қаблӣ маърифати оиладориро хуб дарк мекунанд. Бо вуҷуди ин, масъалаи баланд бардоштани маърифати оиладории шаҳрвандон бояд дар меҳвари таваҷҷуҳи мақомоти дахлдор ва аҳли ҷомеа қарор гирад. Ҳарчанд дар ноҳияи Шоҳмансур шумораи бекоршавии ақди нигоҳ кам шуда бошад ҳам, вале аз байн нарафтааст. Таҳлилҳо нишон доданд, ки дар бисёр маврид аз ҳам пошидани оилаҳо бо сабаби бефарзандӣ иттифоқ меафтад. Дар мавридҳои дигар, мавҷуд набудани эҳтироми тарафайн, ҳамдигарнофаҳмӣ ва хушунатҳои оилавӣ низ боиси бекоршавии ақди никоҳ мегарданд. Зимнан, мо шоҳиди аз ҳам пошидани оилаҳое будем, ки ба ҳам хешу табори наздиканд ва фарзандони носолим ба дунё овардаанд.
Аз сабаби он ки солҳои охир ба масъалаи устувор нигоҳ доштани генофонди миллат ва ҳифзи арзишҳои миллӣ таваҷҷуҳи зиёд зоҳир мегардад, мо бояд аз равияҳои номатлуб дар самти оиладорӣ даст кашем ва барои бунёди оилаи солиму ҷомеаи пешрафта  талош варзем.

Зарина ҲАСАНОВА,
мутахассиси пешбари бахши САҲШ-и
ноҳияи Шоҳмансури шаҳри Душанбе


Баёни ақида (0)    Санаи нашр: 5.12.2015    №: 243    Мутолиа карданд: 663

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист


Дар сомонаҳои дигари Тоҷикистон хонед